Instagram is 'n gratis mobiele toep en 'n webwerf wat gebruikers toelaat om foto's en video's met 'n speeltyd van tot 60 sekondes met hul volgelinge of met die publiek te deel.[1] Instagram is deel van die Facebook-onderneming. Die foto's en video's kan digitaal gefiltreer en op die sosiale netwerke gedeel word, soos dié van Instagram self.[2]
  | |
| Tipe | |
|---|---|
| Gestig | 2010[1] |
| Hoofkantoor | Verenigde State |
| Gebied bedien | Wêreldwyd |
| Industrie | Internet |
| Produkte | Gemeenskapswebwerf |
| Webwerf | www.instagram.com |
Met 'n video word die speeltyd gewys, maar dit kan nie na 'n spesifieke tyd /deel genavigeer word nie.
Die funksionaliteit van die webwerf is meer beperk as dié van die toep. Video's en foto's kan slegs via die toep opgelaai word. Daarbenewens kan 'n lys foto's / video's van 'n rekening slegs in die toep verkry word. Op die webwerf kan die inhoud van 'n rekening slegs in 'n roostervorm vertoon word. Dit is ook nie moontlik om direkte boodskappe via die webwerf na ander rekeninge te stuur nie.
In Junie 2011 het Instagram 100 miljoen fotos gehad wat opgelaai is.[3][4] Dit het gegroei tot 150 miljoen in Augustus 2011,[5][6] en teen Junie 2013 was daar meer as 16 miljard fotos op die diens. In Oktober 2015 het daar meer as 40 miljard fotos bestaan.[7]
Instagram het in Junie 2018 aangekondig dat dit meer as een miljard geregistreerde gebruikers het.[8]
Geskiedenis van die beeldverhouding
Instagram het aanvanklik vierkantige foto's gelewer, net soos die Kodak Instamatic-kamera en die Polaroid-kamera en die vroeëre 6 × 6-kameras. Dit is in teenstelling met die gewone langwerpige foto's van selfone en regte kameras met 'n aspekverhouding van 16:10, 2: 3 en 4: 3. In Augustus 2015 is die formaatbeperking egter opgehef en kon foto's van elke grootte en van nou af opgelaai en geredigeer word.
Programme
Die program, wat op 6 Oktober 2010 bekendgestel is, is aanvanklik slegs vir die iPhone, iPad en iPod touch ondersteun. Vanaf April 2012 werk dit ook op slimfone met Android-weergawe 2.2 of later. In November 2013 is dit ook op Windows Phone uitgereik. Instagram word via die App Store, Google Play en Microsoft Store (voorheen Windows Store) versprei. Ondersteuning vir die oplaai van videos is in April 2013 bygevoeg.
Oorname deur Facebook
In April 2012 het Facebook Instragram en sy 12 werknemers vir ongeveer US$ 1 miljard kontant en aandele gekoop en daar was beplan om die maatskappy onder onafhanklike bestuur te laat.[9] Met die transaksie het Instagram effektief 'n finansiële eenhoring gemaak.[10]
Destyds was daar meer as 30 miljoen geregistreerde gebruikers van Instagram se webwerf vir fotos.[11] Die verkryging is in Augustus 2012 deur die Amerikaanse Federale Handelskommissie goedgekeur.
Stories
Stories is 'n versameling fotos en video's (maks. 10 minute) op 'n rekening wat tot 24 uur besigtig kan word. Dan verdwyn die verhale outomaties uit 'n profiel. Die verhale kan met teks of met filters geredigeer word. Fotos wat 'n maksimum van 24 uur gelede geneem is, kan uit die fotogalery gekies word om by te voeg tot 'n verhaal. Hierdie ekstra funksie van Instagram is in Augustus 2016 by die toep gevoeg.[12]
Video
Aanvanklik was Instagram slegs 'n webwerf om fotos te deel. In Junie 2013 het dit moontlik geword om 'n kort videos van 15 sekondes te plaas. In Maart 2016 was dit moontlik om langer snitte van hoogstens 60 sekondes te plaas.[13]
IGTV
IGTV is 'n toepassing om vertikale videobeelde te maak. 'n Afsonderlike toep het in Junie 2018 uitgekom, en die funksionaliteit is ook binne Instagram self beskikbaar. Tot 60 minute video's kan met IGTV opgelaai word.[14]
Verwysings
- ↑ 1,0 1,1 Hu, Yuheng, Lydia Manikonda, and Subbarao Kambhampati. "What We Instagram: A First Analysis of Instagram Photo Content and User Types." Geargiveer 27 Oktober 2016 op Wayback Machine ICWSM. 2014.
- ↑ Frommer, Dan (1 November 2010). "Here's How To Use Instagram". Business Insider. Besoek op 14 Mei 2012.
- ↑ Siegler, MG (13 Junie 2011). "At 5 Million Users, It's Hard Not To View Instagram Through A Rose-Colored Filter". TechCrunch (in Engels). AOL. Geargiveer vanaf die oorspronklike op 14 Mei 2020. Besoek op 31 Mei 2017.
- ↑ Van Grove, Jennifer (14 Junie 2011). "Instagram by the Numbers: 5 Million Users & 100 Million Photos". Mashable (in Engels). Geargiveer vanaf die oorspronklike op 29 Januarie 2020. Besoek op 31 Mei 2017.
- ↑ Siegler, MG (3 Augustus 2011). "The Latest Crazy Instagram Stats: 150 Million Photos, 15 Per Second, 80% Filtered". TechCrunch (in Engels). AOL. Geargiveer vanaf die oorspronklike op 7 November 2019. Besoek op 31 Mei 2017.
- ↑ Hardawar, Devindra (3 Augustus 2011). "Instagram snaps 150M photos, 7M users – still only 4 employees". VentureBeat (in Engels). Geargiveer vanaf die oorspronklike op 29 Januarie 2020. Besoek op 31 Mei 2017.
- ↑ Waxman, Olivia B. (6 Oktober 2015). "Here Are the 5 Most Popular Instagram Photos of All Time". Time (in Engels). Geargiveer vanaf die oorspronklike op 12 Junie 2019. Besoek op 31 Mei 2017.
- ↑ (en) Instagram-press.com, 20 Junie 2018: Welcome to IGTV. Besoek op 9 Januarie 2020
- ↑ Segall, Laurie. "Facebook acquires Instagram for $1 billion". CNNMoney.com. CNN. Besoek op 14 Mei 2012.
- ↑ Raice, Shayndi; Ante, Spencer E. (10 April 2012). "Insta-Rich: $1 Billion for Instagram". Wall Street Journal (in Engels). ISSN 0099-9660. Geargiveer vanaf die oorspronklike op 17 Mei 2020. Besoek op 30 Maart 2017.
- ↑ "Instagram for Android – Available Now". Instagram. 3 April 2012. Geargiveer vanaf die oorspronklike op 10 Mei 2012. Besoek op 14 Mei 2012.
- ↑ Kerkhofs, Sjef. "Wat moet je weten over Instagram Stories?". adformatie.nl. Adformatie. Besoek op 5 April 2018.
- ↑ (en) Instagram lets you post up to 10 photos or videos as 1 swipeable carousel Techcrunch, 22 Februarie 2017
- ↑ Wat zijn de uploadvereisten voor video's voor IGTV? Helpcentrum Instagram (geraadpleegd op 15 Augustus 2018)