Holborn
Holborn is 'n stadsbuurt in die Londense administratiewe distrik Borough of Camden wat noordwes van die historiese middestad, die City of London, en suid van Clerkenwell, 'n buurt in die distrik Borough of Islington, geleë is.
Holborn | |
|---|---|
Stadsbuurt | |
 Die Italiaans-geïnspireerde voetgangerslaan Sicilian Avenue | |
  Holborn | |
| Koördinate: 51°31′02″N 0°07′06″W / 51.51722°N 0.11833°W | |
| Land | .svg){kind=small} Verenigde Koninkryk |
| Land |  Engeland |
| Graafskap | Groter Londen |
| Borough | Camden |
| Tydsone | UTC±00:00 (MGT) |
| • Somertyd | UTC+01:00 (BST) |
| Poskode | WC1, WC2 |
| Skakelkodes | 020 |
Holborn se naam is afgelei van die Fleetrivier se boloop wat oorspronklik Holbourne genoem is. Dié naam het sy oorsprong in die Oud-Engelse holburna ("stroompie in 'n diep vallei").
Holborn, wat tot die administratiewe hervormings van 1965 'n selfstandige metropolitaanse distrik (metropolitan borough) gevorm het, word tradisioneel met joernalisme en regswetenskaplike opleiding verbinding. Die drukkerye en redaksiekantore van Londense dagblaaie, wat vroeër in Holborn se Fleet Street gesetel was, is reeds in die 1980's na ander stadsdele verskuif, maar met die Royal Courts of Justice en die Inns of Court is daar steeds regtelike en geregtelike instellings in die buurt.
Ook in Holborn geleë is een van die Britse hoofstad se merkwaardigste museums, die voormalige woonhuis van Sir John Soane wat hy as 'n museum aan die nageslagte bemaak het en wat sedert sy afsterwe onveranderd gebly het; die openbare park Lincoln's Inn Fields vlakby Sir John Soane se museum en Dr Johnson se huis, asook enkele geboue wat nie in die Groot Brand van Londen in 1666 vernietig is nie. Sicilian Avenue, 'n Italiaans-geïnspireerde voetgangerslaan, dateer uit die Edwardiaanse tydperk.
Eksterne skakels
wysig- Algemene inligting
- Movebubble.com: Holborn London Guide Geargiveer 15 Augustus 2020 op Wayback Machine
- Stadsbeplanning