Icelandair
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Icelandair is Ysland se grootste lugredery wat in 2007 sy 70ste verjaardag gevier het. Die Icelandair Group is vandag 'n internasionale onderneming wat twaalf filiaalmaatskappye in die lugvaart- en toerismebedryf behels en oor 'n personeel van 3 000 mense beskik. Die groep is 'n privaat maatskappy in besit van enkele duisend Yslandse aandeelhouers.
| |||||||
| Gestig | 1937 | ||||||
|---|---|---|---|---|---|---|---|
| Hoofspille | Keflavík Internasionale Lughawe | ||||||
| Lojaliteitsprogram | Saga Club | ||||||
| Vlootgrootte | 21 | ||||||
| Bestemmings | 45 | ||||||
| Houermaatskappy | Icelandair Group | ||||||
| Sitkamer | Saga Lounge | ||||||
| Hoofkantoor | Reykjavík-lughawe, Reykjavík, Ysland | ||||||
| Sleutelpersone | Birkir Hólm Guðnason (Hoof uitvoerende beampte) | ||||||
| Webwerf | icelandair.com | ||||||
Met 'n vloot van 19 Boeing-vliegtuie het Icelandair in 2007 25 bestemmings in Europa en Noord-Amerika met 160 weeklikse vlugte bedien.
Geskiedenis wysig
Icelandair se oorsprong dateer terug tot die jaar 1937 toe 'n klein lugredery, Flugfélag Akureyrar, in die stad Akureyri aan Ysland se noordkus gestig is. Die maatskappy het sy hoofkwartier in 1943 na die hoofstad Reykjavík verskuif en sy naam gewysig tot Flugfélag Íslands. Later het die lugredery die internasionale Engelse handelsnaam Icelandair aangeneem.
Flugfélag Íslands se eerste internasionale vlugte in die jaar 1945 het Skotland en Denemarke bedien. 'n Tweede Yslandse lugredery, Loftleidir, het sy eerste internasionale bestemmings in 1947 bedien en 'n pioniersrol gespeel met sy goedkoop vlugte op die Noord-Atlantiese roete wat in 1953 begin het.
In 1973 het Flugfélag Íslands en Loftleidir saamgesmelt om 'n nuwe gemeenskaplike maatskappy, Flugleidir, te vorm. In Oktober 1979 het Flugleidir die twee oorspronklike lugrederye se operasionele verantwoordelikhede oorgeneem en besluit om die naam Flugleidir nog slegs op die binnelandse mark te gebruik, terwyl Icelandair as die maatskappy se internasionale handelsnaam gebruik is.
Internasionale bestemmings wysig
Europa wysig
- België: Brussel, Luik (albei net lugvrag)
- Denemarke: Kopenhagen-Kastrup
- Duitsland: München, Frankfurt International Airport, Berlyn-Schönefeld, Keulen (slegs lugvrag)
- Frankryk: Parys, Lughawe Parys-Charles de Gaulle
- Noorweë: Bergen en Oslo
Noord-Amerika wysig
- Kanada: Halifax (Nova Scotia), Toronto (vanaf 2 Mei 2008)
- Verenigde State: New York Stad, Baltimore, Boston, Minneapolis, Orlando