Hergé

Georges Prosper Remi (22 Mei 1907 – 3 Maart 1983), was 'n Belgiese strokiesverhaalskrywer en kunstenaar. Sy skrywernaam was Hergé – wat die Franse uitspraak van R.G., sy voorletters omgekeer, is. Sy Die avonture van Kuifie het hy vanaf 1929 tot 1983 geskryf. Hy het 24 Kuifieboeke geskryf. Die 24ste boek het hy nooit voltooi nie. Die merkwaardige eienskappe van die Kuifie-stories sluit in die sterk skepping van 'n gevoel van realiteit (danksy sy nougesette en verreikende navorsing), en sy kenmerkende ligne claire sketsmetode.

Georges Remi
Foto van Hergé in "Galerie de Traitres" (Galery van Verraaiers).
Gebore	Georges Prosper Remi 22 Mei 1907 Etterbeek, België
Sterf	3 Maart 1983 (op 75) Woluwe-Saint-Lambert, België
Nasionaliteit	België
Beroep	Skrywer en tekenaar
Bekend vir	Die avonture van Kuifie
Eggenoot	Germaine Kieckens
Ouer(s)	Alexis Remi en Elisabeth Dufour
Webwerf	tintin.com
Handtekening

Biografie

Georges Remi is gebore in 1907 in Etterbeek, Brussel, België. Hy het nooit formele kunsopleiding ontvang nie. Hy begin om sy werk as Hergé te onderteken vanaf 1924. Hy het sy eerste strokiesverhaal in 1926 gepubliseer. Sy eerste Kuifie-storie verskyn as 'n strokiesprentreeks in Le Petit Vingtième op 10 Januarie 1929 en word voltooi op 8 Mei 1930. Kuifie, as karakter, is geïnspireer deur sy broer, Paul Remi, wat toe 'n offisier in die Belgiese weermag was.

In 1932 trou hy met Germaine Kieckens. Hulle het nooit kinders gehad nie en skei in 1975.

Die vroeë stories van Kuifie het verskyn teen die tempo van ongeveer een per jaar. Voor Die blou lotus, die vyfde storie in die reeks, het Hergé onverskillige en polities-verkeerde foute gemaak oor die lande wat Kuifie besoek het. As gevolg van sy vriendskap met 'n jong Chinese man, Sjang Sjonjen, raak hy nougeset om die plekke wat Kuifie besoek in sy verdere stories akkuraat uit te beeld. Die laaste drie stories het veel langer geneem om te verskyn (met vyf en nege jaar se verloop tussen die drie).

Hergé sterf op 3 Maart 1983 op die ouderdom van 75 weens komplikasies van leukemie, waaraan hy vir vele jare gely het.

Sien ook

• Die avonture van Kuifie vir 'n lys van die 24 boeke in die reeks.

Bronnelys

• "Spécial Hergé : Hergé et Tintin en Dates". L'Express (in Frans). 15 Desember 2006. Geargiveer vanaf die oorspronklike op 30 September 2007.
• Moore, Charles (26 Mei 2007). "A Tribute to the Most Famous Belgian". The Daily Telegraph. UK. Geargiveer vanaf die oorspronklike op 15 Junie 2008. Besoek op 15 November 2021.
• Goddin, Philippe (7 November 2007). Hergé: Lignes de vie. {{cite book}}: |work= ignored (hulp)
• Benoît-Jeannin, Maxime (7 Januarie 2007). Les guerres d'Hergé. {{cite book}}: |work= ignored (hulp) ISBN 978-2-930402-23-9
• Farr, Michael (Oktober 2007). The Adventures of Hergé. John Murray. ISBN 978-0-7195-6799-5.
• Pierre Sterckx (Textes) / André Soupart (Photos), Hergé. Collectionneur d'Art, Brussels/Belgium (Tournesol Conseils SA-Renaissance du Livre) 2006, 84 p. ISBN 2-87415-668-X

Eksterne skakels

• Hergé – 'n mini-profiel en lewenslyn
• Ontdek Kuifie Geargiveer 28 Oktober 2004 op Wayback Machine