Seekoeie
Die Hippopotamidae (Gray 1821) is die seekoeifamilie van die ewehoewiges (Cetartiodactyla).
| Hippopotamidae | |
|---|---|
| |
| Seekoei (Hippopotamus amphibius) | |
| |
| Pygmy hippopotamus | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Artiodactyla |
| Suborde: | Whippomorpha |
| Familie: | Hippopotamidae Gray, 1821 |
| Subtaxa | |
|
†Trilobophorous Geze, 1985 †Kenyapotaminae Pickford, 1983 | |
Vandag is daar net twee spesies wat tot hierdie familie behoort:
- Hippopotamus amphibius – die seekoei
- Choeropsis liberiensis – die dwergseekoei
Altwee hierdie spesies kom net in Afrika voor. Daar is egter talle fossiele van hierdie familie in Europa en Asië gevind, soos Hexaprotodon sivalensis uit die plioseen van Indië wat reeds in 1836 beskryf is. Later is verskeie spesies van hierdie genus ook in Afrika aangetref. Hulle het ses snytande pleks van vier soos die seekoei. Daar is gedink[1] dat die dwergseekoei tot hierdie genus behoort, maar later[2] is die eie genus Choeropsis bevestig. Van hierdie genus is min fossiele gevind, maar die genus Hippopotamus is reeds bekend in die plioseen van die Groot Skeurvallei en in die pleistoseen word minstens ses spesies wydverspreid oor Afrika en Eurasië aangetref. Hulle het nogtans die Amerikas en Australië nooit bereik nie.[3]
Twee dwergspesies H. lemerlei en H. madagascariensis het op Madagaskar geleef en dalk eers in historiese tye uitgesterf.[4]
Die vroeë geskiedenis wysig
Die molekulêre genetika het aangetoon dat die seekoeie en die walvisse sustergroepe is, maar die oudste Cetacea-fossiele is ongeveer 53 miljoen jaar oud terwyl die Hippopotamidae eers later verskyn het. Die oudste verteenwoordiger is Kenyapotamus ternani van omtrent 16 miljoen jaar gelede. Dit beteken 'n groot gat in die tyd, wat onsekerheid oor die vroeë geskiedenis van hierdie familie veroorsaak.
Orliac et al. berig in 2010 nogtans dat twee fossiele van ongeveer 21 mj Morochoerus ugandensis en Kulutherium rusingensis ook binne die Hippopotamidae behoort. K. rusingensis is eerder in die bunodonte Anthracotheriidae geplaas. Hierdie groep hoefdiere is bekend van talle fossiele maar hun plaas in stamboom is taamlik onduidelik, maar verwantskap met die walvisse aan die een kant en die seekoeie aan die ander is waarskynlik.[5]
Verwysings wysig
- ↑ Coryndon 1977
- ↑ Boisserie 2005
- ↑ Mammals of Africa, Volumes 1-6 Jonathan Kingdon, David Happold, Thomas Butynski, Michael Hoffmann, Meredith Happold, Jan Kalina, A&C Black, 2013, ISBN 1-4081-8996-8, ISBN 978-1-4081-8996-2 bls. 22
- ↑ Taxonomy, habits, and relationships of the subfossil Madagascan hippopotami Hippopotamus lemerlei and H. madagascariensis Solweig Stuenes Journal of Vertebrate Paleontology 9(3), 1989.
- ↑ Early Miocene hippopotamids (Cetartiodactyla) constrain the phylogenetic and spatiotemporal settings of hippopotamid origin Maeva Orliac, Jean-Renaud Boisserie, Laura MacLatchy, Fabrice Lihoreau PNAS 29 Junie 2010 107(26), bls. 11875.
Eksterne skakels wysig
Wikimedia Commons het meer media in die kategorie Seekoeie.
Wikispecies het meer inligting verwant aan Seekoeie
