Landtag

Landtag (Duits) (Nederlands: Landdag) is 'n term waarmee die parlemente van die deelstate (Länder) van die Bondsrepubliek Duitsland aangedui word. Die benaming Landtag word deur 13 van die 16 deelstate gebruik. 'n Uitsondering is die drie stadstate: in Berlyn dra die parlement die naam Abgeordnetenhaus, in Hamburg en Bremen word die naam Bürgerschaft gebruik.

Artikel 28 van die Grondwet van die Bondsrepubliek Duitsland skryf voor dat iedere deelstaat moet sorg vir volksverteenwoordigers wat verkies word by wyse van algemene, direkte, vrye, gelyke en geheime verkiesings. Die Landtage in Duitsland word om die vyf jaar verkies, met die uitsondering van die Bürgerschaft van Bremen, waar die verkiesing elke vier jaar gehou word. Die hooftake van die Landtage is beheer van en oorsig oor die deelstaatregering, om wetgewing te bepaal en om die begroting van die deelstaat goed te keur.

Oorsig

Deelstaat	Parlement	Parlementsetel	Aantal setels
Baden-Württemberg	Landtag van Baden-Württemberg	Haus des Landtags, Stuttgart	143
Beiere	Beierse Landtag	Maximilianeum, München	205
Berlyn	Huis van Afgevaardigdes van Berlyn	Pruisiese Landtag, Berlyn	160
Brandenburg	Landtag van Brandenburg	Potsdamer Stadtschloss, Potsdam	88
Bremen	Bremische Bürgerschaft (Bremense Bürgerschaft)	Haus der Bürgerschaft, Bremen	84
Hamburg	Hamburgische Bürgerschaft (Hamburgse Bürgerschaft)	Hamburger Rathaus, Hamburg	121
Hessen	Hessische Landtag	Stadtschloss Wiesbaden, Wiesbaden	137
Mecklenburg-Voorpommere	Landtag van Mecklenburg-Voorpommere	Paleis van Schwerin, Schwerin	71
Nedersakse	Landtag van Nedersakse	Leineschloss, Hannover	137
Noordryn-Wesfale	Landtag van Noordryn-Wesfale	Landtagsgebäude, Düsseldorf	199
Rynland-Palts	Landtag van Rynland-Palts	Deutschhaus, Mainz	101
Saarland	Landtag van Saarland	Landtagsgebäude, Saarbrücken	51
Sakse	Saksische Landtag	Landtagsgebäude, Dresden	119
Sakse-Anhalt	Landtag van Sakse-Anhalt	Landtagsgebäude, Maagdenburg	87
Sleeswyk-Holstein	Landtag van Sleeswyk-Holstein	Landeshaus, Kiel	73
Thüringen	Thüringense Landtag	Landtagsgebäude, Erfurt	90