Lana J. Marks (gebore 18 November 1953) is 'n VSA-gebaseerde mode-ontwerper wat die gelyknamige modemerk Lana Marks gestig het. Sy is die voormalige Amerikaanse ambassadeur in Suid-Afrika. Sy het op 28 Januarie 2020 haar diplomatieke geloofsbriewe aan die Suid-Afrikaanse regering voorgelê.

Lana Marks
Lana Marks
Amptelike foto van Marks

Amerikaanse ambassadeur in Suid-Afrika
Ampstermyn
28 Januarie 2020 – 20 Januarie 2021
President Donald Trump
Voorafgegaan deur Patrick Gaspard
Opgevolg deur John Groarke (Chargé d’Affaires ad interim)

Persoonlike besonderhede
Gebore 18 November 1953 (1953-11-18) (70 jaar oud)
Oos-Londen, Suid-Afrika
Nasionaliteit Vlag van Verenigde State van Amerika Verenigde State
Vlag van Suid-Afrika Suid-Afrika
Politieke party Republikein
Kind(ers) Neville Marks

Vroeë lewe en opvoeding wysig

Lana Bank is in Oos-Londen, Suid-Afrika gebore. Haar pa, Alec Bank, het as kind uit Litaue geëmigreer. Hy was 'n welgestelde eiendomsontwikkelaar en 'n leier in die Joodse gemeenskap. Sy was 'n leerder aan Clarendon High School for Girls in Oos-Londen en praat vlot Xhosa en Afrikaans.[1]

Marks is 'n ywerige tennisspeler wat al vir Bermuda gespeel het, en in 1985 'n bronsmedalje vir die Verenigde State op die Makkabiese Spele gewen het, in die Suid-Afrikaanse Ope gespeel het, en ook die kwalifiserende ronde van die Franse Ope gehaal het.[1][2]

Loopbaan wysig

Marks was die uitvoerende hoof en ontwerper van Lana Marks, 'n handelsmerk vir mode-bykomstighede wat spesialiseer in eksotiese klere en bekend is vir die vervaardiging van die wêreld se duurste handsakke.[3][4][5] Toe Helen Mirren in 2007 'n Oscar-toekenning verower, dra sy een van Marks se handsakke na die verhoog om haar toekenning te ontvang. Marks se dogter bestuur tans die handelsmerk.[6]

Marks het in die Women's Leadership Board by die John F. Kennedy School of Government gedien. Sy is ook gekies om aan die "Women and Power: Leadership in the New World" -byeenkoms deel te neem.[7] Marks het aan die Georgetown Universiteit se lesingsreeks deelgeneem waar sy MBA studente toegespreek het.

Die Lana Marks-onderneming het winkels in Palm Beach, New York, Beverly Hills en Doebai.

Ambassadeur in Suid-Afrika wysig

 
Marks lag saam die burgemeester van Kaapstad Dan Plato

Haar aanstelling in die pos is van 'n bron in die departement van internasionale betrekkinge en samewerking, Suid-Afrika se departement van buitelandse sake, uitgelek.[8] Op 14 November 2018 benoem president Donald Trump haar as die Amerikaanse ambassadeur in Suid-Afrika. Sy is op 26 September 2019 eenparig deur die Senaat bevestig. Sy is op 4 Oktober 2019 in die ampseed ingehuldig en het op 9 November 2019 haar pos opgeneem. Marks het op 28 Januarie 2020 haar diplomatieke geloofsbriewe aan president Cyril Ramaphosa voorgelê.[9]

Sy het op 20 Januarie 2021 uit die pos bedank omdat Joe Biden as die nuwe Amerikaanse president ingehuldig is.[10]

Persoonlike lewe wysig

Marks is sedert 1976 met dr Neville Marks, 'n praktiserende psigiater verbonde aan die JFK Mediese Sentrum, getroud.[11] Marks en haar man het in Bermuda gewoon voordat hulle in 1987 na Florida verhuis het. Die egpaar het twee kinders.[12]

Verwysings wysig

  1. 1,0 1,1 Gaouette, Nicole; Landers, Elizabeth (4 November 2018). "Trump picks handbag designer, Mar-a-Lago member to be envoy to South Africa". CNN (in Engels). Besoek op 16 November 2018.
  2. Sommer, Allison Kaplan (22 November 2018). "The Long, Strange Journey of Lana Marks, Trump's Pick for South African Ambassador" – via Haaretz.
  3. Puri, Madhu (3 Desember 2006). "Now Gifting - Bespoke Bags". Besoek op 4 April 2018 – via NYTimes.com.
  4. Prabhakar, Hitha. "World's Most Extravagant Handbags". forbes.com. Besoek op 4 April 2018.
  5. Burt, Sharelle (15 November 2018). "Trump Nominates Handbag Designer As Ambassador To South Africa". Travel Noire. Geargiveer vanaf die oorspronklike op 16 November 2018. Besoek op 16 November 2018.
  6. Donnelly, Shannon. "Call her 'Madame Ambassador'". Palm Beach Daily News.
  7. "Ambassador Lana Marks". U.S. Embassy & Consulates in South Africa (in Engels (VSA)). Geargiveer vanaf die oorspronklike op 28 Mei 2020. Besoek op 30 Mei 2020.
  8. Washington, Jason Burke Sabrina Siddiqui in (2 Oktober 2018). "Trump reportedly picks handbag designer as ambassador to South Africa" – via www.theguardian.com.
  9. [1], Lana Marks Returns to South Africa as US Ambassador.
  10. (en) US envoy to SA: Amid change, an enduring partnership will remain.
  11. "Dr. Neville MarksMD".
  12. Durkin, Tish (3 Februarie 2019). "Talking With Lana Marks, Who's Ready to Ditch Palm Beach for Pretoria". Intelligencer.

Eksterne skakels wysig