Wikipedia

Frederik X van Denemarke

koning van Denemarke
(Aangestuur vanaf Frederik, kroonprins van Denemarke)

Frederik X (Frederik André Henrik Christian; gebore 26 Mei 1968) is sedert 2024 die koning van Denemarke. Hy is die oudste seun van koningin Margrethe II (1972-2024) en Henrik, die prinsgemaal.

Frederik
Koning van Denemarke
Frederik in 2021.
Frederik in 2021.
Periode 14 Januarie 2024 – hede
Voorganger Margrethe II
Volle naam Frederik André Henrik Christian
Bynaam Pingo[1]
Huis Sleeswyk-Holstein-Sonderburg-Glücksburg
Gebore 26 Mei 1968 (1968-05-26) (56 jaar oud) , Kopenhagen
Vrou Mary Donaldson
Kinders Christian, Isabella, Vincent, Josephine
Moeder Margrethe II
Vader Henri de Laborde de Monpezat
Diens Deense weermag
Deense vloot
Jare 1986 - 2024

Koningin Frederik X se amptelike slagspreuk is: Verenig, toegewyd, vir die Koninkryk van Denemarke.

Vroeë lewe

wysig
 
Frederik as ’n baba in sy ma se arms.

Frederik is op 26 Mei 1968 in Kopenhagen gebore toe sy ma nog prinses Margrethe was, die oudste dogter van Frederik IX en vermoedelike opvolger van die Deense troon. Met sy geboorte was sy oupa aan moederskant, Frederik IX, op die troon van Denemarke en sy oupagrootjie aan moederskant, Gustaf VI Adolf, op die troon van Swede. Hy het die kroonprins geword toe sy ma op 14 Januarie 1972 die troon bestyg.

Sy peetouers sluit in prins Georg van Denemarke, baron Maximilien de Wattevill-Berckheim, graaf Etienne de Laborde de Monzepat, koningin Anne-Marie van Griekeland, groothertogin Joséphine-Charlotte van Luxemburg en Birgitta Juel Hillingsø. Hy is genoem na:

  • Sy oupa van moederskant, Frederik IX, wat dus die koninklike tradisie volg om die troonopvolger òf Frederik òf Christian te noem.
  • Sy oupa aan vaderskant, André de Laborde de Monzepat.
  • Sy pa, prins Henrik.
  • Sy oupagrootjie Christian X.

Benewens Deens, sy moedertaal, praat hy ook vlot Frans (sy pa se moedertaal), Engels en Duits.

Die koning het die grondslagfaseskool by Krebs' Skole in 1974-1981 bygewoon, van 1974-1976 as privaat leerling by die Amalienborgpaleis. Na sy skoolloopbaan het hy in 1989 begin met ’n kursus in staatsleer aan die Aarhus-universiteit. Dit het ’n jaar aan Harvard (1992-1993) ingesluit onder die naam Frederik Henriksen, waarna hy drie maande lank by die Deense VN-sending in New York gewerk het. In 1995 het hy sy M.Sc.-graad in staatsleer verwerf. Sy finale proefskrif het gehandel oor ’n ontleding van die buitelandse beleid van die Baltiese lande, wat hy tydens sy studie verskeie kere besoek het.[2][3]

Frederik het uitgebreide studie en opleiding in al drie weermagdienste voltooi. Hy was daarna aktief in die verdedigingsmagte. Hy het verskeie range, onder meer generaal-majoor in die leër.

 
Frederik en sy vrou, kroonprinses Mary, by die troue van Victoria, kroonprinses van Swede, en Daniel Westling.

Op 8 Oktober 2003 het koningin Margrethe amptelik haar toestemming gegee vir sy troue met Mary Elizabeth Donaldson, ’n Australiese bemarkingskonsultant wat die prins ontmoet het terwyl hy die Olimpiese Somerspele 2000 in Sydney bygewoon het. Hulle is op 14 Mei 2004 in Kopenhagen getroud. Die paartjie het vier kinders: Christian, sy erfgenaam; Isabella; Vincent; en Josephine.

Belangstellings

wysig
 
Frederik en Mary bewonder die naghemel by ESO se sterrewag in Chili.[4]

Frederik stel baie belang in wetenskaplike navorsing, klimaatsverandering en volhoubaarheid.[5] Hy het al aan ekspedisies, forums en gebeure oor die klimaat deelgeneem[6][7][8][9][10] en onderhoude toegestaan oor volhoubaarheid.[6][11]

Die prins moedig Dene aan om aan sport deel te neem.[12] Hy is die beskermheer en erelid van verskeie sportorganisasies,[13][14][15] en lid van die Internasionale Olimpiese Komitee.[16]

Hy is self ’n geesdriftige sportman,[17] wat aan marathons in Kopenhagen, New York en Parys deelneem.[1][18] In 2013 was hy die eerste koninklike wat ’n Ystermankompetisie voltooi het.[19]

Hy is ook ’n ervare see- en drakebootvaarder wat al kompetisies gewen het.[20][21]

Simbole van koning Frederik X

wysig
  •  
    Koninklike wapen
  •  
    Koninklike vaandel
  •  
    Persoonlike monogram as kroonprins
  •  
    Monogram van hom en prinses Mary

Verwysings

wysig
  1. ↑ 1,0 1,1 Hello!. "Biography: Prince Frederik". hellomagazine.com (in Engels). Geargiveer vanaf die oorspronklike op 25 Desember 2019. Besoek op 26 Junie 2017.
  2. ↑ "Au Gustus Aarhus Universitet" (PDF) (in Deens). 3 September 2008. Geargiveer (PDF) vanaf die oorspronklike op 23 September 2015. Besoek op 4 Januarie 2011.
  3. ↑ "Crown Prince Frederik" (in Engels). Royal Danish Ministry of Foreign Affairs. Geargiveer vanaf die oorspronklike op 5 Junie 2011. Besoek op 4 Januarie 2011.
  4. ↑ "The Crown Prince Couple of Denmark visits ESO's Paranal Observatory". ESO (in Engels). Geargiveer vanaf die oorspronklike op 22 Desember 2019. Besoek op 2 April 2013.
  5. ↑ Ekstra Bladet (4 Desember 2009). "The Crown Prince Focusing on Climate Change". ekstrabladet.dk (in Deens). JP/Politikens Hus A/S. Geargiveer vanaf die oorspronklike op 10 Maart 2016. Besoek op 26 Junie 2017.
  6. ↑ 6,0 6,1 Harvey, Fiona (27 Maart 2010). "Europe's royals as climate activists". Financial Times Magazine (in Engels). Geargiveer vanaf die oorspronklike op 3 Maart 2016. Besoek op 14 September 2011.
  7. ↑ www.billedbladet.dk Geargiveer 7 April 2012 op Wayback Machine. www.billedbladet.dk (22 September 2009). Besoek op 14 September 2011.
  8. ↑ www.billedbladet.dk Geargiveer 26 Februarie 2012 op Wayback Machine. www.billedbladet.dk (27 May 2009). Besoek op 14 September 2011.
  9. ↑ msndk.starlounge.com Geargiveer 16 Desember 2009 op Wayback Machine. msndk.starlounge.com. Besoek op 14 September 2011.
  10. ↑ thegloss.com Geargiveer 17 Julie 2011 op Wayback Machine. thegloss.com. Besoek op 14 September 2011.
  11. ↑ "Renovating a palace in Copenhagen". CNN. Geargiveer vanaf die oorspronklike op 20 Desember 2014.
  12. ↑ "www.billedbladet.dk" (in Deens). billedbladet.dk. 14 Oktober 2010. Geargiveer vanaf die oorspronklike op 7 April 2012. Besoek op 14 September 2011.
  13. ↑ www.kronprinsparret.dk Geargiveer 26 Mei 2010 op Wayback Machine. www.kronprinsparret.dk (17 Januarie 2006). Besoek op 14 September 2011.
  14. ↑ www.kronprinsparret.dk Geargiveer 31 Augustus 2009 op Wayback Machine. www.kronprinsparret.dk. Besoek op 14 September 2011.
  15. ↑ www.kronprinsparret.dk Geargiveer 26 Mei 2010 op Wayback Machine. www.kronprinsparret.dk (28 Oktober 2010). Besoek op 14 September 2011.
  16. ↑ "spn.dk" (in Deens). spn.dk. Geargiveer vanaf die oorspronklike op 8 Oktober 2011. Besoek op 14 September 2011.
  17. ↑ "www.kronprinsparret.dk". kronprinsparret.dk. 19 Maart 2007. Geargiveer vanaf die oorspronklike op 28 September 2011. Besoek op 14 September 2011.
  18. ↑ "Frederik of Denmark: The Unknown Heir". hola.com (in Spaans). Hello!. 6 November 2007. Geargiveer vanaf die oorspronklike op 24 Oktober 2012. Besoek op 26 Junie 2017.
  19. ↑ "Kronprins Frederik gennemfører ironman i god stil" (in Deens). Geargiveer vanaf die oorspronklike op 31 Desember 2014. Besoek op 28 November 2016.
  20. ↑ Bernard Schopfer/ RC 44 Class (3 Junie 2010). "www.sailing.org" (in Engels). sailing.org. Geargiveer vanaf die oorspronklike op 22 Mei 2018. Besoek op 14 September 2011.
  21. ↑ Fynes (29 Mei 2010). "All Winners of Fyn Cup Found". fyens.dk (in Deens). Jysk Fynske Medier P/S. Geargiveer vanaf die oorspronklike op 22 Mei 2018. Besoek op 26 Junie 2017.

Eksterne skakels

wysig
Ontsluit van "https://af.wikipedia.org/w/index.php?title=Frederik_X_van_Denemarke&oldid=2687060"