Kransaasvoël

Die kransaasvoël (Gyps coprotheres) is 'n aasvoël wat aangetref word in Suid-Afrika, Lesotho en Botswana. Af en toe besoek jong kransaasvoëls Namibië tydens hul jeugreise. Dit word deur die IUBN geklassifiseer as 'n kwesbare spesie as gevolg van vergiftiging, versteuring in die broeikolonies en omdat hulle deur oorhoofse elektriese kabels doodgeskok word.

Kransaasvoël
Bewaringstatus
Bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Falconiformes
Familie:	Accipitridae
Genus:	Gyps
Spesie:	G. coprotheres
Binomiale naam
Gyps coprotheres (Forster, 1798)

Identifikasie

Die kransaasvoël is 100–115 cm lank en het 'n donkerbruin bokant met 'n wit laerrug. Dit het donker vlugvere en wit borsvere.

Habitat

Hulle habitat is grasveld, savanne en woestynagtige areas. Hulle broei op kranslyste.

Verspreiding

Kransaasvoëls kom hoofsaaklik in die Drakensberge en Oos-Kaap voor. Daar is ook 'n kolonie in die De Hoop-natuurreservaat naby Bredasdorp in die Wes-Kaap.

Ander name

• Engels: Cape Griffon / Cape Vulture
• Wetenskaplike naam: Gyps coprotheres

Fotogalery

• 
  'n Eier van die kransaasvoël.
• 
  'n Jong kransaasvoël in die St. Augustine Alligator Farm, St. Augustine, Florida.
• 
  'n Kransaasvoël in vlug naby die Wieg van die Mensdom, Gauteng, Suid-Afrika.
• 
  'n Kransaasvoël in vlug by Mike se pas, Drakensberge, KwaZulu-Natal, Suid-Afrika.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Eksterne skakels

• Wikimedia Commons het meer media in die kategorie Kransaasvoël.

• Wikispecies het meer inligting verwant aan Kransaasvoël