Joseph Banowetz

Joseph Banowetz (gebore op 5 Desember 1936) is 'n Amerikaans-gebore pianis, pedagoog, skrywer en redakteur wat tans klasgee aan die Universiteit van Noord-Texas. Banowetz is 'n kenner van die musiek van die Russiese Romantiese komponis Anton Rubinstein.

Biografie

Banowetz het aanvanklik in New York onder Carl Friedberg, 'n leerling van die Duitse komponis/pianis Clara Schumann, gestudeer. Hy het sy studies voortgesit aan die Wenen Akademie für Musik und Darstellende Kunst waar György Sándor, 'n leerling van die Hongaarse komponis Béla Bartók, een van sy onderwysers was. Hy het gegradueer met 'n eerste prys in klavier, en is later deur die Oostenrykse regering op 'n uitgebreide Europese konserttoer gestuur. Hy het ook onder Sándor aan die Southern Methodist University in Dallas, Texas studeer, waar hy 'n BA-graad behaal het.

Banowetz het reeds op vyf vastelande opgetree as orkes-solis. Sy onlangse opvoerings sluit optredes saam met die Sint Petersburg Filharmoniese Orkes (voorheen Leningrad Filharmoniese Orkes), Moskouse Staat-simfonieorkes, Praagse Radio-simfonieorkes (SOČR), Slowaakse Radio-simfonieorkes (Bratislava), Boedapest Simfonieorkes, Nieu-Seeland Simfonieorkes (op 'n nasionale toer van twaalf konserte), Sentrale Beijing Filharmoniese Orkes, Barcelona Konsertgenootskaps-orkes, en die Shanghai Simfonieorkes in, benewens verskeie opvoerings in Nieu-Delhi en Mumbai, Indië.

Grammy nominasies

Grammy Nominasies reeds ontvang
Nominasies	Genre	Kategorie	Titel	Album
50ste Jaarlikse Grammy aand(vir opnames vrygestel tussen 1 Okt, 2006 en 30 Sept, 2007) 10 Februarie 2008
Joseph Banowetz Alton Chung Ming Chan (1 van 5 genomineerdes)	Klassiek	Beste Kamermusiek Opvoering	30 Songs of the Russian People	Balakirev and Russian Folksong Toccata Classics
53ste Jaarlikse Grammy aand(vir opnames vrygestel tussen 1 Sept, 2009 en 30 Sept, 2010) 10 Februarie 2011
Joseph Banowetz Thomas Sanderling (dirigent) (1 van 5 genomineerdes)	Klassiek	Beste Instrumentale Uitvoering deur 'n Solis (met orkes)	Kletzki: Klavierconcerto in D Mineur, Opus 22	(selfde as titel) Russiese Filharmoniese Orkes Naxos

Publikasies en uitgawes

Joseph Banowetz word op internasionale vlak as skrywer en redakteur erken. Sy boek, The Pianist's Guide to Pedaling, (Indiana University Press, VSA) is tot op hede in vyf tale gedruk en word erken as die mees gesaghebbende verwysing oor die geskiedenis en kuns van pedaalwerk. Baie van sy klavieruitgawes is in Mandaryns, Koreaans en Japannees vertaal en sluit in:

1. The Pianist's Book of Early Contemporary Treasures (gepubliseer deur Neil A. Kjos)
2. Franz Liszt: An Introduction to the Composer and His Music (gepubliseer deur Neil A. Kjos)
3. Johann Sebastian Bach: An Introduction to the Composer and his Music (gepubliseer deur Neil A. Kjos)
4. Mily Balakirev: Islamy and Other Favorite Russian Piano Works (gepubliseer deur Dover Publications)
5. Leopold Godowsky: Miniatures (for Piano, Four Hands - with Alton Chung Ming Chan) (3 volumes - gepubliseer deur Alfred Music)

Hy het ook uitgawes van musiek deur Chopin, Rubinstein, Schumann, Rachmaninoff en Debussy gepubliseer.

Aktiwiteite in Sjina

Na sy eerste konserte in 1981 in Asië het Banowetz se toere in daardie deel van die wêreld 'n toenemende entoesiastiese reaksie ontlok. Na sy uitnodiging in 1984 deur die Chinese Ministerie van Kultuur het hy die eerste buitelandse kunstenaar geword wat uitgenooi is om 'n wêreldpremière van 'n kontemporêre Chinese klavierkonsert op te voer en op te neem (die Klavierconcerto, Op. 25b deur Huang An-lun). Banowetz het saam met die Tsjeggiese Radio-simfonieorkes, die Boedapest Simfonieorkes, die Hong Kong Filharmoniese Orkes en die Sentrale Sjinese Opera-orkes van Beijing opgeneem. Banowetz het die Volksrepubliek China sedert 1983 elf keer besoek om meesterklasse aan te bied. Hy was 'n solis in Sjinese orkeste soos die Hong Kong Filharmoniese Orkes, die Sentrale Beijing Filharmoniese Orkes, die Sjanghai Simfonieorkes en die Guangzhou Filharmoniese Orkes. In 1985 is Banowetz deur die Shenyang-konservatorium met die titel "Permanente besoekende professor" vereer. Sy boek oor pedaalwerk is in Mandaryns vertaal en uitgegee deur die Shanghai Music Publishing House. Die boek is geskeduleer vir 'n tweede Sjinese uitgawe.

Opnames

Joseph Banowetz het vyf en twintig CD's opgeneem vir die Naxos, Marco Polo, Toccata Classics, Warner Brothers en Altarus plate-etikette, waaronder die Grammy-genomineerde opname van Balakiref se "Dertig liedere van die Russiese volk" (met Alton Chung Ming Chan), Tsjaikofski se Klavierconcerto nr. 1, Franz Liszt se Klavierconcertos en Totentanz, die d'Albert concertos, wêreldpremière opnames van Rubinstein se volledige werke vir klavier en orkes, werke uit die solo repertorium van Bach, Busoni , Balakiref, Chopin, Debussy, Leopold Godowski, Liszt, Mendelssohn, Schumann, Rubinstein en Ronald Stevenson. Sy opnames van die Rubinstein orkes - en klavierreeks is deur 'n Fanfare tydskrifresensie as 'n uitstekende internasionale vrystelling vir 1993 benoem, en 'n soortgelyke aanhaling is in 1987 deur die Duitse Musiekkritici-vereniging gegee vir sy wêreldpremière opname van werke deur Balakiref. Onlangs het Naxos Banowetz se opnames van die volledige Liszt-transkripsies van liedere deur Robert en Clara Schumann, Chopin en F. Mendelssohn, Rubinstein se 24 Kamennoy-ostrow en beide klavierconcertos van Eugen d'Albert, opgeneem saam met die Moskou-simfonieorkes, vrygestel.

Eksterne skakels

• Amptelike Joseph Banowetz webtuiste
• Naxos kunstenaar biografie
• Kort biografie op Bach-Cantatas.com
• AllMusic gidsinskrywing
• Universiteit van Noord-Texas biografie
• North Texas Daily artikel^{[dooie skakel]} oor die Grammy nominasie
• Universiteit van Noord-Texas storie oor die Grammy nominasie

Verwysings

Algemene verwysings

• • Naam: Joseph Banowetz
  • Bron aanhaling:

• Biography Index. A cumulative index to biographical material in books and magazines, Volume 23: September 1997 – Augustus 1998, H. W. Wilson Company, New York (1998)
• International Who's Who in Music and Musicians' Directory, 10de uitgawe, Cambridge, Engeland (1984)
• David Dubal, The Art of the Piano, Its performers, Literature, and Recordings derde uitgawe (die afdeling oor pianiste begin op bl. 11), Amadeus Press, Pompton Plains, New Jersey (2004)
• Grady Maurice Hinson (1930– ), The Pianist's Dictionary, Indiana University Press, Bloomington, Indiana (2004)
• Who's Who in America, 48th edition, 1994, Marquis Who's Who, New Providence, New Jersey (1993)
• Who's Who in America, 49th edition, 1995, Marquis Who's Who, New Providence, New Jersey (1994)
• Who's Who in America, 50th edition, 1996, Marquis Who's Who, New Providence, New Jersey (1995)
• Who's Who in American Music: Classical, R.R. Bowker, New York (1983)
• Who's Who in Entertainment, Second edition, 1992-1993, Marquis Who's Who, Wilmette, Illinois (1992)
• Who's Who in Entertainment, Third edition, 1998- 1999. Marquis Who's Who, New Providence, New Jersey (1997)
• Who's Who in the World, 10th edition, 1991-1992, Marquis Who's Who, Wilmette, Illinois (1990)
• Who's Who in the World, 11th edition, 1993-1994, Marquis Who's Who, New Providence, New Jersey (1992)

Inlyn aanhalings