Impofudam

Die Impofudom (ook Mpofudam en Impovudam, voorheen Elandsjagdtdam) verskaf saam met die Churchilldam, die Kougadam, die Loeriedam en die Groendaldam water vir huishoudelike en nywerheidsgebruik aan die stedelike gebied van Gqeberha (Port Elizabeth).

Impofudam
Amptelike naam	Impofu Dam
Ligging	Humansdorp, Oos-Kaap
Provinsie/Land	Suid-Afrika
Koördinate	34°5′45″S 24°41′1″O
Dam in	Kromrivier
Doel	Nywerheid en huishoudelik
Openingsdatum	1983
Eienaar	Departement van Waterwese
Soort dam	Grondvulling
Hoogte van wal	75 m
Lengte van wal	793 m
Bakmaat	106 885 000 m3
Reservoir	Impofudamreservoir
Damoppervlak	570 ha

Ligging

Die dam en die Elandsjagt-watersuiweringswerke lê in die Kromrivier in die omgewing van Humansdorp op 34° 5' suid en 24º 41' oos en dus net stroomaf van die Churchilldam. Beide die N2- en R102-paaie loop oor die westelike punt van die dam. Die pad na die damwal is nie besonder geskik vir 'n passasiersmotor nie.

Geskiedenis

Die konstruksie het in 1972 begin en is in 1982 voltooi. In Julie 1983 was die dam, teen alle verwagtinge, binne drie dae vol.

Afmetings

Hierdie dam is lank, nou en diep, met verskeie baaie. Die maksimum kapasiteit is 107 miljoen m³ en dan het dit 'n oppervlakte van meer as 6 km², 'n lengte van 25 km en 'n omtrek van 65 km. Die hoogte van die damwal is 75 m en die lengte 800 m.

Benutting

Die Impofudam is Gqeberha se hoofbron van drinkwater. Die dam voorkom dat vloedwater landerye en huise aan die oewers en by die mond oorstroom. Die dam is gewild onder hengelaars weens die voorkoms van vyf visspesies. Daar is 'n bootlanseerhelling.

Sien ook

• Lys van grootste damme in Suid-Afrika

Bibliografie

• Logie, Bartle: Governor's travels. A journey along the Kouga/Tsitsikamma coast. Hunters Retreat: Bluecliff. 1999. ISBN 0-620-24152-7
• krommerivier.wordpress.com
• www.bassfishing.co.za