Sakse-Anhalt

Sachsen-Anhalt
Sassen-Anhalt
Sakse-Anhalt
Landsvlag	Landswapen

(Besonderhede)	(Besonderhede)
Basiese gegewens
Ampstaal:	Duits; in die noorde ook Nederduits as omgangstaal
Hoofstad:	Maagdeburg
Stigting:	3 Oktober 1990
Oppervlakte:	20 451,58 km² (8ste)
Bevolking:	2 232 302 (11de) (31 Augustus 2015)^[1]
Bevolkingsdigtheid:	109 inwoners / km² (14de)
Volkslied (Landeshymne):	geen
Skuldlas per inwoner:	10 562 € (31 Desember 2013)
Totale skuldlas:	23,578 miljard € (31 Desember 2013)^[2]
Werkloosheidsyfer:	9,6% (Mei 2016)^[3]
ISO 3166-2:	`DE-ST`
Amptelike webwerf:	www.sachsen-anhalt.de
Politiek
Eerste minister:	Reiner Haseloff (CDU)
Regerende partye:	CDU, SPD en Grüne
Setels in die parlement (Landtag) (87 setels) (2011: 97 setels):	CDU 30 (2011: 41) AfD 25 (-) Die Linke 16 (29) SPD 11 (26) Grüne 5 (9)
Laaste verkiesing:	13 Maart 2016
Volgende verkiesing:	2021
Parlementêre verteenwoordiging
Stemme in die Federale Raad (Bundesrat):	4 (van 69)
Kaart

Sakse-Anhalt (Duits: Sachsen-Anhalt [ˈzaːksn̩ˈʔanhaltʰ], Nederduits: Sassen-Anhalt) is 'n deelstaat van die Bondsrepubliek Duitsland. Die administratiewe hoofstad en grootste stad is Maagdeburg met 'n bevolking van 232 306 in 2014. Sakse-Anhalt grens aan die deelstate Nedersakse, Brandenburg, Sakse en Thüringen.

Kaart van Sakse-Anhalt

Die deelstaat het in sy huidige vorm 'n baie kort tradisie aangesien dit net in die tydperk tussen 1947 en 1952 as 'n deelstaat van die deur Sowjet-Rusland besette Oos-Duitsland en latere Duitse Demokratiese Republiek bestaan het. As gevolg van 'n administratiewe hervorming is die deelstaat in 1952 ontbind en in twee distrikte, Halle en Maagdenburg, verdeel. Met die Duitse hereniging op 3 Oktober 1990 is Sakse-Anhalt as een van vyf nuwe oostelike deelstate herstig.

Die gebied aan die Harz-bergreeks, die middelloop van die Elberivier en die benedeloop van die Saale pronk nogtans met 'n ryk historiese en kulturele erfenis wat tot die vroegste periode van die Duitse ryksgeskiedenis teruggevoer kan word. Belangrike historiese gebeurtenisse, persoonlikhede en prosesse het hulle oorsprong in hierdie gebied gehad en dikwels ver buite sy grense uitgestraal soos byvoorbeeld die Reformasie. Martin Luther en Philipp Melanchthon, wat albei as professore by die Universiteit van Wittenberg werksaam was, het met hul reformatoriese werk die Duitse geloofswêreld blywend verander.

Daarnaas weerspieël ook Sakse-Anhalt se argitektoniese erfenis met kastele, slotte, katedrale en kerke langs die sogenaamde Romaanse Roete (Duits: Straße der Romanik) die geskiedenis van die gebied.

PolitiekWysig

Die Ministerpresidente sedert 1947:

1947–1949: Erhard Hübener (LDPD)
1949–1952: Werner Bruschke (SED)
1990–1991: Gerd Gies (CDU)
1991–1993: Werner Münch (CDU)
1993–1994: Christoph Bergner (CDU)
1994–2002: Reinhard Höppner (SPD)
2002–2011: Wolfgang Böhmer (CDU)
sedert 2011: Reiner Haseloff (CDU)

VerwysingsWysig

Eksterne skakelsWysig

Wikimedia Commons het meer media in die kategorie Sakse-Anhalt.
(de) Amptelike webwerf

Deelstate van Duitsland
Baden-Württemberg \| Beiere \| Berlyn \| Brandenburg \| Bremen \| Hamburg \| Hesse \| Mecklenburg-Voorpommere \| Nedersakse \| Noordryn-Wesfale \| Rynland-Palts \| Saarland \| Sakse \| Sakse-Anhalt \| Sleeswyk-Holstein \| Thüringen Voormalige deelstate Baden \| Wes-Berlyn (de facto) \| Württemberg-Baden \| Württemberg-Hohenzollern

[1] (de) www.stala.sachsen-anhalt.de: Monatsheft

[2] (de) destatis.de: Statistisches Bundesamt - Angaben zu den Schulden der Länder

[3] (de) statistik.arbeitsagentur.de: Arbeitslosenquoten im Mai 2016 – Länder und Kreise

[1]

[2]

[3]