Gingindlovu

Gingindlovu is 'n nedersetting in KwaZulu-Natal, Suid-Afrika. Hierdie dorp is 6 km noord van Amatikulu.

Gingindlovu
Gingindlovu  Gingindlovu se ligging in KwaZulu-Natal
Koördinate: 29°1′S 31°35′O
Land	Suid-Afrika
Provinsie	KwaZulu-Natal
Distrik	King Cetshwayo
Munisipaliteit	uMlalazi
Oppervlak
• Totaal	2,39 km2 (0,92 vk. myl)
Bevolking  (2011)
• Totaal	1 109
• Digtheid	464/km2 (1 200/vk. myl)
Rasverdeling (2011)
• Wit mense	1.1%
• Indiërs/Asiërs	29.2%
• Bruin mense	11.3%
• Swart mense	57.6%
• Ander	0.8%
Taal (2011)
• Zoeloe	49.1%
• Engels	44.8%
• Afrikaans	1.6%
• Ndebele	1.2%
• Ander	3.3%
Poskode (strate)	3800
Poskode (posbusse)	3800
Skakelkode	035

Geskiedenis

Die geskiedenis van die dorp kan teruggevoer word na die stryd om leierskap vir die Zoeloetroon. Op 2 Desember 1856 het Cetshwayo ('hy wat belaster is') sy halfbroer Mbulazi in die Slag van Ndondakusuka verslaan. Vyf seuns van die Zoeloekoning Mpande, wat die verloorder gesteun het, is ook doodgemaak.

Cetshwayo het toe vir homself 'n nuwe militêre kraal gebou wat hy uMgungundlovu ('die een wat die olifant insluk') genoem het. Die kraal is ongeveer 17 km vanaf die slagveld waar hy koning geword het.

Op 2 April 1879 was lord Chelmsford en sy 5 500 man op pad na Eshowe om 'n Britse mag te ontset. Hulle was aangeval deur 10 000 Zoeloes onder leiding van Dabulamanzi, broer van Cetshwayo. Die Britte behaal 'n groot oorwinning en verloor net 13 man terwyl die Zoeloes ongeveer 1 000 man verloor het. Die Britte het die kraal afgebrand en die plek 'Gin, gin I love you' genoem.

Distrik

Die dorp is vandag 'n klein kommersiële sentrum. Daar is 'n takspoorlyn na Eshowe van hier. Daar is ook 'n gedenkteken vir die Britse soldate wat gesneuwel het tydens die 'Slag van Gingindlovu' op die slagveld.

Sien ook

• Lys van dorpe in Suid-Afrika

Bronne

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric (1967). Ensiklopedie van Suidelike Afrika.