John William Jagger

John William Jagger (Yorkshire, 20 September 1859 - Kaapstad, 20 Junie 1930) was 'n Suid-Afrikaanse sakeman en kabinetsminster.

John William Jagger
John William Jagger
Borsbeeld J.W. Jagger (Kaapstad)

Minister van Spoorweë en Hawens
Ampstermyn
1921 – 1924
Eerste minister Barry Hertzog
Voorafgegaan deur Thomas Watt
Opgevolg deur Charles Wynand Malan

Persoonlike besonderhede
Gebore 20 September 1859
Yorkshire, Engeland
Sterf 20 Junie 1930 (op 70)
Kaapstad, Unie van Suid-Afrika
Genl. Jan Christian Smuts en sy kabinet in 1923. Voor: sir Thomas Watt, sen. F.S. Malan, Smuts, sir Thomas Smartt en mnr. Henry Burton. Agter: sen. Nicolaas de Wet, kol. Deneys Reitz, sir Patrick Duncan, mnr. John William Jagger en kol. Hendrik Mentz.
J.W. Jagger-biblioteek, Kaapstad.

Hy kom in 1880 na Suid-Afrika en word 'n klerk in 'n sakeonderneming in Kaapstad. In 1883 stig hy sy eie onderneming as invoerder van weefstowwe en lê die grondslag vir die latere bekende firma met sy naam. Hy het ywerig in die ekonomie belang gestel en word 'n woordvoerder vir die handel. In 1902 of '03 word hy lid van die Kaapse Wetgewende Vergadering (waar hy 'n groot voorstander van vrye handel was) vir Kaapstad, later vir Kaapstad-Sentraal in die Unie-Volksraad.

Van 1908 tot 1909 is hy lid van die Nasionale Konvensie wat die Suid-Afrika-wet opstel en die weg baan vir Uniewording. Hy word in die verkiesing van 1915 herkies as Unie-Volksraadslid. In 1921 word hy minister van spoorweë in genl. Jan Smuts se kabinet. Hy moes die ongewilde beleid van afleggings uitvoer. Hy het ruim bygedra tot die opvoedingsaak en die Jagger-biblioteek aan die Universiteit van Kaapstad is na hom genoem. Hy sterf in 1930 in die Moederstad.

Bronne wysig

  • Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
  • Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.