Koningin Elizabeth-brug

Die Koningin Elizabeth-brug is ‘n brug oor die spoorlyn in die middestad van Johannesburg.

Sauerstraat (M27) en Simmondsstraat sluit aan die suidekant van die brug bymekaar aan, gaan dan saam oor die brug by 26° 11′ 51.36″ suid en 28° 2′ 15″ oos en sluit dan aan by Berthastraat (die noordelike verlenging van die Nelson Mandelabrug) wat na Braamfontein lei. Die brug is 200 m lank en het twee rybane in elke rigting. Verkeer noordwaarts kom uit Sauerstraat en verkeer suidwaarts gaan met Simmondsstraat.

Tot in die vroeë 1950’s was in die middestad van Johannesburg geen padbrûe oor die spoorlyn wes van die stasie nie. Toegang tot die noordelike stadsgebied was met ‘n duikweg by Braamfontein. Die aanleg van die Van Riebeeckbrug en die Johann Rissikbrug en veral die koningin Elizabethbrug in 1955 het die duikweg vervang.

Verskeie ander brûe in die wêreld is ook na koningin Elizabeth II vernoem:

• Koningin Elizabethbrug, wes van Windsor in Engeland
• Koningin Elizabeth II-brug, Belfast, Ierland
• Koningin Elizabeth II-brug, Newcastle-upon-Tyne, Engeland
• Koningin Elizabeth II-brug, Britse Maagde-eilande