Inxeba
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Inxeba [1] (Afrikaans: Die Wond) is 'n 2017 Suid-Afrikaanse dramafilm met regie deur John Trengove.[2] Dit is vertoon by die World Cinema Dramatic Competition by die 2017 Sundance Filmfees[3] en die Panorama-afdeling van die 67ste Berlyn Internasionale Filmfees.[4] Die rolprent het in 2017 die Tel Aviv Internasionale LGBT Filmfees geopen.[5] Dit is gekies as die Suid-Afrikaanse inskrywing vir die Beste Buitelandse Rolprent by die 90ste Academy Awards,[6][7] en is op die Desember-kortlys geplaas.[8]
| Inxeba (The Wound) | |
|---|---|
| Regisseur | Elias Ribeiro Cait Pansegrouw |
| Produksieleier | John Trengove |
| Draaiboek | John Trengove Thando Mgqolozana Malusi Bengu |
| Met | Nakhane Touré |
| Kinematografie | Paul Ozgur |
| Redigeerder | Matthew Swanepoel |
| Speeltyd | 88 minute |
| Land | Suid-Afrika Frankryk Duitsland |
| Taal | Xhosa |
| Bruto wins | $30,678 (VSA) R598,571 (ZA) |
Storielyn
wysigDie storie volg 'n verborge verhouding tussen twee mans in die konteks van die Xhosa-inisiasieritueel van ukwaluka.[9][10]
Rolspelers
wysig- Nakhane Touré as Xolani
- Bongile Mantsai as Vija
- Niza Jay Ncoyini as Kwanda
- Siphosethu Sethsinger Ngcetane as Nkosi
- Loyiso Lloyd N Ngqayana as Vija se Inititate
- Sibabalwe Esbie Ngqayana as Zuko
- Halalisani Bradley Cebekhulu as Lukas
- Inga Qwede as Ncedo
Produksie
wysigInspirasie vir Inxeba het gekom na die direkteur John Trengove A Man Who is Not a Man gelees het, 'n roman deur Thando Mgqolozana op die onderwerp van die Xhosa-inisiasieseremonie.[11] Dit het befondsing van die National Film and Video Foundation gekry.[12] Kulturele kundiges is geraadpleeg om die egtheid van die materiaal te verseker.[13]
Ontvangs
wysigInxeba het 19 toekennings by 44 feeste wêreldwyd ontvang; en ook agt Suid-Afrikaanse Film- en Televisietoekennings (Safta) nominasies, insluitend Beste Akteur, Beste Regie en Beste Film, en was op die kortlys vir 'n Oscar in die Beste Buitelandse Rolprent kategorie.[14]
Omstredenheid
wysigDie film is beskuldig van kulturele onsensitiwiteit, omdat dit geheimsinnige inisiasierituele uitbeeld. Egter, ander media oor dieselfde onderwerp, soos Nelson Mandela se Long Walk to Freedom, het nie soortgelyke kritiek ontvang nie, wat lei tot beskuldigings dat klagtes oor die film is in plaas gemotiveer deur homofobie.
'n Dag na die film se vrystelling in Suid-Afrika, was teaters in die Oos-Kaap provinsie gedwing om vertonings van die rolprent te kanselleer en terugbetalings aanbied as gevolg van protes, intimidasie en vandalisme. Nu Metro Teaters het daarna vertonings landwyd gekanselleer, terwyl Ster-Kinekor voortgegaan het om die film buite die Oos-Kaap te vertoon. Die rolprent se produsente het klagtes by die menseregtekommissie en die Kommissie vir Geslagsgelykheid ingedien oor dreigemente en geweld. Die bemanning en rolspelers het doodsdreigemente ontvang en was gedwing om te gaan wegkruip.
Herklassifikasie
wysigDie film was aanvanklik geklassifiseer as 16LS deur Suid-Afrika se Film- en Publikasieraad (FPB), maar is later herklassifiseer as X18 deur die FPB se Appèltribunaal na klagtes deur die Kongres van Tradisionele Leiers van Suid-Afrika en ander kulturele en Christelike organisasies. X18 is die gradering voorbehou vir harde pornografie, hoewel Inxeba nie enige bevat nie, wat beteken dat die verspreiding beperk is tot persele wat gelisensieer is om pornografie te wys, wat lei tot die verwydering van die film uit alle Suid-Afrikaanse teaters.[15][16] Die Demokratiese Alliansie het die beslissing van die Appèltribunaal gekritiseer, en dit gekarakteriseer as "niks kort van sensuur" deur "aartsvaders en homofobes" nie.[17] FPB klassifiseerders het self tot die gevolgtrekking gekom dat die Appèltribunaal se gradering gelei het tot onwettige sensuur gebaseer op homofobie.[18]
Urucu Media, die produsente van Inxeba, en die SA Skermfederasie het beplan om die film se X18 gradering in die hof te bestry, op grond daarvan dat hulle 'n geleentheid geweier is om 'n verteenwoordiging by die Tribunaal te maak, en dat die Appèltribunaal se besluit in stryd is met die beginsels van die Grondwet van Suid-Afrika.
Sien ook
wysig- Lys van voorleggings aan die 90ste Oscar-Toekennings vir die Beste Buitelandse Rolprent
Verwysings
wysig- ↑ Tjiya, Emmanuel (30 Januarie 2018). "'Inxeba' (The Wound) film review" (in Engels). Geargiveer vanaf die oorspronklike op 2 Augustus 2018. Besoek op 4 Februarie 2018.
- ↑ "The Wound" (in Engels). Geargiveer vanaf die oorspronklike op 19 Julie 2018. Besoek op 21 Desember 2016.
- ↑ "Sundance 2017 Announces Competition and NEXT Lineups, Including Returning Favorites and Major Contenders" (in Engels). Geargiveer vanaf die oorspronklike op 5 Mei 2019. Besoek op 30 November 2016.
- ↑ "Berlinale Panorama 2017: The Wound Selected to Open Panorama's Main Programme / Focus on "Black Worlds" and "Europa Europa"" (in Engels). 20 Desember 2016. Geargiveer vanaf die oorspronklike op 18 Februarie 2017. Besoek op 21 Desember 2016.
- ↑ The Wound. URL besoek op 8 June 2017.
- ↑ "Xhosa initiation film Inxeba (The Wound) selected as South Africa's Oscars bid" (in Engels). 1 Oktober 2017. Geargiveer vanaf die oorspronklike op 8 September 2019. Besoek op 1 Oktober 2017.
- ↑ Vourlias, Christopher (1 Oktober 2017). "South Africa Enters 'The Wound' in Foreign-Language Oscar Race" (in Engels). Geargiveer vanaf die oorspronklike op 5 Maart 2020. Besoek op 1 Oktober 2017.
- ↑ Pond, Steve (14 Desember 2017). "Oscars Foreign Language Shortlist Includes 'The Square,' 'A Fantastic Woman'" (in Engels). Geargiveer vanaf die oorspronklike op 8 Junie 2019. Besoek op 14 Desember 2017.
- ↑ "Real Talk with Anele Season 3 Episode 103 - Lynn Forbes & Nakhane", Real Talk With Anele
- ↑ "Inxeba The Wound Given X Rating". The Callsheet (in Engels). 14 Februarie 2018. Geargiveer vanaf die oorspronklike op 28 Augustus 2018. Besoek op 15 Februarie 2018.
- ↑ Mabasa, Nkateko (9 Februarie 2018). "Inxeba: Wounding the Pride and Prejudice of Xhosa men?". The Daily Maverick (in Engels). Geargiveer vanaf die oorspronklike op 13 Junie 2018. Besoek op 15 Februarie 2018.
- ↑ Roets, Adriaan (19 Februarie 2018). "Inxeba shows how far African storytelling still has to go". The Citizen (in Engels). Geargiveer vanaf die oorspronklike op 13 Junie 2018. Besoek op 19 Februarie 2018.
- ↑ "John Trengove's latest film, The Wound, premiers in Berlin", SABC Digital News
- ↑ "Prince Abongile Ngozi on the backlash towards the movie Inxeba", SABC Digital News
- ↑ Levitt, Jessica (14 Februarie 2018). "Inxeba gets same classification as hardcore porn, pulled from movie houses". Times Live (in Engels). Geargiveer vanaf die oorspronklike op 2 Julie 2019. Besoek op 15 Februarie 2018.
- ↑ Dlwati, Vukile (18 Februarie 2018). "The Wound filmmakers to fight film's X18 reclassification". Channel24 (in Engels). Geargiveer vanaf die oorspronklike op 8 September 2019. Besoek op 19 Februarie 2018.
- ↑ "Inxeba X18 rating is nothing short of censorship" (in Engels). 14 Februarie 2018. Geargiveer vanaf die oorspronklike op 2 Augustus 2018. Besoek op 15 Februarie 2018.
- ↑ "Inxeba producers to fight pornography classification". MyBroadband (in Engels). 18 Februarie 2018. Geargiveer vanaf die oorspronklike op 31 Maart 2019. Besoek op 18 Februarie 2018.