Junichiro Koizumi
Junichiro Koizumi (小泉 純一郎 Koizumi Jun'ichirō; gebore op 8 Januarie 1942) is 'n Japannese politikus wat van 2001 tot 2006 Eerste minister van Japan en president van die Liberale Demokratiese Party (LDP) was. Hy het in 2009 uit die politiek getree, en is steeds die sesde langsdienende Eerste minister in Japan se geskiedenis.
| Junichiro Koizumi | |
 | |
| Ampstermyn 26 April 2001 – 26 September 2006 | |
| Monarg | Akihito |
|---|---|
| Voorafgegaan deur | Yoshirō Mori |
| Opgevolg deur | Shinzo Abe |
Persoonlike besonderhede
| |
| Gebore | 8 Januarie 1942 |
| Politieke party | Liberaaldemokratiese Party |
| Eggenoot/-note | Kayoko Miyamoto |
Hy word algemeen gesien as 'n groot leier van die LDP na sy verkiesing tot die pos in 2001, en het bekend geword as 'n ekonomiese hervormer, met die klem op die vermindering van Japan se staatskuld en die privatisering van sy posdiens. In die 2005-verkiesing het Koizumi die LDP gelei om een van die grootste parlementêre meerderhede in die moderne Japanse geskiedenis te wen. Koizumi het ook internasionale aandag getrek deur sy ontplooiing van die Japannese Selfverdedigingsmag in Irak, en deur sy besoeke aan die Yasukuni-heiligdom wat die diplomatieke spanning met die naburige China en Suid-Korea aangevuur het. Koizumi het in 2006 as Eerste minister bedank.
Alhoewel Koizumi etlike jare na sy ampstermyn 'n lae profiel gehandhaaf het, het hy in 2013 weer onder nasionale aandag gekom as voorstander van die versaking van kernkrag in Japan, in die nasleep van die Fukushima-kernramp in 2011, wat gekontrasteer is met die pro-kernbeskouing deur die LDP-regerings gedurende sowel as na Koizumi se ampstermyn.
Eksterne skakels
wysig
Wikimedia Commons het meer media in die kategorie Junichiro Koizumi.
