Jeanne Zaidel-Rudolph
Jeanne Zaidel-Rudolph (OIB) (gebore 9 Julie 1948) is 'n Suid-Afrikaanse komponis, pianis en dosent. Sy was die eerste vrou wat in Suid-Afrika 'n doktorsgraad in musiekkomposisie verwerf het.[1]
Jeanne Zaidel-Rudolph | |
|---|---|
| Gebore | 9 Julie 1948 Standerton |
| Beroep(e) | komponis, pianis, pedagoog |
Opleiding
wysigZaidel-Rudolph is in Pretoria gebore en het op vyfjarige ouderdom begin klavier speel. Sy het onder Stefans Grové en andere aan die Universiteit van Pretoria gestudeer.[1] Daarna het sy ook aan die Royal College of Music in Londen gestudeer waar sy opleiding in komposisie van John Lambert en Tristram Carey ontvang het. Nadat sy die Hongaarse komponis György Ligeti ontmoet het, is sy genooi om onder hom in Hamburg te studeer. Ligeti se gebruik van kontrapunte en toonkleur het Zaidel-Rudolph grootliks beïnvloed.
Zaidel-Rudolph het ook gespesialiseer in klavieruitvoering; haar onderwysers het Goldie Zaidel, Philip Levy en Adolph Hallis in Suid-Afrika en John Lill in Londen ingesluit. Zaidel-Rudolph het na Suid-Afrika teruggekeer en het die eerste vrou in die land geword wat 'n doktorsgraad in Komposisie verwerf het. Dit was in 1979 aan die Universiteit van Pretoria onder Stefans Grové.
Loopbaan
wysigIn 1988, in die eerste volledige kommersiêle opname van die werke van 'n Suid-Afrikaanse kunsmusiekkomponis, het van haar komposisies op 'n EMI-album verskyn. Die taak is aan haar opgedra om 'n werk (Oratorio vir Menseregte) vir die Olimpiese Spele van 1996 in Atlanta te komponeer. In 1995 het sy 'n saamgestelde weergawe van Suid-Afrika se nuwe Volkslied op versoek van president Nelson Mandela verwerk. Sy het ook 'n lied (He walked to Freedom) geskryf vir die plegtigheid by die ontvangs van sy ere-doktorsgraad in 1997. In 2000, 2002 en 2003 het sy deelgeneem aan die vertoning "Celebration" in Kanada, die VSA en die Verenigde Koninkryk, waarvoor sy die musiek gekomponeer, gedirigeer en georkestreer het.
Zaidel-Rudolph se komposisies dek die meeste musikale genres en wissel van grootskaalse simfonie- tot kamer-, koor-, ballet-, rock-opera-, rolprent- en solo instrumentale musiek. Haar werke word gereeld in Afrika, Europa en Amerika uitgevoer. Zaidel-Rudolph het ook 'n groot bydrae gelewer tot Joodse musiek in Johannesburg.Sy het 'n noue verbintenis met die Sydenham-Highlands Noord-Hebreeuse Gemeente waarvan die mannekoor baie van Zaidel-Rudolph se komposisies uitgevoer het.
Zaidel-Rudolph werk sedert 1975 aan die Skool vir Musiek aan die Universiteit van die Witwatersrand, waar sy 'n professor in komposisie is.
Eerbewyse
wysig- In 1974 was sy die eerste Suid-Afrikaanse komponis wat die Cobbettprys vir komposisie aan die Royal College of Music ontvang het.
- In 1986 het sy die eerste prys in die heel eerste Total Olie (SA) Kompetisie in Suid-Afrika gewen.
Verwysings
wysig- ↑ 1,0 1,1 Human Sciences Research Council. Group: Democracy and Governance (2000). Women marching into the 21st century. HSRC Press. pp. 171–173. ISBN 9780796919663.