Herbert Feigl
Herbert Feigl (Liberec, 14 Desember 1902 – Minneapolis (VSA), 1 Junie 1988) was 'n Oostenrykse filosoof. Hy was lid van die Weense Sirkel.
| Herbert Feigl | |
| Gebore | 14 Desember 1902 Liberec, Oostenryk-Hongarye |
|---|---|
| Oorlede | 1 Junie 1988 (op 85) Minneapolis, Verenigde State |
| Nasionaliteit |  Oostenryk Verenigde State
|
| Vakgebied | Filosofie |
| Instelling(s) | Universiteit van Minnesota |
| Alma mater | Harvard-universiteit Universiteit van Wene |
Lewensloop
wysigFeigl is gebore as seun van 'n wewer in Liberec (Reichenberg), Boheme (destyds Oostenryk-Hongarye, tans Tsjeggië) en begin aan die Universiteit van Wene in 1922 met studies. Hy studeer fisika en filosofie onder die leiding van Moritz Schlick, die stigter van die Weense Sirkel, en promoveer in 1927 met die proefskrif "Chance and Law: An Epistemological Analysis of the Roles of Probability and Induction in the Natural Sciences". In 1929 publiseer hy sy eerste boek, Theorie und Erfahrung in der Physik. In die tydperk was hy 'n aktiewe lid van die Weense Sirkel en was een van die weiniges (saam met Schlick en Friedrich Waismann) wat breedvoerig gesprek voer met Ludwig Wittgenstein en Karl Popper.
In 1930 het hy met 'n Rockefeller Fellowship beurs aan die Universiteit van Harvard, maak Feigl kennis met die natuurkundige Percy Williams Bridgman, die filosoof Willard Van Orman Quine en die sielkundige Stanley Smith Stevens. Hierdie drie wetenskaplikes het hy as verwante denkers beskou. In 'n essay uit 1931 (wat hy saam met Albert Blumberg geskryf het), "Logical Positivism: A New European Movement", het hy vir die logiese positivisme voortaan "logiese empirisme" te noem, weens 'n aantal verskille in opvatting met betrekking tot die realisme tussen die wetenskap filosofie van die tyd en die ouere positivistiese beweging.
In 1931 trou Feigl met Maria Kaspar, emigreer na die Verenigde State en aanvaar 'n betrekking by die fakulteit Filosofie van die Universiteit van Iowa. In 1940 word hy hoogleraar in Filosofie aan die Universiteit van Minnesota, waar hy 31 jaar in diens bly. Hier doseer hy onder meer die latere sielkundige John L. Holland. Feigl se vriendskap met Wilfrid Sellars het tot baie gesamentlike projekte gelei, waaronder die handboek Readings in Philosophical Analysis en die tydskrif Philosophical Studies, gestig deur hom en Sellars in 1949. In 1953 het hy, met subsidie van die Hill Foundation, die Minnesota Sentrum vir Wetenskapsfilosofie, gestig. In 1967 word hy benoem tot voorsitter van die Raad van Bestuur van die Universiteit van Minnesota.
In 1971 gaan hy met pensioen. Op 1 Junie 1988 sterf hy aan kanker in Minneapolis.
Bron
wysig- Vertaal uit die Nederlandse Wikipedia