Kobalt-60

Kobalt-60 (Chemiese notasie: ⁶⁰Co) is 'n kunsmatig vervaardigde radioaktiewe isotoop van kobalt en is 'n belangrike radioaktiewe spoorder en middel vir die behandeling van kanker.

Eienskappe

Algemeen
Naam	Kobalt-60
Protone	27
Neutrone	33
Kernspin	5+
Massa-oorskot	-61649,0 keV
Status
Status	radioaktief
Halfleeftyd	5,2713 j
Vervalvorm	β-
Kernisomere
Status	isomeer
Naam	Kobalt-60m
Halfleeftyd	10,467 m
Vervalvorm	γ, inwendige omskakeling
Kernspin	2+
Massa-oorskot	-61590,4 keV
Navigasie
5927Co 6028Ni $\nwarrow$$\uparrow$$\nearrow$ $\leftarrow$6027Co$\rightarrow$ $\swarrow$$\downarrow$$\searrow$ 6026Fe
Lys van isotope
Portaal Chemie
Portaal Fisika

Die verval van die nuklied

Verval

Kobalt-60 het 'n halfleeftyd van 5,27 jaar en verval deur middel van negatiewe beta-verval. In hierdie proses van verval straal kobalt-60 een elektron met 'n energie van tot 315 keV uit en vorm 'n opgewekte toestand van die stabiele isotoop nikkel-60^m (^60mNi). Hierdie kernisomeer van nikkel verval dan met twee gammastrale met energieë van onderskeidelik 1,17 en 1,33 MeV na die stabiele nikkelkern, nikkel-60 (⁶⁰Ni)

Kobalt-60 het self ook 'n kernisomeer, Kobalt-60^m

Vorming

Kobalt-60 kan deur vangs van 'n neutron deur die stabiele isotoop kobalt-59 gevorm word. Dit is ook 'n dogterisotoop van yster-60 wat deur supernovas gevorm word.

Aanwendings

Kobalt-60 word in die industrie dikwels gebruik as stralingsbron om diktes van metale te meet of die binnekant van lasse te bekyk. 'n Ander aanwending is in die radioterapie van byv. kankerpasiënte. Hulle word opsetlik aan straling blootgestel, maar dit word versigtig gedoseer. In die industriële toepassing word blootstelling so veel moontlik vermy. Ongelukke waarby werkers tog blootgestel is, het egter gebeur, soms met dodelike gevolge.