First City

Die First City (nou bekend as die Hoofman Makhanda Regiment) is 'n reserwemagregiment in die Suid-Afrikaanse Infanteriekorps van die Suid-Afrikaanse Leër, met hoofkwartier in Grahamstad. Dit bestaan sedert 1875 en het 'n geskiedenis wat aktiewe deelname aan verskeie koloniale veldslae, die Tweede Vryheidsoorlog, die Eerste Wêreldoorlog, die Tweede Wêreldoorlog, die Grensoorlog, en die Noodtoestand insluit. Die regiment het verskeie gevegsonderskeidings verwerf, en oor die jare is baie lede met dekorasies vereer. Sy leuse is Virtute et opera.

First City
Gestig	1875
Land	Suid-Afrika
Weermagdeel	Suid-Afrikaanse Nasionale Weermag‎
Tipe	Ligte infanterie
Spesialisasie	Lugaanval en Opleiding
Hoofkwartier	Grahamstad Militêre Basis
Aantal lede	een lugaanval bataljon en een opleidingsvleuel
Mars	Bonny Dundee

Geskiedenis (Chronologie)

1870's

• Die First City of Grahamstown Volunteers word in 1875 gestig - een van talle vrywilligereenhede wat in die opbou tot die 9de Grensoorlog in oos-Kaapland gestig is.
• 9de Grensoorlog (1877-78) - aktiewe diens in Transkei.

1880's

• Gewere-oorlog (1880-81) - aktiewe diens in Basoetoland.

1890's

• Betsjoeanaland-veldtog (1897) - aktiewe diens in noord-Kaapland.
• Tweede Vryheidsoorlog (1899-1902) - aktiewe diens in oos-Kaapland.

1900's

• Ontvang in 1904 'n Koningsvaandel ter erkenning van sy diens in die oorlog.

1910's

• Ingelyf by die burgermag van die nuwe Unie Verdedigingsmagte in 1913 en saamgesmelt met die Queenstown Rifle Volunteers as die '4de Infanterie (First Eastern Rifles)' - diensplig bly vrywillig.
• Duits-Suidwes-Afrika-veldtog (1914-15) - aktiewe diens in Suidwes-Afrika.

1920's

• Naam verander na '4de Infanterie (First City)' in 1924.
• Affilieer met die Bedford Regiment (in die Britse Leër) in 1928.

1930's

• Naam verander na 'First City' in 1932.

1940's

• Madagaskar-veldtog (1942) - aktiewe diens met die 7de SA Infanteriebrigade in Madagaskar.
• Italiaanse-veldtog (1944-45) - aktiewe diens met die 12de SA Gemotoriseede Brigade in Italië, insluitend die slagte van Monte Cassino, Chiusi, Florence, die Gotiese-linie, Monte Stanco, Monte Pezza, Monte Sole, Monte Caprara, en die deurbraak na die Po-vallei.

1950's

• Die vrywillige diensstelsel eindig in 1952 - vanaf 1952 tot 1967 is burgers vir diensplig geloot.
• Vanaf 1954 tot 1956 met die Kaffrarian Rifles-regiment saamgesmelt.

1960's

• Vanaf 1968 tot 1993 is burgermagdiens verpligtend ('nasionale diensplig').

1970's

• Grensoorlog - verskeie operasionele diensbeurte in noordelike Suidwes-Afrika en suidelike Angola.

1980's

• Noodtoestand (1985-90) - verskeie keer vir binnelandse veiligheidsdienste opgeroep.

1990's

• Sedert 1994 is militêre diens weer vrywillig.
• Toe die burgermag na 1994 in die reserwemag omskep is word die FC 'n reserwemageenheid.

2000's

• Vredesmag-operasies - verskeie diensbeurte in die Demokratiese Republiek van die Kongo, Burundi, en Soedan.

Gevegsonderskeidings

• Gaika-Gcaleka 1877-78
• Basutoland 1880-81
• Bechuanaland 1897
• South Africa 1899-1902
• South West Africa 1914-15
• Madagascar 1942
• Italy 1944-45; Casino II; Chiusi; Florence; The Greve; Gothic Line; Monte Stanco; Monte Pezza; Sole/Caprara; Po Valley.

Verwysings

• Griffiths, R. (1970). First City - A Saga of Service.
• Stirling, J. (1907). The Colonials in South Africa 1899-1902.