KV51
KV51 is 'n grafkelder in die Vallei van die Konings by Thebe, naby die moderne stad Luxor in Egipte. Uitgrawings is in 1906 deur Edward R. Ayrton gedoen. Saam met KV50 en KV52 vorm dit 'n groep bekend as die "Dieregrafte". Dit bevat die mummies van drie ape, 'n bobbejaan, 'n ibis en drie eende, en hou moontlik verband met die nabygeleë grafkelder van Amenhotep II (KV35).[1]
| KV51 | ||
| Die begraafplek van diere | ||
| ||
| 'n Miniatuurmasker, waarskynlik die deksel van 'n begrafnisfles. | ||
| Ligging | Vallei van die Konings | |
| Land |  Egipte
| |
| Ontdek | Januarie 1906 | |
| Uitgrawings deur | Edward R. Ayrton | |
← Vorige KV50 Volgende →
KV52 | ||
Ligging en inhoud
wysigDie grafkelder lê naby KV49, in die syvallei wat na KV35 lei. KV51 was die tweede van 'n groep van drie grafkelders wat deur Edward R. Ayrton ontdek is in sy uitgrawings van dié deel van die vallei namens die Amerikaanse miljoenêr-sakeman Theodore M. Davis. Die ingang was onder 'n hoop afval begrawe.[2]
Die grafkelder bestaan uit 'n skag en 'n sykamer. Die kamer was "vol diere, waarvan almal aanvanklik gemummifiseer en in materiaal toegedraai was".[2] Volgens Ayrton is die mummies waarskynlik oopgedraai deur rowers op soek na juweliersware.
Nog ontdekkings was begrafnisflesse en 'n klein mensemasker wat dalk op een van die flesse gepas het. Ayrton het die datum uit die 18de Dinastie gedateer.[2]
Onlangse uitgrawings
wysigUitgrawings het in 2009-'10 weer in die gebied plaasgevind deur 'n span onder Zahi Hawass en Ahmed el-Leithy in 'n poging om KV50, KV51, KV52 en KV53 weer op te spoor. In dié uitgrawings is erdewerk, werktuie en fragmente van erdewerk uit die 18de Dinastie ontdek. Dit bevat onder meer 'n skets van 'n sittende koningin, sekstonele met vroue en diere, en cartouches van Ramses II.[3]
Verwysings
wysig- ↑ "Theban Mapping Project: KV51". Besoek op 15 April 2021.
- ↑ 2,0 2,1 2,2 Davis, Theodore M.; Maspero, Gaston; Ayrton, Edward; Daressy, George; Jones, E. Harold (1908). The Tomb of Siptah; The Monkey Tomb and the Gold Tomb. Londen: Archibald Constable and Co., Ltd. pp. 17–18. Besoek op 15 Augustus 2021.
- ↑ Spencer, Patricia (Autumn 2010). "Digging Diary 2009–10". Egyptian Archaeology (in Engels). 37: 26. Besoek op 17 September 2021.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
