Kraaifonteinspinnekopbos
Die Kraaifonteinspinnekopbos (Serruria furcellata) is 'n blomdraende struik wat tot die genus Serruria behoort en deel van die fynbos vorm. Die spesie is endemies aan die Wes-Kaap, dit het altyd voorgekom by Brackenfell, Kraaifontein en Kuilsrivier. Die struik is regop en word slegs 50 cm hoog en dra blomme van Augustus tot Oktober.
| Kraaifonteinspinnekopbos | |
|---|---|
.jpg)
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Serruria |
| Spesie: | S. furcellata
|
| Binomiale naam | |
| Serruria furcellata R.Br., (1810)
| |
| Sinonieme | |
| |
Na 'n brand kan die plant se wortels weer uitspruit. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van insekte. Die plant groei in sanderige grond op hoogtes van 90 - 390 m.
In Engels staan dit as die Kraaifontein spiderhead bekend.
Status
wysigHierdie plant is voorheen al as uitgestorwe beskou. In 1985 het dit slegs by twee plekke voorgekom, naby Kraaifontein en digby Bottelary Heuwels, waar in 1979 drie plante geïdentifiseer is. Ná 1985 was daar egter geen teken van die plante by die twee plekke nie en daar is aanvaar dat die spesies uitgesterf het.[1] In 2004 is twee plante egter by North Pine ontdek, maar een is gou deur die munisipaliteit se bossnyprogram vernietig.
Kaapstad se Omgewingshulpbron-bestuursafdeling het egter die Bracken-ashoop ontwikkel in 'n natuurreservaat van 36 hektaar waar inheemse plante bewaar word.[2] Hulle het dan ook die Kraaifonteinspinnekopbos hier aangeplant ná werk van Barrie Louw van die Universiteit van die Wes-Kaap wat die eerste persoon was wat die Kraaifonteinspinnekopbos suksesvol in 'n tuin kon kweek.[3] Daar is ook pogings aangewend om die plant by North Pine aan te plant, maar sonder sukses. Die spesie bestaan ook in Kirstenbosch se tuine nadat sade aldaar geplant is.
Galery
wysig
Bronnelys
wysigVerwysings
wysig- ↑ https://www.capetownbotanist.com/one-lonely-bringing-serruria-furcellata-back-brink-extinction-cape-flats/
- ↑ "argiefkopie". Geargiveer vanaf die oorspronklike op 16 Mei 2020. Besoek op 6 Mei 2020.
- ↑ https://www.capetownbotanist.com/one-lonely-bringing-serruria-furcellata-back-brink-extinction-cape-flats/
Eksterne skakels
wysig
Wikimedia Commons het meer media in die kategorie Kraaifonteinspinnekopbos.
