Groenkopeend

Die groenkopeend (Anas platyrhynchos) is 'n algemene en wydverspreide eendvoël wat wat inheems is aan Noord-Amerika en Eurasië. Dit is uit Europa na onder meer Suid-Afrika en Australië uitgevoer. Die voël is 50 tot 64 cm groot en weeg 850 tot 1 400 g. Hulle verbaster gereeld met die geelbekeend, en af en toe met die swarteend en Kaapse slopeend.

Groenkopeend
Wyfie (links) en mannetjie (regs)
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Subfamilie:	Anatinae
Genus:	Anas
Spesie:	A. platyrhynchos
Binomiale naam
Anas platyrhynchos Linnaeus, 1758
globale verspreiding (natuurlik en ingevoer)
Sinonieme
Anas boschas Linnaeus, 1758

Die spesie is 'n relatief groot en swaar eend met 'n lang lyf en 'n lang, breë snawel. Die mannetjie het 'n geel snawel en in broeidrag 'n donkergroen kop, en is hoofsaaklik persbruin oor die bors geveerd en grysbruin op die lyf. Die wyfie het 'n oranje snawel en is oorwegend bruin geveerd. Hulle broei regdeur Europa in enige geskikte vleiland, maar is skaarser in hoogliggende streke. Dié wat in koue noordelike streke soos Ysland en Skandinawië broei trek vir die winter suidwaarts, na byvoorbeeld die Verenigde Koninkryk, waar daar ook inwonende broeiers is wat heeljaar teenwoordig is.

Fotogalery

• Beweeg muis oor foto om byskrif te lees

• 
  'n Mannetjie in broeikleed
• 
  Kop van 'n mannetjie in broeidrag
• 
  Wyfie besig om te land
• 
  Nes met eiers
• 
  Wyfie met kuikens
• 
  Wyfie met kuikens
• 
  Eiers uit 'n museumversameling
• 
  Kuiken

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1