Eswatini-spoorweë
Die Eswatini-spoorweë, voorheen bekend as Swazi Rail, is die nasionale spoorwegkorporasie van Eswatini.
Oorsig
wysig
Soos in die res van Suider-Afrika, is die 301 km-lange spoorstelsel van Eswatini volgens die smal Kaapspoor van 1 067 mm gebou. Die Eswatini-spoorweë bied slegs vervoerdienste van goedere aan, geen passasiers nie.
Die spoorweë word gebruik om die landingeslote land met die see te verbind. Die ooswesskakel, genoem die Goba-lyn, lei van Matsapha (naby Manzini) deur Sidvokodvo, Phuzumoya en Mpaka na Goba in Mosambiek. Van Goba bied 'n lyn van die Mosambiekse Hawens en Spoorweë verbindings na die hawens van Matola en Maputo.
Die Eswatini-spoorweë besit ook twee verbindings na Suid-Afrika: 'n noordelike skakel vanaf Mpaka te Komatipoort in Mpumalanga op die Pretoria–Maputo spoorlyn, en 'n suidelike skakel van Phuzumoya te Golela in KwaZulu-Natal, waar die Transnet-netwerk dit verbind met die hawens van Richardsbaai en Durban.
Swazilink
wysigIn Januarie 2012 is die Swazilink-projek aangekondig, wat Sidvokodvo met Lothair in Mpumalanga, Suid-Afrika, sou verbind. Dit sou die steenkoolvragverkeer herlei na die Richardsbaailyn, en daardeur druk op die huidige Mpumalangalyne verlig.[1][2] In Junie 2014 het Swazi Rail egter beraam dat die skakel R17 miljard sou kos, en waarskynlik eers diens sou betree in 2017.[3]
Eksterne skakels
wysig- (en) Eswatini Railways
Verwysings
wysig- ↑ "Railway Gazette: Ceremony launches Swazilink project". Railway Gazette International. Geargiveer vanaf die oorspronklike op 21 Januarie 2012. Besoek op 22 Januarie 2012.
- ↑ "argiefkopie". Geargiveer vanaf die oorspronklike op 4 Maart 2016. Besoek op 31 Januarie 2017.
- ↑ "NEW SWAZILAND LINK LINE TO RUN IN 2017". Railways Africa. Geargiveer vanaf die oorspronklike op 14 Julie 2014. Besoek op 2 Julie 2014.
| Hierdie artikel is in sy geheel of gedeeltelik vanuit die Engelse Wikipedia vertaal. |
