Kevin Olusola
Kevin Olusola (geb. 5 Oktober 1988) is ’n Amerikaanse musikant, beatboxer, rapper, albumvervaardiger, sanger en liedjieskrywer. Hy is veral bekend as die beatboxer van die sanggroep Pentatonix.[2] Nadat die groep in 2011 NBC se The Sing-Off gewen het, het hulle vyf albums die lig laat sien – almal het in die topvyf van Billboard 200 beland en Pentatonix het meer as 2 miljoen albums verkoop.[3] Met meer as 13 miljoen volgelinge en 2,4 miljard besoeke is die groep se YouTube-kanaal tans een van die gewildste musiekvideokanale.[4]
Kevin Olusola | |
|---|---|
 Olusola in 2015 in Barcelona op ’n konsert van Pentatonix. | |
| Agtergrondinligting | |
| Geboortenaam | Kevin Oluwole Olusola |
| Ook bekend as | KO, Meat (die een helfte van "Meat and Potatoes") |
| Gebore | 5 Oktober 1988 Owensboro, Kentucky, VSA[1] |
| Genres | Klassiek Pop Rock Jazz A cappella |
| Beroep(e) | Beatboxer Instrumentalis Sanger |
| Instrumente | Beatboxing Tjello Saksofoon Klavier Stem |
| Jare aktief | 2011 tot tans |
| Etikette | Madison Gate, RCA[1] |
| Assosiasies | Pentatonix, Triptyq |
Olusola beoefen ook wat as "celloboxing" beskou word (die speel van die tjello gekombineer met beatboxing).[5] Sy celloboxing-weergawe van Mark Summer se "Julie-O" het in April 2011 geweldige reaksie ontlok en gelei tot sy verbintenis met Pentatonix. Olusola het al op feeste van klassieke musiek opgetree en is deur Quincy Jones gekies om hom op die Montreux-jazzfees van 2012 te verteenwoordig op dieselfde program as Bobby McFerrin en Chick Corea.[6] Olusola praat vlot Mandaryns.[7]
Verwysings
wysig- ↑ 1,0 1,1 Copley, Rich (30 November 2011). "Owensboro native relishes victory on 'Sing Off' TV show". Lexington Herald-Leader. Besoek op 27 Maart 2014.
- ↑ "Pentatonix, amptelike webtuiste" (in Engels). Ptxofficial.com. 3 November 2013. Geargiveer vanaf die oorspronklike op 13 Mei 2020. Besoek op 8 Junie 2014.
- ↑ "Pentatonix Signed to RCA Records" (in Engels). The Hollywood Reporter. Geargiveer vanaf die oorspronklike op 15 Oktober 2019. Besoek op 13 Mei 2014.
- ↑ https://www.youtube.com/user/PTXofficial/about, URL besoek op 12 April 2017
- ↑ Tsioulcas, Anastasia (3 Desember 2012). "Bach, Beatboxed : Deceptive Cadence" (in Engels). NPR. Geargiveer vanaf die oorspronklike op 30 April 2015. Besoek op 8 Junie 2014.
- ↑ Nebehay, Stephanie (2 Julie 2012). "Quincy Jones brings jazz prodigies to Montreux stage" (in Engels). Reuters. Geargiveer vanaf die oorspronklike op 24 September 2015. Besoek op 8 Junie 2014.
- ↑ "Spotlight" (in Engels). Chinafrica.cn. 3 Januarie 2011. Geargiveer vanaf die oorspronklike op 23 September 2015. Besoek op 8 Junie 2014.