Königsberger Klopse

Königsberger Klopse, in Duits soms ook Soß- of Kochklopse genoem, is 'n spesialiteit van die Oos-Pruisiese (en spesifiek Koningsbergse) kookkuns wat van gekookte vleisbolletjies in 'n wit sous met kappertjies berei word.

Königsberger Klopse

Königsberger Klopse word tradisioneel van gemaalde kalf- of bees- en varkvleis met gehakte southaring of sardiens, uie, geweekte witbrood, eiers en kruie berei. Die vleismengsel word in bolletjies gevorm en in gesoute water, waarby asyn of witwyn gevoeg kan word, met uie, peperkorrels, piment en lourierblare tot gaar gekook. Die kookwater word vervolgens deur 'n sif gegooi en met 'n klein hoeveelheid meelsous, room en eiergeel geroer totdat die sous bind en met suurlemoensap en kappertjies verfyn.

Königsberger Klopse word gewoonlik met gekookte aartappels of rys bedien, dikwels ook met ingemaakte rooi beet.

Volgens 'n meningspeiling van die Forsa-instituut is Königsberger Klopse met 'n bekendheidsgraad van 93 persent die bekendste van alle streekgeregte in Duitsland.[1]

Literatuur en bronne wysig

Verwysings wysig