Gereformeerde kerk Douglas
Die Gereformeerde kerk Douglas was die jongste van die 15 gemeentes in die Gereformeerde Kerke in Suid-Afrika se Klassis Griekwaland-Wes, waarin Postmasburg, gestig in 1883, die oudste is. Met ’n sieletal van 36 in 2019 was die gemeente toe die derde kleinste.
| Gereformeerde Kerk Douglas | ||
| ||
| Sluit in | Douglas | |
| Klassis | Griekwaland-Wes | |
| Huidige predikant(e) | Vakant | |
| Belydende lidmate | 27 | |
| Dooplidmate | 9 | |
| Adres | Douglas | |
| Geskiedenis | ||
| Stigtingsdatum | 10 Februarie 2010 | |
| Afgestig van | Kimberley | |
| Datum ontbind | 26 Julie 2026 | |
Die gemeente se middelpunt is op die Noord-Kaapse dorp Douglas, sowat 100 km suidwes van die provinsiale hoofstad, Kimberley. Die lidmate wat op Douglas woon, het tot 2010 onder die Gereformeerde kerk Kimberley geressorteer. In daardie jaar, toe ds. Hannes Noëth predikant van Kimberley was, het sowat 20 belydende en sowat 10 dooplidmate as die Gereformeerde kerk Douglas afgestig. Die eerste ouderlinge was C. Nel en D.S. Snyders en die eerste diaken N. Richter.
Die Gereformeerde kerk Douglas het in sy meer as dekade lange bestaan nog genoeg lidmate gehad om ’n predikant te beroep nie. Op 26 Julie 2024 het die gemeente gebind en die lidmate oorgegaan na Oranjerivier, waarvan hulle 'n wyk sou vorm. Douglas was deel van Klassis Griekwaland-Wes, maar met die ontbinding het die omgewing deel geword van Klassis Burgersdorp.
Bronne
wysig- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.