Hans Strydom (akteur)

Suid-Afrikaanse akteur

Hans Strydom is 'n Suid-Afrikaanse akteur en skrywer. Hy is veral bekend vir sy rol as dr. Stephen Marshall in The Gods Must Be Crazy II (1989). Hy is ook 'n bekende TV-persoonlikheid en het in verskeie Afrikaanse sepies en rolprente gespeel.[1][2]

Hans Strydom
Geboortenaam Johannes Strydom
Alias Hans
Geboorte 14 Mei 1947 (1947-05-14) (77 jaar oud)
Durban, Natal
Nasionaliteit Suid-Afrika
Beroep(e) Akteur, skrywer
Aktiewe jare 1973 - nou
Rolprente The Gods Must Be Crazy II
Internet-rolprentdatabasis-profiel

Biografie wysig

Johannes Strydom is op 14 Mei 1947 in Durban in Natal, Suid-Afrika gebore. Hy studeer regte aan die Potchefstroomse Universiteit en begin in 1964 by die Departement van Justisie, in Durban se landdroshof te werk. In 1972 was hy 'n staatsaanklaer in Ladysmith en tussen 1972 en 1976 was hy 'n landdros by die hoofkantoor van die Departement van Justisie.

In 1976 bedank hy sy werk om 'n akteur te word. Hy was die eerste persoon (saam met David Hall-Green) om Suid-Afrikaners in Januarie 1976 op TV tydens die land se eerste nasionale uitsendings te verwelkom.

Strydom het sedertdien in verskeie TV-reekse opgetree, insluitende: Binnelanders, Plek van die Vleisvreters, Westgate, Generations, Egoli, The Res, Platinum en Oepse Daisy.

Hy het ook in verskeie rolprente gespeel, soos: Iemand Soos Jy (1976), Diamant en die Dief (1978), Someone Like You (1978), Herfsland (1982), The Emissary (1988) en The Gods Must Be Crazy II (1989).

In 2000 wen hy 'n saak teen die SAUK wat nie akteurs behoorlik vir heruitsendings vergoed het nie. Sedertdien help hy kunstenaars om die korrekte fooie van die SAUK te eis.

Filmografie wysig

As akteur:

  • Binnelanders, 2009 (TV-reeks) as At Koster
  • Der weiße Afrikaner (Die wit Afrikaners), 2004 (TV-fliek) as De Kock
  • Plek van die Vleisvreters, 2004 (TV-reeks) as Bertus du Toit
  • The Gods Must Be Crazy II, 1989 as dr. Stephen Marshall
  • The Emissary, 1989 as Justin Latimer
  • Herfsland, 1979 as Mauritz de Necker
  • Die Eensame Vlug, 1979 as dr. Simon Kellerman
  • Someone Like You, 1978 as Andrè du Toit
  • Sonja, 1978 as Chris de la Rey
  • Diamant en die Dief, 1978 as Tom
  • 'n Beeld vir Jeannie, 1976 as Dawid Louw
  • Vergeet My Nie, 1976 as Dolf Preller
  • Ter wille van Christine, 1975 as dominee Paul Hofmeyer
  • Olie Kolonie, 1975
  • Liefste Veertjie, 1975 as Peet Marais
  • Môre, Môre, 1973 as Bach Winterbach
  • Die Manakwalanders. Drama op SAUK as Meneer Laubaschagne
  • The Fourth Reich, 1990

As produksiebestuurder:

As homself:

  • Buster Reynolds Remembers Jamie Uys, 2004 (dokumentêre video)

Toekennings wysig

Verwysings wysig

  1. Profiel op tvsa.co.za, besoek op 4 Mei 2014
  2. Profiel op whoswho.co.za Geargiveer 30 Mei 2014 op Wayback Machine, besoek op 4 Mei 2014