Henry Loch

Lord Henry Brougham Loch (23 Mei 1827 - 20 Junie 1900) was Britse goewerneur van die Kaap van 1889 tot 1896.

Henry Loch, 1ste Baron Loch
Luitenant-goewerneur van die Eiland Man
Ampstermyn 1863 – 1882
Monarg	Victoria
Voorafgegaan deur	Francis Conant
Opgevolg deur	Spencer Walpole
Goewerneur van Victoria
Ampstermyn 1884 – 1889
Monarg	Victoria
Voorafgegaan deur	George Phipps
Opgevolg deur	John Hope
Hoë Kommissaris vir Suider-Afrika
Ampstermyn 1889 – 1895
Monarg	Victoria
Voorafgegaan deur	Hercules Robinson
Opgevolg deur	Hercules Robinson
Persoonlike besonderhede
Gebore	Henry Brougham Loch 23 Mei 1827
Sterf	20 Junie 1900 Londen, Engeland, Verenigde Koninkryk
Eggenoot/-note	Elizabeth Villiers
Militêre Diens
Lojaliteit	Verenigde Koninkryk
Diens/Tak	Britse Oos-Indiese Kompanjie
Oorloë/Veldslae	Eerste Anglo-Sikh-oorlog Krimoorlog Tweede Opiumoorlog

Karikatuur van Henry Loch.

Hy tree in 1840 toe tot die Britse leër en gaan in 1844 as luitenant in die berede mag na Bengale, Indië. In 1857 is hy verbonde aan die sending van graaf Elgin na China. In 1863 word hy aangestel as luitenant-goewerneur van die Isle of Man. Nadat hy van 1884 af diens doen as goewerneur van Victoria, Australië, kom hy in 1893 Kaap toe as goewerneur van die Kaapkolonie en hoë kommissaris in Suid-Afrika.

Lord Loch ontmoet pres. Paul Kruger in 1893 en die tweede Swaziland-konvensie word gesluit waarvolgens die Zuid-Afrikaanse Republiek magte oor Swaziland (nou eSwatini) sonder insluiting sou verkry op voorwaarde dat die Swazi's hul goedkeuring daaraan heg. Dit het egter nooit in werking getree nie.

In 1895 word hy as goewerneur en hoë kommissaris in Suid-Afrika opgevolg deur sir Hercules Robinson. Tydens die Anglo-Boereoorlog bring hy "Loch's Horse" op die been. Die geskiedkundige brug buite Wellington in die Wes-Kaap is na sy vrou, Lady Loch, vernoem, maar anders as met soveel ander kommandeurs en goewerneurs van die Kaap is lord Loch se naam nie in 'n pleknaam verewig nie.

Sien ook

• Lys van kommandeurs en goewerneurs van die Kaapkolonie

Bronne

• Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
• Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.