Wikipedia

Eenhoring (finansies)

beginonderneming wat meer as VS$1 miljard gewaardeer is

'n Eenhoring is 'n privaat beginonderneming met 'n markwaarde van meer as VS$ 1 miljard.[1] Die term is in 2013 geskep deur die waagkapitalis Aileen Lee, wat die mitiese dier gekies het om die statistiese skaarsheid van sulke suksesvolle ondernemings aan te dui,[2][3][4][5]tienhoring is 'n woord wat gebruik word vir maatskappye waarvan die waarde meer as VS$ 10 miljard beloop,[6] terwyl honderdhoring gebruik word vir so 'n maatskappy ter waarde van meer as VS$ 100 miljard.

Volgens CB Insights was daar in Junie 2022 meer as 1 170 eenhoringondernemings.[7] Die grootstes sluit in ByteDance, Stripe en SpaceX.

Geskiedenis

wysig

Toe Aileen Lee in 2013 oorspronklik die term "eenhoring" bedink het, was daar slegs 39 maatskappye wat as eenhorings beskou word.[8] In 'n ander studie wat deur die Harvard Business Review gedoen is, is vasgestel dat beginondernemings wat tussen 2012 en 2015 gestig is, twee keer so vinnig in waardasie gegroei het as maatskappye wat tussen 2000 en 2013 gestig is.[9]

In 2018 het 16 Amerikaanse ondernemings eenhorings geword, wat gelei het tot 119 privaat ondernemings wêreldwyd wat op 1 miljard dollar of meer gewaardeer is.[10]

Redes agter die vinnige groei van eenhorings

wysig

Vinnigegroeistrategie

wysig

Volgens akademici in 2007 volg beleggers en waagkapitaalondernemings die strategie "word vinnig groot" (get big fast - GBF) vir beginmaatskappye. Dit is ook bekend as Blitzscaling. GBF is 'n strategie waar beginnermaatskappye poog om te groei teen 'n hoë koers deur middel van groot befondsingsrondes en prysverlaging om 'n voordeel ten opsigte van markaandeel te verkry en mededingers so vinnig moontlik uit die weg te ruim.[11] Die vinnige eksponensiële opbrengste deur hierdie strategie blyk vir alle betrokkenes aantreklik te wees. Daar is egter altyd 'n waarskuwing van die dot-com-borrel van 2000 en die gebrek aan langtermynvolhoubaarheid in waardeskepping van die maatskappye wat vanaf die internet-era geskep is.

Maatskappyaankope

wysig

Baie eenhorings is geskep weens die aankoopgeleentheid wat gebied word deur groot openbare ondernemings. In 'n lae-rentekoers-trae-groei-omgewing fokus baie maatskappye soos Apple Inc., Facebook en Google op verkrygings in plaas daarvan om op kapitaalbesteding en die ontwikkeling van interne beleggingsprojekte te konsentreer.[12] Sommige groot ondernemings wil dus eerder hul ondernemings versterk deur gevestigde tegnologie en sakemodelle uit te koop eerder as om dit self te skep.

Verhoging van privaat kapitaal beskikbaar

wysig

Die gemiddelde ouderdom van 'n tegnologiemaatskappy voordat dit 'n openbare maatskapy word, is nou 11 jaar, in teenstelling met 'n gemiddelde leeftyd van vier jaar in 1999.[13] Hierdie nuwe dinamiek spruit uit die vergrote hoeveelheid privaat kapitaal wat aan eenhorings beskikbaar is en die aanvaarding van die US Jumpstart our Business Startups (JOBS) Act in 2012, wat die hoeveelheid aandeelhouers wat 'n maatskappy kan hê, met 'n veelvoud van vier verhoog het voordat die maatskappy sy finansiële state openbaar moet maak. Die hoeveelheid privaat kapitaal wat in sagtewaremaatskappye belê is, het van 2013 tot 2015 drievoudig toegeneem.[14]

Vermyding van 'n vroeë aanvanklike openbare aanbod

wysig

Weens verskeie finansieringsrondes hoef ondernemings nie 'n aanvanklike openbare aanbiedingsopsie (Engels: IPO) te doen om kapitaal of 'n hoër waardasie te verkry nie; hulle kan net hul beleggers nader vir meer kapitaal. 'n Aanvanklike openbare aanbod loop ook die risiko om 'n maatskappy te devalueer as die openbare mark van mening is dat 'n maatskappy minder werd is as wat sy beleggers glo.[14] 'n Paar voorbeelde van hierdie situasie was Square, veral bekend vir sy mobiele betalings- en finansiëledienstebedryf, en Trivago, 'n gewilde Duitse hotel-soekenjin, wat albei deur die mark onder hul aanvanklike aanbodpryse geprys is.[15][16] Dit was as gevolg van die ernstige oorwaardering van albei ondernemings in die openbare mark deur beleggers en waagkapitaalondernemings. Die mark het nie met die waardasie van albei maatskappye saamgestem nie, en die prys van hul aandele het ná hul aanvanklike loodsing gedaal. Beleggers en beginondernemings wil ook nie al die nodige veranderings in werking stel wat met 'n aandelebeursregistrasie gepaard gaan nie weens die vergrote regulasievereistes. Wetgewing soos die Sarbanes-Oxley Act het strenger regulasies toegepas na aanleiding van verskeie bankrotskapsgevalle in die Amerikaanse mark wat baie van hierdie ondernemings wil vermy.[12]

Tegnologiese vooruitgang

wysig

Beginondernemings benut die oorvloed van nuwe tegnologie van die afgelope dekade om eenhoringstatus te verkry. Met die ontploffing van sosiale media en toegang tot miljoene mense wat hierdie tegnologie gebruik, word massiewe ekonomie van skaalvoordele bekom. Dus kan nuwe ondernemers vinniger as ooit uitbrei.[12] Nuwe innovasies in tegnologie, waaronder mobiele slimfone, eweknienetwerk-platforms en wolkverwerking met die kombinasie van sosialemediatoepassings, het die groei van eenhorings gehelp.

Waardasies

wysig

Die waardasies wat daartoe lei dat hierdie beginondernemings eenhorings en tienhorings word, is uniek in vergelyking met meer gevestigde ondernemings. 'n Waardasie vir 'n gevestigde onderneming spruit uit die vertoning van die vorige jare, terwyl 'n beginonderneming se waardasie afgelei word van die groeigeleenthede en die verwagte ontwikkeling op die lang termyn vir sy potensiële mark.[17] Waardasies vir eenhorings kom meestal uit finansieringsrondes van groot waagkapitaalondernemings wat in hierdie onderneming belê. 'n Verdere belangrike waardasie van nuwe ondernemings is wanneer 'n veel groter maatskappy 'n beginonderneming koop en sodoende die waardasie aan hulle gee. Onlangse voorbeelde is toe Unilever Dollar Shave Club[18]gekoop het, en toe Facebook Instagram vir VS$ 1 miljard gekoop het, wat Dollar Shave Club en Instagram effektief finansiële eenhorings gemaak het.[19]

Bill Gurley, 'n vennoot by die waagkapitaalfirma Benchmark, het in Maart 2015 en vroeër voorspel dat die vinnige toename in die getal eenhornings "moontlik is in 'n wêreld wat spekulatief en onvolhoubaar is", en sal nalaat wat hy "dooie eenhorings” noem. Hy het ook gesê die belangrikste rede vir die waardasie van eenhorings is die "buitensporige hoeveelheid geld" wat daarvoor beskikbaar is.[20][21] In 2015 het William Danoff, wat die Fidelity Contrafund bestuur, ook gesê eenhorings gaan moontlik 'n bietjie glans verloor "as gevolg van die groter voorkoms daarvan" en dat 'n paar se aandeelprys gedevalueer is. Navorsing deur 'n professor aan Stanford-universiteit wat in 2018 gepubliseer is, dui daarop dat eenhorings met gemiddeld 48% oorwaardeer word.[22][23]

Waardasie van hoëgroei-ondernemings

wysig

Vir hoëgroei-ondernemings wat op soek is na die hoogste moontlike waardasie, kom dit neer op potensiaal en geleentheid. Wanneer beleggers van hoëgroei-ondernemings besluit of hulle in 'n maatskappy moet belê of nie, soek hulle tekens van 'n groot divident om eksponensiële opbrengste op hul belegging te maak, tesame met die regte leierspersoonlikhede wat by die onderneming pas.[24] Om sulke hoë waardasies in finansieringsrondes te gee, moet waagkapitaalondernemings glo in die visie van sowel die entrepreneur as die onderneming as geheel. Hulle moet glo dat die maatskappy kan ontwikkel uit die onstabiele, onsekere huidige posisie in 'n maatskappy wat in die toekoms matige groei kan genereer en volhou.[17]

Grootte van die mark

wysig

Om die potensiële toekomstige groei van 'n onderneming te beoordeel, moet daar 'n diepgaande ontleding van die teikenmark gedoen word.[17] As 'n maatskappy of belegger die markgrootte bepaal, is daar 'n paar stappe wat hulle moet oorweeg om uit te vind hoe groot die mark regtig is:[25]

  • Definiëring van die subsegment van die mark (geen maatskappy kan 100% markaandeel teiken, ook bekend as monopolisering)
  • Grootte van die bo-na-onder-mark[26]
  • Onder-na-bo-analise[26]
  • Mededingeranalise

Nadat die mark redelik geskat is, kan 'n finansiële voorspelling gemaak word op grond van die grootte van die mark en hoeveel 'n maatskappy van mening is dat dit in 'n sekere periode kan groei.

Skatting van finansies

wysig

Om die waardasie van 'n maatskappy ná die voltooiing van die inkomstevooruitskatting behoorlik te beoordeel, moet 'n voorspelling van die bedryfsmarge, die ontleding van die nodige kapitaalbeleggings en die opbrengs op die beleggingskapitaal voltooi word om die groei en potensiële opbrengs vir beleggers van 'n maatskappy te beoordeel.[17] Die aannames van waar 'n onderneming kan groei, moet realisties wees, veral as hulle waagkapitaalondernemings probeer kry om die waardasie te gee wat 'n maatskappy wil hê. Waagkapitaliste weet dat die uitbetaling van hul belegging vir nog vyf tot tien jaar nie sal realiseer nie, en hulle wil van die begin af seker maak dat finansiële voorspellings realisties is.[17]

Terugwerking tot die hede

wysig

Met die finansiële vooruitskattings wat opgestel is, moet beleggers weet vir wat die maatskappy in die huidige tyd gewaardeer moet word. Dit is hier waar meer gevestigde waardasiemetodes meer relevant word.

Dit sluit die drie algemeenste waardasiemetodes in:[27]

  • Verdiskonteerde kontantvloei-analise
  • Mark vergelykbare metode
  • Vergelykbare transaksies

Beleggers kan 'n finale waardasie op grond van hierdie metodes kry, en die hoeveelheid kapitaal wat hulle bied vir 'n persentasie van die aandeel in 'n maatskappy, word die finale waardasie vir 'n beginonderneming. Die mededingers se finansies en transaksies uit die verlede speel ook 'n belangrike rol om 'n basis te skep vir die waardasie van 'n beginonderneming en die vind van die korrekte waardasie van hierdie ondernemings.

Tendense

wysig

Deelekonomie

wysig

Die deelekonomie, ook bekend as "samewerkende verbruik" of "ekonomie op aanvraag", is gebaseer op die konsep van die deel van persoonlike hulpbronne. Hierdie neiging om hulpbronne te deel, het daartoe gelei dat drie van die topvyf- grootste eenhorings (Uber, DiDi en Airbnb) die waardevolste beginondernemings in die wêreld geword het. Die ekonomiese neigings van die 2010's het daartoe gelei dat verbruikers konserwatiewer was met uitgawes, en die deelekonomie het dit weerspieël.[28]

E-handel

wysig

E-handel en die innovasie van die aanlyn mark het die behoeftes aan fisieke liggings van handelsmerke stadig maar seker oorgeneem. 'n Goeie voorbeeld hiervan is die agteruitgang van winkelsentrums in die Verenigde State. Die verkope van winkelsentrums in die Verenigde State het afgeneem van VS$87,46 miljard in 2005 tot VS$60,65 miljard in 2015.[29] Die opkoms van e-handelsondernemings soos Amazon en Alibaba (albei eenhorings voordat hulle openbaar geword het) het die behoefte aan fisieke liggings om verbruikersgoedere te koop verminder. Baie groot korporasies het hierdie neiging 'n tyd reeds waargeneem en probeer om aan te pas by die e-handelsneiging. Walmart het Jet.com, 'n Amerikaanse e-handelsonderneming, vir VS$3,3 miljard gekoop om aan te pas by verbruikersvoorkeure.[30]

Innoverende sakemodel

wysig

Ter ondersteuning van die delingsekonomie het eenhornings en suksesvolle beginondernemings 'n sakemodel opgebou wat gedefinieer is as "netwerk-orkestreerders".[31] In hierdie sakemodel bestaan daar 'n netwerk van eweknieë wat waarde skep deur interaksie en deling. Netwerk-orkestreerders mag produkte/dienste verkoop, saamwerk, resensies deel en verhoudings deur hul ondernemings opbou. Voorbeelde van netwerkorkestreerders is Uber, Airbnb, TripAdvisor, Yelp, Amazon en Alibaba.

Verwysings

wysig
  1. ↑ Cristea, Ioana A.; Cahan, Eli M.; Ioannidis, John P. A. (April 2019). "Stealth research: Lack of peer‐reviewed evidence from healthcare unicorns". European Journal of Clinical Investigation (in Engels). 49 (4): e13072. doi:10.1111/eci.13072. ISSN 0014-2972. PMID 30690709.
  2. ↑ Rodriguez, Salvador (3 September 2015). "The Real Reason Everyone Calls Billion-Dollar Startups 'Unicorns'". International Business Times (in Engels). IBT Media Inc. Geargiveer vanaf die oorspronklike op 1 Junie 2020. Besoek op 3 Januarie 2017.
  3. ↑ Lee, Aileen (2013). "Welcome To The Unicorn Club: Learning From Billion-Dollar Startups". TechCrunch. Besoek op 26 Desember 2015. 39 companies belong to what we call the 'Unicorn Club' (by our definition, U.S.-based software companies started since 2003 and valued at over $1 billion by public or private market investors)... about .07 percent of venture-backed consumer and enterprise software startups
  4. ↑ Griffith, Erin; Primack, Dan (2015). "The Age of Unicorns". Fortune. Besoek op 26 Desember 2015. Subtitle: The billion-dollar tech startup was supposed to be the stuff of myth. Now they seem to be... everywhere. {{cite journal}}: Onbekende parameter |lastauthoramp= geïgnoreer (hulp)
  5. ↑ Chohan, Usman (2016). "It's Hard to Hate a Unicorn, Until it Gores You". The Conversation. Besoek op 26 Oktober 2016.
  6. ↑ Roberts, Daniel; Nusca, Andrew (2015). "The Unicorn List". Fortune. Besoek op 26 Desember 2015. {{cite journal}}: Onbekende parameter |lastauthoramp= geïgnoreer (hulp)
  7. ↑ "The Complete List Of Unicorn Companies". CB Insights (in Engels). Besoek op 1 Julie 2022.
  8. ↑ Fan, Jennifer S. "Regulating Unicorns: Disclosure and the New Private Economy." BCL Rev. 57 (2016): 583.
  9. ↑ "How Unicorns Grow". Harvard Business Review (in Engels). Geargiveer vanaf die oorspronklike op 26 Februarie 2020. Besoek op 30 Maart 2017.
  10. ↑ Levi Sumagaysay (9 Oktober 2018). "Venture capital: Bay Area's Lucid Motors, Zoox, Uber scored the most in third quarter" (in Engels). Mercury News. Geargiveer vanaf die oorspronklike op 3 April 2019. Besoek op 15 Oktober 2018.
  11. ↑ Sterman, J. D., Henderson, R., Beinhocker, E. D., & Newman, L. I. (2007). Getting big too fast: Strategic dynamics with increasing returns and bounded rationality. Management Science, 53(4), 683-696.
  12. ↑ 12,0 12,1 12,2 Howe, Neil. "What's Feeding The Growth Of The Billion-Dollar 'Unicorn' Startups?". Forbes (in Engels). Geargiveer vanaf die oorspronklike op 1 September 2019. Besoek op 30 Maart 2017.
  13. ↑ "To fly, to fall, to fly again". The Economist (in Engels). 25 Julie 2015. ISSN 0013-0613. Geargiveer vanaf die oorspronklike op 18 Junie 2019. Besoek op 30 Maart 2017.
  14. ↑ 14,0 14,1 "Grow fast or die slow: Why unicorns are staying private". McKinsey & Company (in Engels). Geargiveer vanaf die oorspronklike op 6 September 2019. Besoek op 30 Maart 2017.
  15. ↑ Demos, Telis; Driebusch, Corrie (19 November 2015). "Square's $9-a-Share Price Deals Blow to IPO Market". Wall Street Journal (in Engels). ISSN 0099-9660. Geargiveer vanaf die oorspronklike op 6 Maart 2020. Besoek op 31 Maart 2017.
  16. ↑ Balakrishnan, Anita (16 Desember 2016). "Trivago IPO opens at $11.20 after pricing at $11, below its expected range". CNBC (in Engels). Geargiveer vanaf die oorspronklike op 25 Maart 2019. Besoek op 31 Maart 2017.
  17. ↑ 17,0 17,1 17,2 17,3 17,4 "Valuing high-tech companies". McKinsey & Company (in Engels). Geargiveer vanaf die oorspronklike op 7 Februarie 2018. Besoek op 30 Maart 2017.
  18. ↑ "Unilever Buys Dollar Shave Club for $1 Billion". Fortune (in Engels). Geargiveer vanaf die oorspronklike op 3 Mei 2020. Besoek op 30 Maart 2017.
  19. ↑ Raice, Shayndi; Ante, Spencer E. (10 April 2012). "Insta-Rich: $1 Billion for Instagram". Wall Street Journal (in Engels). ISSN 0099-9660. Geargiveer vanaf die oorspronklike op 17 Mei 2020. Besoek op 30 Maart 2017.
  20. ↑ Winkler, Rolfe (2015). "Bill Gurley Sees Silicon Valley on a Dangerous Path". The Wall Street Journal (in Engels). Geargiveer vanaf die oorspronklike op 25 Maart 2019. Besoek op 26 Desember 2015. Subtitle: Subtitle: Venture capitalist says companies hurt themselves by trying to delay going public
  21. ↑ Rob Price (2018). "Legendary investor Bill Gurley says that there's a 'systematic problem in Silicon Valley' because it's too easy to get cash". Business Insider. Besoek op 12 Maart 2018
  22. ↑ Gornall and Strebulaev (2018). "Squaring Venture Capital Valuations with Reality". Stanford University Working Paper. SSRN 2955455. Ons ontwikkel 'n waardasiemodel vir waagkapitaalondersteunde ondernemings en pas dit toe op 135 Amerikaanse eenhoring - private ondernemings met 'n gerapporteerde waardasie van meer as VS$ 1 miljard toe. Ons waardeer eenhorings met behulp van finansiële state uit wettige registrasies en vind dat eenhorings na-raming gemiddeld 48% bo billike waarde is, met 13 meer as 100%.
  23. ↑ Sorkin, Andrew (2017). "How Valuable Is a Unicorn? Maybe Not as Much as It Claims to Be". New York Times. Besoek op 11 Maart 2018. Die gemiddelde eenhoring se waarde is die helfte van die koeranthooftrekprys wat na elke nuwe waardasie voorgehou word.
  24. ↑ MacMillan, I. C., Siegel, R., & Narasimha, P. S. (1985). Criteria used by venture capitalists to evaluate new venture proposals. Journal of Business venturing, 1(1), 119-128.
  25. ↑ Zhuo, Tx (7 Maart 2016). "5 Strategies to Effectively Determine Your Market Size". Entrepreneur (in Engels). Geargiveer vanaf die oorspronklike op 13 Februarie 2020. Besoek op 30 Maart 2017.
  26. ↑ 26,0 26,1 "Market Sizing: Is There A Market Size Formula? | B2B International". B2B International (in Engels (VSA)). Besoek op 30 Maart 2017.
  27. ↑ "Valuation methods | Venture Valuation". www.venturevaluation.com (in Engels). Geargiveer vanaf die oorspronklike op 21 Februarie 2017. Besoek op 30 Maart 2017.
  28. ↑ Newlands, Murray (17 Julie 2015). "The Sharing Economy: Why it Works and How to Join". Forbes (in Engels). Geargiveer vanaf die oorspronklike op 20 Desember 2019. Besoek op 31 Maart 2017.
  29. ↑ Ho, Ky Trang. "How To Profit From The Death Of Malls In America". Forbes (in Engels). Geargiveer vanaf die oorspronklike op 21 Oktober 2018. Besoek op 31 Maart 2017.
  30. ↑ Nassauer, Sarah (8 Augustus 2016). "Wal-Mart to Acquire Jet.com for $3.3 Billion in Cash, Stock". Wall Street Journal (in Engels). ISSN 0099-9660. Geargiveer vanaf die oorspronklike op 12 Junie 2020. Besoek op 31 Maart 2017.
  31. ↑ "Rise of the Unicorns". Zinnov Thoughts (in Engels (VSA)). 27 Augustus 2015. Geargiveer vanaf die oorspronklike op 4 Februarie 2018. Besoek op 1 April 2017.
Ontsluit van "https://af.wikipedia.org/w/index.php?title=Eenhoring_(finansies)&oldid=2682556"