Gewone blousysie

Die Gewone blousysie is 'n opvallende klein (lengte 12–13 cm) voëltjie wat tydens die broeiseisoen in pare beweeg, andersins in groterige swerms (40 of selfs meer individue). Hulle wei meestal op die grond maar kan ook insekte tydens vlug vang.

Gewone blousysie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Estrildidae
Genus:	Uraeginthus
Spesie:	U. angolensis
Binomiale naam
Uraeginthus angolensis (Linnaeus, 1758)

Identifikasie

Muisgrys-bodele en kop, met kenmerkende poeierblou onderdele en laer deel van gesig. Bekkie wissel tussen pienk en ligblou, bene en pote ligbruin.

Habitat

Oop bosveld, rivieroewerbos, langs landerye. Soms op die kant van 'n immergroen woud.

Verspreiding

Vanaf Angola, noordelike dele van Namibië en Botswana, Zimbabwe, Limpopoprovinsie, eSwatini en KwaZulu-Natal.

Geluid

Dringende sweep sweep, vinnig opvolgend.

Ander name

• Engelse naam: Blue Waxbill
• Tswana: Xidzingirhi
• Duits: Angola-Schmetterlingsfink
• Wetenskaplike naam: Uraeginthus angolensis

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bronnelys

• Roberts' Birds of Southern Africa, Sixth Edition, ISBN 0620175834