Leading lady

Leading Lady is 'n Suid-Afrikaanse rolprent wat op 28 November 2014 in Suid-Afrika vrygestel is. Die film word ook in die VSA versprei en sal daar in teaters vertoon word. Dit is in Londen, die Oos-Vrystaat, Heidelberg en Johannesburg verfilm.

Leading Lady
Regisseur	Henk Pretorius
Draaiboek	Henk Pretorius Tina Kruger
Met	Bok van Blerk Brümilda van Rensburg Katie McGrath
Musiek deur	Benjamin Willem
Kinematografie	Trevor Calverley
Redigeerder	Warwick Allan
Ateljee	Dark Matter Studios
Verspreider	Ster Kinekor
Uitgereik	28 November 2014
Speeltyd	96 min.
Land	Suid-Afrika
Taal	Engels
IMDb-profiel

Leading Lady het in die eerste naweek meer as R1,368 miljoen by die loket verdien. Dit is meer as wat die romantiese komedie, Semi-soet met sy openingsnwaweek ingebring het (R1,3 miljoen).

Genre

Die rolprent is ’n romantiese komedie. Dit het geen ouderdomsperk nie, maar ouerleiding word aanbeveel.

Hoorrolspelers

• Katie McGrath as Jodi Rutherford
• Bok van Blerk as Kobus Willemse
• Gil Bellows as Daniel Taylor
• Brümilda van Rensburg as Magdaleen Willemse
• André Stolz as Japie van der Merwe
• Eduan van Jaarsveldt as Johan Willemse
• Craig Palm as Petrus Engelbreght
• Mary Twala as Sarah Novuka

Asook andere.

Storielyn

Leading Lady vertel die verhaal van ’n jong opkomende Britse aktrise, Jodi Rutherford, wat Kobus Willemse, ’n Suid-Afrikaanse boer van Brandfort, oorreed om haar te help om voor te berei vir die uitdagende rol as ’n Afrikaanse oorlogsheldin in 'n Hollywoodse rolprent. In ruil daarvoor kry sy die geleentheid om die jaarlikse konsert op Willemse se plaas te reël en die regie te behartig.

Eksterne skakels

• Lokprent op YouTube