Hennie Smit (politikus)

Hendrik Hanekom Smit (1928 - 2012) was 'n Suid-Afrikaanse politikus en lid van die Nasionale Party. Hy was die parlementslid vir Stellenbosch (1958-1982), minister van Kleurlingsake (1976-1978) in die kabinet van John Vorster, en daarna minister van Poswese en Telekommunikasie (1979-1982) in P.W. Botha se regering.

Biografie

Hennie Smit is in 1928 in Dalsig, 'n voorstad van Stellenbosch, gebore. Hy het aan die Fakulteit van Handel aan die Universiteit van Stellenbosch gestudeer.

Hy word in 1958 verkies as volksraadslid vir Stellenbosch, en word redakteur van die Die Kruithoring-koerant, die Nasionale Party se persorgaan. In 1974 sluit hy by die Suid-Afrikaanse regering aan as adjunkminister van maatskaplike sake en pensioene en adjunkminister van Kleurlingsake, Sake van die Rehoboth-tuisland en Verhoudings met die Nama. In 1976 word hy bevorder tot Minister van Kleurlingsake in die Vorster-regering.

Hy was bekend as gematig in die Nasionale Party en het op sy tyd geglo dat apartheid gered sou kon word as die mees gepubliseerde en blatante aspekte van segregasie herroep word.

Hy woon tot 1994 in Stellenbosch en daarna in Yzerfontein. Hy het aan Parkinson se siekte gely en sterf op 25 Junie 2012 in die ouderdom van 86.

Voorafgegaan deur F.W. de Klerk	Minister van Poswese en Telekommunikasie 1979–1982	Opgevolg deur L.A.P.A. Munnik
Voorafgegaan deur Schalk van der Merwe	Minister van Kleurlingsake 1976–1978	Opgevolg deur Marais Steyn