Wikipedia

MobileMe

intekengebaseerde versameling van aanlyn dienste en sagteware wat deur Apple aangebied is
(Aangestuur vanaf ITools)

MobileMe (vroeër iTools en daarna .Mac) was ’n intekengebaseerde versameling van aanlyn dienste en sagteware wat deur Apple aangebied is. Dit is aanvanklik op 5 Januarie 2000 bekendgestel as iTools, ’n gratis versameling van Internetgebaseerde dienste vir Mac OS 9 gebruikers. Op 17 Julie 2002 het Apple dit geherlanseer as .Mac toe dit ’n intekendiens geword het hoofsaaklik vir gebruikers met Mac OS X. Op 9 Julie 2008 het Apple die diens weer geherlanseer (tydens WWOK 2008) as MobileMe waar hulle begin fokus het op gebruikers met Windows, iPads, iPhones, iPod Touch’e en wat Mac OS X gebruik.

MobileMe
Ontwikkelaar Apple Inc.
Aanvanklike vrystelling 5 Januarie 2000 (as iTools)
17 Julie 2002 (as .Mac)
9 Julie 2008 (as MobileMe)
Gestaak 30 Junie 2012 (dienste is na iCloud verskuif)
Nuutste weergawe 1.6.7/ 12 Oktober 2011; 12 jaar gelede (2011-10-12)[1]
Bedryfstelsel Mac OS X, iOS, Microsoft Windows, Webgebaseer
Kategorie Internetpakket
Lisensie Intekendiens
Webblad www.me.com

Op 24 Februarie 2011 het Apple opgehou om MobileMe by sy winkels aan te bied. MobileMe word ook nie meer deur herverkopers aangebied nie.[2] Hierbenewens laat Apple ook nie nuwe intekenaars toe tot MobileMe nie. Tydens die iPhone-spesiale byeenkoms op 4 Oktober 2011 het Apple aangekondig dat hy op 12 Oktober 2011 iCloud sou lanseer om MobileMe vir nuwe gebruikers te vervang. MobileMe het tot 30 Junie 2012 aangehou funksioneer op welke datum die diens gestaak is.

Dienste wysig

iTools en .Mac is primêr ontwerp om Internetdienste aan Macintosh-eienaars te bied. Alle lede van iTools en .Mac het ’n spesiale @mac.com e-posadres ontvang wat die diens duidelik koppel aan Mac-hardeware. Met die vrystelling van die iPhone 3G in 2008 is die diens egter hernoem na MobileMe en het dit dienste begin lewer aan Mac OS X, iOS en Windows. Lede van MobileMe het ’n @me.com e-posadres gekry en is nie meer beperk tot Mac OS X-sagteware soos Mail en iCal nie en hulle kon toegang verkry tot persoonlike data op enige rekenaar wat aan die Internet verbind is deur gebruik te maak van die me.com-webkoppelvlak of ’n aantal ondersteunde toepassings, insluitend Microsoft Outlook mits die gebruiker weergawe 2003 of nuwer sou gebruik. Ondersteuning vir MobileMe is beskikbaar vir klets en telefoon.

Soek iPhone wysig

 
Die Soek iPhone-ikoon

MobileMe het gebruikers in staat gestel om die ligging van hul iPhone, iPod Touch of iPad via die webportaal by me.com op te spoor. ’n Gebruiker kan die toestel se benaderde ligging op ’n kaart (tesame met ’n sirkel wat die foutspeling insluit) sien en daarmee saam ’n boodskap na die toestel stuur, ’n geluid via die toestel laat klink (selfs indien dit op stilmodus gestel is), die wagwoord van die toestel verander, en die inhoud van die foon af verwyder. ’n Toep is ook deur Apple vrygestel wat gebruikers in staat stel om hul iPhone op te spoor op ’n ander toestel wat die iOS 4-sagteware het. Dié funksie is 10 Junie 2009 bekendgestel en is ingesluit in die iOS 3.0-sagtewareopdatering as ’n funksie vir MobileMe-gebruikers.[3] Soek iPhone is gratis beskikbaar gestel saam met die iOS 4.2.1-sagtewareopdatering op 22 November 2010 maar slegs vir toestelle wat in 2010 bekendgestel is.[4]

Berging wysig

MobileMe het twee verskillende planne. Die Indiwiduele plan sluit 20 GG in vir e-pos en lêeropslag en 200 GG vir maandelikse data-oordrag. Die Gesinspakket het 40 GG opslagruimte met een 20 GG indiwiduele (primêre) en vier 5 GG subrekeninge waarvan elke subrekening sy eie e-posadres, aanlynopslagruimte en die gebruik van al die MobileMe funksies verkry. Gesinslede het ook ’n gedeelde vouer in hul iDisk waarin hulle toegang tot data onder hulself kan deel. Die primêre en subrekeninge het lees-/skryftoegang tot hierdie vouer en dit is beperk tot die beskikbare ruimte in die primêre gebruiker se iDisk.

Lede kan addisionele opslagruimte in 20 GG of 40 GG-pakkette koop maar die subrekeninge kan nie opgegradeer word nie. In ’n gesinsrekening word die hoeveelheid opslagruimte per rekening toegedeel.

Notas (van die Mail-toep op ’n Mac-rekenaar en die Notas-toep op die iPhone) word gesinkroniseer via die MobileMe-diens maar dit kan nie aanlyn besigtig of gewysig word nie. Taaklyste (wat vanuit die Mail-toep en die iCal-toep op ’n Mac-rekenaar beheer word) kan wel besigtig en gewysig word deur die MobileMe-webblad (onder die Kalender-oortjie) maar kan nie op ’n iPhone besigtig of gewysig word nie. Met die aankondiging van iOS 4 is die sikronisasie van Notas oor IMAP (insluitend MobileMe) geïmplementeer.

Adresboek en kalender wysig

MobileMe behou ’n gesinkroniseerde adresboek en kalender deur van Push-IMAP gebruik te maak. Indien ’n gebruiker ’n kontak of kalenderinskrywing verander op een toestel sal dit outomaties na die MobileMe-bedieners gesinkroniseer word en van daar af na die gebruiker se ander toestelle. Ondersteunde toestelle sluit die iPhone, Adresboek en iCal op Mac OS X of Microsoft Outlook 2003 of nuwer op Microsoft Windows. Intekenkalenders in iCal op ’n Mac-rekenaar is nie sigbaar op die aanlyn MobileMe-diens nie (“Verjaardae” is egter aanlyn sigbaar aangesien die inligting vanaf die Adresboek kom eerder as CalDAV of iCalendar (.ics) intekenkalenders). Andersyds (voor die opdatering na iOS 4.3), op die iPhone, is “Verjaardae” van Kontakte op die iPhone nie sigbaar in die Kalender-toep nie (of op enige ander manier; tensy dit indiwidueel opgekyk word in Kontakte), maar intekenkalenders is sigbaar in Kalender deur dit toe te voeg deur Voorkeure>Mail, agendas en kontakte>Voeg rekening toe.[5][6][7]

MobileMe-galery wysig

MobileMe het ’n openbare foto- en videogaleryfunksie. Foto’s en video’s kan opgelaai word in die webblaaier by me.com, gesinkroniseer word deur iPhoto of Aperture op Mac OS X of vanaf die iPhone en iPod Touch. Gebruikers kan ook video’s oplaai terwyl gewerk word in toepassings wat beskikbaar is op die Mac, insluitend iPhoto en iMovie. MobileMe bied ook aan die gebruiker ’n e-posadres wat slegs gebruik word vir die oplaai van foto’s en video’s. Alle oplaaie deur besoekers aan die galery (hetsy deur die iPhone, iPod Touch, me.com of gestuur deur die toegewyste e-posadres) sla gesinkroniseer word met iPhoto of Aperture. Galerye kan op openbaar of privaat gestel word en kan met ’n wagwoord beskerm word — maar slegs deur iPhoto of iMovie op Mac OS X.

iDisk wysig

MobileMe bevat iDisk, ’n aanlynbergingsruimte wat beskikbaar is via ’n webblaaier by me.com, deur die Finder in Mac OS X, deur verskeie toeps vir iOS of as ’n afstandskyf in Microsoft Windows. Dit laat ook deling van lêers toe deur ’n gegewe lêer te selekteer deur me.com/idisk of die iDisk iPhone-toep te gebruik en dan op die Deel-knoppie te klik wat ’n unieke skakel na die gekose lêer sal skep wat deur ’n wagwoord beskerm word en deur middel van e-pos gedeel kan word. ’n Ander manier waarop veelvuldige lêers gedeel kan word is deur dit in die iDisk Openbare Vouer te plaas wat ook deur ’n wagwoord beskerm kan word.[8]

iWeb-uitgee wysig

Gebruikers van Mac OS X v10.5 of nuwer kan die iLife ’08 of iLife ’09 of iLife ’11-toepassing iWeb gebruik om webblaaie te publiseer wat op hul MobileMe-rekening gedra word na ’n domeinnaam wat hulle beheer of na ’n blad op die me.com-webblad. Gebruikers sonder iWeb kan ook webblaaie publiseer deur lêers op die Web/Blaaie-vouer in die iDisk te berg. Die webgasheer ondersteun egter geen bedienertaal soos PHP of Apache nie.

Web-toepassings wysig

MObileMe gebruik AJAX en Dynamic HTML om die voorkoms en gedrrag van ’n werkskermtoepassing binne die gebruiker se webblaaier te simuleer. Toepassings op me.com sluit Mail, Kontakte, Kalender, Galery, Soek iPhone en toegang tot iDisk in, tesame met ’n Rekeningafdeling. Die meeste van die me.com webtoepassings is gebou bo-op die oopbron SproutCore Javascript-raamwerk. Gebruikers kan ook funksies soos e-posskuilname of domeinname vir die iWeb-uitgeefunksie verstel.

Ondersteunde webblaaiers vir me.com is Safari 3.1 of nuwer (Mac OS X en Windows), Firefox 3.5 of nuwer (Mac OS X en Windows) en Internet Explorer 7 en Internet Explorer 8 (Windows), Safari 3.0 en Firefox 3.0 kan die webtoepassings hanteer maar dit is nie ten volle ondersteun nie.

MobileMe is toeganklik vir Linux deur Firefox 3 ten spyte van ’n waarskuwing wat opspring wanneer die gebruiker aanmeld. Dieselfde geld vir wanneer die Konqueror-webblaaier gebruik op Linux gebruik word, maar dit is nog nie deur Apple bevestig nie.[9]

Sinkronisering met nie-Apple-rekenaars wysig

Gebruikers wat hul MobileMe-data met ’n nie-Apple-rekenaar wil sinkroniseer moet die MobileMe beheerpaneel aflaai. Om dit te installeer moet die gebruiker eers die nuutste weergawe van iTunes aflaai en installeer. Na die installasie teken die gebruiker deur die beheerpaneel in deur sy gebruikersnaam en wagwoord en kan hulle sinkroniseerverstellings vir kontakte, kalenders en boekmerke beheer en iDisk-verstellings soos openbare vouertoegang, soortgelyk aan die MobileMe voorkeurepaneel wat in Mac OS X ingebou is.[10]

MobileMe Mail Beta wysig

MobileMe Mail Beta is op 13 Mei 2010 vrygestel. MobileMe Mail Beta sluit baie nuwe funksies in soos die toevoeging van foto’s, verandering van lettertipe, breëskermbeskouing en vele meer. Dit is op 18 Junie 2010 as ’n finale weergawe vrygestel.[11]

MobileMe Kalender Beta wysig

MobileMe Kalender Beta is op 6 Julie 2010 vrygestel. MobileMe Kalender Beta sluit ’n nuwe webtoepassing by me.com met herontwerpte dag-, week- en maandbeskouings asook ’n nuwe lysbeskouing om makliker deur gebeure te blaai. Werkverrigting is ook verbeter. Dit bevat ook ’n nuwe deel-opsie wat uitgenooide gebruikers toelaat om ’n gedeelde kalender te wysig. Dit ondersteun uitnodigings deur RSVP’s wat ’n e-pos na uitgenooide persone stuur. Die uitgenooide antwoord deur te klik op ’n eenvoudige skakel (hulle hoef nie MobileMe-gebruikers te wees nie). Dit ondersteun ook CalDAV-standaard vir verenigbaarheid met veelvuldige toestelle.[12] Met hierdie opdaterings het verminderde funksionaliteit gevolg. Die moontlikheid om iCal-kalenders as opbenbare sigbare webblaaie te publiseer is verwyder. Gebruikers wat ’n kalender wou besigtig moet nou handmatig inteken met ’n CalDAV-verenigbare kalendertoestel. Verenigbaarheid met Microsoft Outlook het ook ’n knou gekry aangesien Outlook-gebruikers nie meer hul primêre Outlook-kalender kan sinkroniseer met ’n MobileMe-kalender nie; die enigste manier om MobileMe met Outlook te sinkroniseer is om ’n MobileMe-kalender deur CalDAV ingeskakel te hê. Dit beteken dat ’n MobileMe-kalender altyd deur Outlook beskou word as ’n sekondêre kalender en wekkers en kennisgewings werk nie.

Pryse wysig

Die onderstaande tabel bevat die koste wat Apple gehef het voordat die verkope op 6 Junie 2011 gestaak is ter voorbereiding van die skuif na iCloud. Gebruikers word tans aangemoedig om die MobileMe-dienste in iCloud te gebruik (rekeningmigrasie sal buitendien outomaties geskied), maar hulle kan voortgaan om hul MobileMe-dienste te gebruik en die me.com-webblad te gebruik totdat dit op 30 Junie 2012 gesluit sal word. Gebruikers wat MobileMe wil kanselleer—en gevolglik alle dienste staak—kan ’n volle terugbetaling kry indien hulle dit binne 45 dae van 6 Junie 2011, of pro-rata terugbetalings indien dit 46 dae of langer gekoop het. Dit is egter onduidelik of die terugbetalings sal voortgaan wanneer die iCloud-diens gelanseer is.

Mark Prys Persoonlik in VS$
(vir vergelyking)
Persoonlik Gesin
VSA VS$ 99 $ 149 $  99   
Kanada C$ 109 C$ 159 $ 104.99
Verenigde Koninkryk £ 60 £ 91 $  96.70
Eurosone[13] € 79 € 119 $ 112.45
Europa (nie-EU)† en Afrika[13] € 65.29 € 98.35 $  92.93
Singapoer S$ 148 S$ 228 $ 117.41
Japan 9800 ¥ 15600 ¥ $ 116.63
Australië A$ 119 A$ 179 $ 123.45

†Met die uitsondering van Switserland: € 70.25 / € 105.82[13] (Pryse verkry vanaf www.apple.com/mobileme op 16 April 2010).

Integrasie wysig

Mac OS X wysig

MobileMe, soos .Mac en iTools voor dit, is nouliks geïntegreer met Mac OS X. Deur oor ’n MobileMe-rekening te beskik word die funksionaliteit van baie programme uitgebrei, hoofsaaklik binne die iLife-pakket. iDisk kan naamlik gemonteer word soos enige ander volume op die Mac OS X-werkskerm. Verder is dit moontlik om die openbare deel van ’n ander gebruiker se iDisk te monteer. Die meganisme was een van die vroeë maniere waarop gratis sagteware as deel van .Mac verkry kon word. ’n Mens kan ook lêers opstel om na ’n iDisk wat van lyn af is te laai wat dan gelaai word sodra die iDisk gekoppel word. iDisk word beheer vanuit die “Gaan”-keuselys in die Finder.

Hierbenewens kan enige Adresboekinskrywings, iCal-gebeure en taaklyste, Safari-boekmerke en sleutels, e-posrekeninge, e-posreëls, e-poshandtekeninge en slim posbusse met die iDisk gesinkroniseer word en laat dit maklike sinkronisasie tussen veelvuldige rekenaars toe. iWeb laat gebruikers webblaaie skep wat na die iDisk opgelaai en gepubliseer kan word. iPhoto kan gebruik word vir een-klik webpublisering van foto-albums.[14]iCal kan gebruik word om kalenders op die web te publiseer.[15]Rugsteunsagteware kan gebruik word om rugsteunkopieë van iDisk of lokale media te maak.[16]

Met die voorafgaande .Mac-diens kon die biblioteke van iMovie, iPhoto, GarageBand en iTunes maklik na enige iDisk opgelaai word (onderhewig aan verskeie lisensiëringsooreenkomste).

iOS wysig

MobileMe integreer met verskeie toeps op die iPhone, iPad en iPod Touch. Dit sluit iCal-sinkronisering met Kalender, Adresboek-sinkronisering met Kontakte, Mail- en Safari-boekmerksinkronisering oor verskeie toestelle in. Apple het later die iDisk-toepassing vir die iPhone en iPod Touch bekendgestel,[17] wat dit makliker maak vir gebruikers om toegang tot hul iDisk-inhoud op ’n iPhone of iPod Touch te verkry. In Augustus 2010 het Apple ’n funksie bekendgestel wat gebruikers in staat stel om musiek wat op hul iDisks geberg is, via hul toestelle te speel.[18] Daar is ook ’n universele toepassing[19] vir iPhone, iPad en iPod Touch wat afstandstoegang na die Soek iPhone-funksie bied.

Openbare URL-subdomeine wysig

Daar is openbare subdomeintoegangspunte vir elke MobileMe-gebruiker se indiwiduele rekeningfunksies. Dit bied direkte openbare webtoegang tot elke MobileMe-gebruiker se rekening, via direkte skakels na elke funksie; Galery, Openbare vouer, gepubliseerde webblad (en gepubliseerde kalenders wat later verwyder is).

  • http://www.me.com – lede-intekening.
  • http://gallery.me.com/<gebruikersnaam> – lede se open bare foto/video-galery.
  • http://public.me.com/<gebruikersnaam> – toegang tot lede se Openbare vouer.
  • http://web.me.com/<gebruikersnaam> – toe gang tot lede se Webblad.
  • http://homepage.mac.com/<gebruikersnaam> – toe gang tot lede se lêerblaaie.
  • http://ical.me.com/<gebruikersnaam>/<kalendernaam> – lede se indiwiduele kalenderpublisering. (Aanvanklik kon baie kalenders terselfdertyd gepubliseer word, maar die latere finale wysiging van MobileMe het kalenderpublisering verwyder.)

Geskiedenis wysig

iTools wysig

 
iTools

Die oorspronklike versameling van Internetsagteware en dienste wat nou as MobileMe bekendstaan, het aanvanklik iTools geheet. Dit is by die Macworld Ekspo in San Francisco gekendgestel op 5 Januarie 2000 en is gratis aan Macintosh-gebruikers gebied.

Dienste wat deur iTools gebied is het die eerste beskikbaarheid van @mac.com-e-posadresse ingesluit wat slegs toeganklik was deur ’n e-poskliënt soos Outlook Express; iCards, ’n gratis groetekaartdiens; iReview, ’n versameling van resensies van gewilde webblaaie; HomePage, ’n gratis webbladpubliseringsdiens; die eerste weergawe van iDisk, ’n aanlyn databergingsdiens; en KidSafe, ’n register van gasingsvriendelike webblaaie.

iTools was hoofsaaklik uniek tot Mac en het slegs beperkte, breëbasis tegniese ondersteuning gebied. Sommige van die iTools-funksies was egter toeganklik via nie-Mac platforms alhoewel ’n Mac nodig was om ’n rekening te skep.

Om HomePage te wysig kon ’n mens byvoorbeeld van ’n webblaaier op Windows of Linux gebruik maak.

Hoewel die oorspronklike weergawe van iDisk AppleShare IP vir vervoer gebruik en het Mac OS 9 vereis het, is dit uiteindelik opgedateer om WebDAV-tegnologie te gebruik en is daardeur oopgestel vir nie-Mac bedyfstelsels. Apple het selfs ’n toepassing vir gebruik op Windows XP aangebied.[20]

Die e-posdiens het slegs IMAP-toegang gebied.

.Mac wysig

 
.Mac

Soos wat die koste gestyg het, hoofsaaklik weens iDisk-bergingsruimte, die groot navraag vir @mac.com-e-posadresse en toenemende ondersteuningsbehoeftes, is iTools hernoem na .Mac by die Macworld Ekspo New York op 17 Julie 2002. Dit het nou ’n intekengebaseerde dienstepakket geword met ’n toegewysde tegniese ondersteuningspan.[21]

Die nuwe .Mac het verskeie funksies aan intekenaars gebied, insluitend opgegradeerde weergawes van HomePage, die persoonlike webgasheerdiens, iDisk, die aanlyn skyfbergingsdiens; @mac.com, die e-posdiensverskaffer wat POP en IMAP-protokols gebied het; en iCards, die aanlyn groetekaartjiediens. Nuwe dienste wat op .Mac gebied is het Rugsteunsagteware, ’n persoonlike rugsteunoplossing wat gebruikers toelaat om data na hul iDisk of ’n CD of DVD te argiveer; en McAfee Virex, ’n antivirusprogram wat op 15 Junie 2005 aan gebruikers gegee is.

Op 17 September 2002 het Apple aangekondig dat meer as 100,000 mense ingeskryf het op .Mac sedert die lansering daarvan vroeër die jaar.[22] Bestaande iTools-rekeninge is oorgeplaas na .Mac-rekeninge gedurende ’n gratis toetsperiode wat op 30 September 2002 geëindig het. Hierdie skuif het gemengde reaksie by Mac-gebruikers ontlok met sommige wat gevoel het dat .Mac te duur is.[23]

.Mac het soms nuwe funksies bygekry. In Oktober 2006 het Apple ’n opdatering van sy .Mac Posdiens gelanseer met die koppelvlak wat grootliks ooreengestem het met Mac OS X Mail. Die nuwe funksionaliteit is gebou op AJAX en het sleep-en-neersit-funksies, ’n intyds opgedateerde driedelige verdeling en die moontlikheid om panele se grootte aan te pas, bevat.[24] Mac OS X v10.5 het .Mac gebruik om dinamiese DNS-dienste vir sy Teryg na my Mac-funksie, ’n afstandswerkskermdiens, te gebruik.

Op 7 Augustus 2007 het Apple se HUB, Steve Jobs, nuwe funksies vir .Mac aangekondig insluitend ’n nuwe Webgalery-funksie soortgelyk aan ’n kombinasie van Flickr en YouTube. Elke .Mac-rekening het nou met 10 GG bergingspasie gekom wat verdeel kon word tussen e-posberging vir ’n @mac.com e-posadres en die gebruiker se iDisk. ’n Rekeningvoorkeur het elke gebruiker in staat gestel om te bepaal hoeveel bergingspasie aan elke diens afgestaan kon word. Gebruikers wat bykomende spasie wou hê kon tot soveel as 30 GG koop teen ’n jaarlikse bedrag. Die bergingspasie vir e-pos en iDisk kon op enige manier gebruik word waarop die gebruiker dit wou hê, mits dit in ooreenstemming is met .Mac se lisensie.

.Mac is ook aangebied in ’n verpakte weergawe wat in winkels en aanlyn beskikbaar was (as ’n fisiese produk). Die pakket het ’n aktiveringskode bevat wat ingesleutel kon word wanneer ’n intekening geregistreer of hernu sou word.

MobileMe wysig

Aanvanklike gerugte oor ’n nuwe diens was .Mac sou vervang het in Junie 2008 ontstaan toe Apple die me.com domeinnaam gekoop het.[25] By WWOK op 9 Junie 2008 het Apple aangekondig dat .Mac vervang sou word met MobileMe. Dit is op 9 Julie 2008 bekend gestel: mac.com is daardie dag tussen 20:00 en 24:00 afgehaal en die MobileMe-diens is tussen 20:00 en 02:00 die volgende dag geaktiveer (albei op Amerikaanse Weskustyd).[26] MobileMe is kort daarna ook afgehaal en gebruikers is na ’n inligtingsblad verwys, [27] waar dear geen intekenopsie was nie. Na etlike ure van onreëlmatige diens het MobileMe amptelik aanlyn gekom op 11 Julie 2008.[28]

Verskeie funksies van .Mac is laat vaar na die oorskakeling na MobileMe:

  • Ondersteuning vir Mac OS X 10.4.10 of ouer (sommige funksies vereis Mac OS X 10.5 of nuwer, soos iLife-integrasie)[29]
  • iCards
  • webtoegang tot boekmerke
  • .Mac-skyfies[30]
  • .Mac Groepe (lêers wat na Groepe opgelaai is, is na die groepeienaar se “Groepe Argief”-vouer oorgeplaas).

Die lansering van MobileMe is deur verskeie probleme geteister. MobileMe, as ’n .Mac-opvolger, is aanvanklik gekritiseer omdat dit onstabiel was[31] en omdat dit sinkroniseringsprobleme gehad het.[32] Gebruikers het gekla dat hulle nie toegang tot enige van die Mail-funksies kon kry nie. Die vermoede was dat dit verband hou met die oorskakeling van .Mac na MobileMe.[33] Die gratis proef van MobileMe het sommige Europese en Australiese intekenaars se kredietkaarte gehef, wat daartoe gelei het dat Apple terugbetalings moes doen en die gratis proef met vier maande verleng.[34][35] As gevolg van die probleme om .Mac-rekeninge oor te skakel en ander probleme, het Apple ’n status-nuusblad geskep en die ondersteuningsblad vernuwe.[36]

Aanvanklike weergawes van die Windows MobileMe-beheerpaneel het sinkronisering van korporatiewe Outlook-rekeninge met MobileMe toegelaat. ’n Opdatering van die beheerpaneel in middel 2008 het die sinkroniseringsvermoë van Outlook met MobileMe verwyder wanneer Outlook gebruik maak van Microsoft Exchange Server se Kalenders en Kontakte. Volgens Apple-ondersteuning is dit so ontwerp en nie ’n fout wat reggestel gaan word nie. Daar was ook geen ondersteuning vir die sinkronisering van alleenstaande Outlook-take en notas met MobileMe nie.

In Mei 2011 het Fortune-tydskrif berig dat gedurende die Amerikaanse somer van 2008, nadat MobileMe hoofsaaklik negatiewe reaksie ontlok het, Steve Jobs die span van MobileMe na die ouditorium van die Stadsaal by Oneindige Lus 4 ontbied het. Nadat hy hulle gevra het “wat MobileMe veronderstel is om te doen”, en iemand daarop geantwoord het, Jobs teruggeskiet het met “hoekom de fok gebeur dit dan nie?”.[37]

In ’n interne e-pos wat op 4 Augustus 2008 na Apple-werknemers gestuur is, het Jobs erken dat die lansering van MobileMe te vroeg was en “nie op Apple se standaard was nie”. Hy het geskryf dat “dit ’n fout was om MobileMe op dieselfde tyd as die iPhone 3G, iPhone 2.0-sagteware en die Toepwinkel bekend te stel”.[38] Op 18 Augustus 2008 is aangekondig dat intekenaars van MobileMe ’n verlenging van 60 dae sou kry saam met die vroeëre verlenging van een maand.[39]

iCloud wysig

 
iCloud-ikoon
Die hoofartikel vir hierdie afdeling is: iCloud.

Vanaf vroeg 2011is MobileMe nie meer in Apple-winkels verkoop nie, daar is stelselmatig opgehou om die produk na derde partye te verskeep en vanaf 6 Junie 2011 kon gebruikers nie meer op die MobileMe-diens via Apple se webblad inteken of dit hernieu nie. Op 6 Junie 2011, by WWOK 2011 is bekend gemaak dat iCloud iewers later in die jaar vrygestel sou word, dat die totale MobileMe-diens (wat sou ophou om te funksioneer) daardeur vervang sou word en dat MobileMe en iCloud gelyktydig sou werk tot 30 Junie 2012, wanneer MobileMe onttrek sou word. As gevolg van die persepsie dat MobileMe misluk het, het Steve Jobs kritiek verwag op sy aanspraak dat iCloud “net werk”, waarop hy retories gevra het “Waarom moet ek hulle glo? Hulle het dan MobileMe na my gebring!”.[40]

Op 12 Oktober 2011, saam met die bekendstelling van iOS 5, is iCloud aan nuwe gebruikers bekendgestel, met huidige MobileMe-gebruikers wat tot 30 Junie 2012 gehad het om die skuif na iCloud te maak voordat MobileMe permanent beëindig sou word. In byvoeging tot MobileMe se e-pos- en kalenderdienste, sinkroniseer iCloud lêers oor veelvuldige toestelle. Soos belowe by WWOK 2011, het Apple die diens in die Amerikaanse herfs van 2011 begin en aan elke Mac OS X Lion of iOS 5-gebruiker 5 GG gratis bergspasie vir die basiese diens gebied, met addisionele datapakkette wat te koop aangebied is.[41][42] @me.com is behou as die verstek e-posadres vir nuwe iCloud-gebruikers.

Verwysings wysig

  1. ↑ "MobileMe Beheerpaneel vir Windows" (in Engels). Apple. Geargiveer vanaf die oorspronklike op 3 Junie 2012. Besoek op 28 Oktober 2010.
  2. ↑ (en) appleinsider.com (24 Februarie 2011). "Apple staak verkoop van MobileMe terwyl opknapping kom". Persberig. http://www.appleinsider.com/articles/11/02/24/apple_discontinues_sale_of_mobileme_retail_boxes_as_overhaul_looms.html. Besoek op 25 Februarie 2011. 
  3. ↑ Slivka, Eric (8 Junie 2010). "iPhone OS 3.0 lanseer op 17 Junie - MMS, aanbinding in sommige lande" (in Engels). MacRumors. Geargiveer vanaf die oorspronklike op 27 Oktober 2019. Besoek op 17 Januarie 2011.
  4. ↑ O'Grady, Jason D. (22 November 2010). "iOS 4.2 vrygestel; Soek iPhone gratis vir iPhone 4-gebruikers (opgedateer)". ZDNet (in Engels). Geargiveer vanaf die oorspronklike op 8 Februarie 2012. Besoek op 17 Januarie 2011.
  5. ↑ (en) Kopieer Kalenderintekenings van iCal na u iPhone of iPod Touch, Apple Knowledge Base artikel HT3634, gedateer 03 Augustus 2009
  6. ↑ (en) [MobileMe: Sinkroniseer kalenderintekenings en CalDAV-kalender], Apple Knowledge Base artikel TS1213, gedateer 17 Junie 2009.
  7. ↑ (en) iPhone Gebruikersgids pdf, bladsy 93 "Inteken op Kalenders", gedateer 10 Julie 2009.
  8. ↑ (en) Gebruik u iDisk om lêers te deel Apple.com. URL besoek op 22 Julie 2008. Die iDisk kan gebruik word as ’n gasheerdiens vir u MobileMe-webblad. Rugsteune van Backup kan op u iDisk geberg word wat dit makliker maak om verstellings en meer te rugsteun.
  9. ↑ (en) Chavda, Pranav. "Hoe: Apple se MobileMe op Linux". Geargiveer vanaf die oorspronklike op 1 Desember 2008. Besoek op 18 September 2008.
  10. ↑ "Apple - MobileMe were ook leaker met u rekenaar" (in Engels). Geargiveer vanaf die oorspronklike op 28 Maart 2011. Besoek op 11 Julie 2009.
  11. ↑ "MobileMe Mail. Nou beskikbaar vir alle lede" (in Engels). Geargiveer vanaf die oorspronklike op 23 Mei 2012. Besoek op 12 Julie 2010.
  12. ↑ "Probeer die nuwe MobileMe Kalender Beta" (in Engels). Geargiveer vanaf die oorspronklike op 19 Mei 2012. Besoek op 31 Julie 2010.
  13. ↑ 13,0 13,1 13,2 (en) "Me.com". Me.com. Geargiveer vanaf die oorspronklike op 24 April 2010. Besoek op 18 Desember 2011.
  14. ↑ (en) .Mac-ondersteunint Geargiveer 18 April 2008 op Wayback Machine, Artikel gedateer 19 Desember 2007
  15. ↑ "Hoe om u kalender te deel" (in Engels). Mac.com. Geargiveer vanaf die oorspronklike op 23 April 2008. Besoek op 18 Desember 2011.
  16. ↑ (en) MobileMe: Aangaande Backup 3.2, Artikel gedateer 13 April 2010
  17. ↑ (en) "iDisk-toepassing". Itunes.apple.com. 7 September 2010. Besoek op 18 Desember 2011.
  18. ↑ Michael Robertson (3 Augustus 2010). "Apple maak stilletjies aanlynstroming na iPhones, iPads en iPod Touche'e" (in Engels). Geargiveer vanaf die oorspronklike op 27 Oktober 2019. Besoek op 18 Augustus 2010.
  19. ↑ "Soek iPhone-toepassing" (in Engels). Itunes.apple.com. 12 Oktober 2011. Geargiveer vanaf die oorspronklike op 4 Maart 2019. Besoek op 18 Desember 2011.
  20. ↑ "iDisk-hulpprogram" (in Engels). Mac.com. Geargiveer vanaf die oorspronklike op 2 Augustus 2002. Besoek op 18 Desember 2011.
  21. ↑ "Mac-aankondiging" (in Engels). Apple.com. Geargiveer vanaf die oorspronklike op 9 Junie 2011. Besoek op 18 Desember 2011.
  22. ↑ "Mac-gebruikers" (in Engels). Apple.com. Geargiveer vanaf die oorspronklike op 14 April 2009. Besoek op 18 Desember 2011.
  23. ↑ "Webnavigeerders kry die boodskap: Betaal." Seattle Post-Intelligencer Reporter, 13 Augustus 2002
  24. ↑ "Mac mail" (in Engels). Mac.com. Geargiveer vanaf die oorspronklike op 4 Julie 2012. Besoek op 18 Desember 2011.
  25. ↑ "Apple gaan die selfstandige teiken" (in Engels). DoesWhat. Geargiveer vanaf die oorspronklike op 24 Augustus 2018. Besoek op 3 Junie 2008.
  26. ↑ "Apple .Mac-ondersteuning" (in Engels). Apple Inc. Geargiveer vanaf die oorspronklike op 27 Mei 2018. Besoek op 8 Julie 2008.
  27. ↑ "MobileMe-inligtingsblad" (in Engels). Geargiveer vanaf die oorspronklike op 30 Junie 2012. Besoek op 22 Mei 2012.
  28. ↑ "Dit lyk of MobileMe werk" (in Engels). TUAW. Geargiveer vanaf die oorspronklike op 31 Januarie 2015. Besoek op 12 Julie 2008.
  29. ↑ "MobileMe: Wat u moet weet". Macworld (in Engels). 18 Junie 2008. Geargiveer vanaf die oorspronklike op 18 Januarie 2012. Besoek op 15 Julie 2010.
  30. ↑ McNulty, Scott (9 Junie 2008). "Wat dit nie van .Mac na MobileMe mask nie". The Unofficial Apple Weblog (in Engels). Weblogs, Inc. Geargiveer vanaf die oorspronklike op 31 Januarie 2015. Besoek op 10 Junie 2008.
  31. ↑ Mann, Merlin. "MobileMe: .Mac se iPhone-vriendelike overhanging" (in Engels). 43 Folders. Geargiveer vanaf die oorspronklike op 1 Julie 2018. Besoek op 9 Junie 2008.
  32. ↑ Mossberg, Walt. "Apple se MobileMe is te gebrekkig om betroubaar te sees" (in Engels). The Wall Street Journal. Geargiveer vanaf die oorspronklike op 20 Desember 2019. Besoek op 23 Julie 2008.
  33. ↑ (en) "MobileMe-gebruikers brie send oor vier dae sonder e-pos". MacWorld.co.uk. Geargiveer vanaf die oorspronklike op 27 September 2011. Besoek op 22 Julie 2008.
  34. ↑ Palmer, Robert (22 Junie 2008). "Apple voeg 'n maand by vir sommige gratis MobileMe proewe". The Unofficial Apple Weblog (in Engels). Weblogs, Inc. Geargiveer vanaf die oorspronklike op 31 Januarie 2015. Besoek op 22 Junie 2008.
  35. ↑ Moses, Asher (22 Julie 2008). "Apple se MobileMe-ineenstorting". The Sydney Morning Herald (in Engels). Geargiveer vanaf die oorspronklike op 24 September 2015. Besoek op 27 Julie 2008.
  36. ↑ Status news page; support page.
  37. ↑ (en) Lashinsky, Sr., Adam (25 Augustus 2011). ""Hoe Apple werk: In die wêreld se grootste maatskappy"". Fortune. Geargiveer vanaf die oorspronklike op 21 Augustus 2011. Besoek op 26 Junie 2012.
  38. ↑ (en) Steve Jobs oor MobileMe: die volledige e-pos, ars technica. URL besoek op 5 Augustus 2008
  39. ↑ "Apple bied MobileMe-gebruikers 'n tweede verlenging" (in Engels). Computer World. Geargiveer vanaf die oorspronklike op 2 Maart 2007. Besoek op 19 Augustus 2008.
  40. ↑ Sutter, John (9 Junie 2011). "iCloud: Rewolusie of die volgende MobileMe?" (in Engels). CNN. Geargiveer vanaf die oorspronklike op 4 Maart 2016. Besoek op 11 Junie 2011.
  41. ↑ "iCloud - U inhoud. Op al u toestelle" (in Engels). Apple. Geargiveer vanaf die oorspronklike op 21 Mei 2020. Besoek op 18 Desember 2011.
  42. ↑ "Apple stel iCloud bekend" (in Engels). Apple.com. 6 Junie 2011. Geargiveer vanaf die oorspronklike op 23 Junie 2011. Besoek op 18 Desember 2011.

Eksterne skakels wysig


Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=MobileMe&oldid=2478500"