Kapodistrias
Die Griekse massavragskip MV Kapodistrias van 29 185 ton het op 29 Julie 1985 in Algoabaai gestrand. Die dieselaangedrewe skip is in 1972 gebou, was voorsien van alle moderne navigasiehulpmiddels en die jongste kaarte. Onder bevel van kapt. N. Liodis het die skip die hawe van Port Elizabeth verlaat volgelaai met mangaanerts, suiker, sirkoniumsand en rutiel bestem vir Montreal. Ten spyte van goeie weersomstandighede het die skip op die oostelike kant van Thunderboltrif by Kaap Recife geloop. 'n Menslike fout is as oorsaak aangedui. Weens sterk stroming by die wrak word dit slegs deur uiters ervare duikers besoek.
Bibliografie
wysig- Turner, Malcolm: Shipwreck and salvage in South Africa – 1505 to the present. Kaapstad: Struik, 1988. ISBN 0-86977-387-9
- www.sashipwrecks.com
- www.wrecksite.eu