Hortensia
Die hortensia of krismisroos is ’n spesie van blomplant in die Hydrangea genus en is inheems aan China en Japan. Sy wetenskaplike naam is Hydrangea macrophylla. Die term macrophylla beteken "met groot of lang blare".[1]
| Hortensia | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | H. macrophylla
|
| Binomiale naam | |
| Hydrangea macrophylla (Thunb.) Ser. 1830
| |
Eienskappe
wysig
Dit is ’n bladwisselende struik wat tot 2 meter hoog en 2,5 meter breed word, met groot trosse pienk of blou blomme in die somer en herfs.[2]
Die bloeiwyse van die plant is ’n stingeltros, met al die blomme in ’n vlak of halfsirkel of selfs ’n hele sfeer. Twee soorte blomme word onderskei: sentrale, nie-ornamentele, vrugbare blomme en ornamentele randblomme wat gewoonlik as "steriel" beskryf word. ’n Studie van verskeie kultivars het egter getoon al die blomme is vrugbaar.
Kleure en suurinhoud
wysigDie hortensia se blomme kan blou, rooi, pink, ligpers of donkerpers wees. Die kleur word bepaal deur die pH van die grond.[3][4] Suur grond (pH onder 7) sal ’n kleur nader aan blou tot gevolg hê, terwyl alkaliese grond (pH bo 7) sal lei tot pienk blomme. Om blou blomme te kry kan aluin (aluminiumsulfaat) by die water gegooi word.[5]
Sinonieme
wysig
|
|
Galery
wysigTalle kultivars word aangetref. Van hulle is:
-
H. m. 'Taube' -
H. m. 'Nikko Blue' -
H. m. 'Gakuajisai' -
H. m. 'Tokyo Delight' -
H. m. 'Red Ace' -
H. m. 'Pia' -
H. m. 'Beauté Vendomoise' -
H. m. 'Bunspecht' -
H. m.'Geoffrey Chadbund' -
H. m. 'Harlequin' -
H. m. 'La Marne' -
H. m. 'Mariesii' -
H. m. 'Merveille' -
H. m. 'Satinette' -
H. m. 'Zaunkoenig'
Verwysings
wysig- ↑ Harrison, Lorraine (2012). RHS Latin for gardeners. United Kingdom: Mitchell Beazley. p. 224. ISBN 978-1-84533-731-5.
- ↑ RHS A-Z encyclopedia of garden plants. United Kingdom: Dorling Kindersley. 2008. p. 1136. ISBN 1-4053-3296-4.
- ↑ Universiteit van Georgia: Growing Bigleaf Hydrangea
- ↑ USDA: Hydrangea Questions and Answers
- ↑ Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
Eksterne skakels
wysig- "Splendor in the Grass" Geargiveer 17 Desember 2012 op Wayback Machine
- "Hydrangeas – Their Pruning and Care" (Heronswood-kwekery)
- http://www.hydrangeashydrangeas.com/mopheads.html "All About Hydrangeas: Information on Hydrangea macrophylla"
Wikimedia Commons het meer media in die kategorie Hortensia.
Wikispecies het meer inligting verwant aan Hortensia
Hierdie artikel is vertaal uit die Engelse Wikipedia
