Persblaartolbos

plant spesie

Die Persblaartolbos (Leucadendron pubibracteolatum) is 'n blomdraende struik wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap en Oos-Kaap waar dit voorkom in die Outeniekwaberge, Kougaberge en Baviaanskloofberge vanaf George tot by Joubertina, Scholtzberg, Swartberg en die Kammanassieberge.

Persblaartolbos
Wetenskaplike klassifikasie
Koninkryk:
(geen rang):
(geen rang):
Orde:
Familie:
Genus:
Spesie:
L. pubibracteolatum
Binomiale naam
Leucadendron pubibracteolatum
I.Williams, 1972

Die struik word 1,3 m hoog en blom van Julie tot Augustus. Die plant gaan dood na 'n brand maar die sade oorleef. Die sade word geberg in 'n tol op die vroulike plant en val na twee maande uit die tol grond toe waar dit deur knaagdiere versprei word. Die plant is eenslagtig en daar is afsonderlike plante met manlike- en vroulike blomme, wat deur klein kewers bestuif word. Die plant groei hoofsaaklik in klipperige, sanderige grond op 300 - 1 000 m.

In Engels staan dit as die Purple-leaf Conebush bekend.

Bronne wysig

Eksterne skakels wysig