Levantynse See
BassinLevantin.svg
Ligging van die Levantynse See
Levantine Sea.jpg
Kaart van die Levantynse See
Koördinate:34°N 34°O / 34°N 34°O / 34; 34Koördinate: 34°N 34°O / 34°N 34°O / 34; 34
Ligging:Egipte, Griekeland, Israel, Libanon, Palestina, Siprus, Sirië, Turkye
Soort:See van die Middellandse See
Oppervlakte:320 000 km² (120 000 myl²)
Maksimum diepte:4 384 m (14 383 vt)
Invloei:Nylrivier
Eiland/e:Siprus
Nedersettings:Alexandrië, Beiroet, Gasa, Tel Aviv

Die Levantynse See is 'n see van die Middellandse See tussen Anatolië in die noorde, Wes-Asië in die ooste en Noord-Afrika in die suide. Die see grens in die noordweste aan Griekeland, in die noorde aan Turkye, in die weste aan Sirië, Libanon, Israel en Palestina, asook in die suide aan Egipte. In die noordweste sluit die Egeïese See en in die suidweste die Libiese See aan. In die Levantynse See is die eiland Siprus geleë. Die see is genoem ná die gebied Levant langs die ooskus. Van die belangrikste hawestede rondom die Levantynse See sluit in Alexandrië in Egipte, Beiroet in Libanon, Gasa in Palestina en Tel Aviv in Israel. Die belangrikste rivier wat in die see uitmond is die Nylrivier. Sedert 1869 word die Levantynse See deur die Suezkanaal met die Rooisee verbind.

Afbakening van die Levantynse bekken

Die Levantynse See is al sedert antieke tye 'n belangrike handelsgebied en van die eerste handelsmagte was die Fenisiërs, wat rondom die see, maar ook orals in die Middellandse See handel gedryf het. Gedurende die Oudheid is die gebied tussen die Karpatiese See en die Egiptiese kus Mare Aegyptum (Egiptiese See) genoem.[1] Die gebied langs die ou Fenisië of die huidige lande Sirië, Libanon, Israel en Palestina is Fenisiese See[2] of in Latyn Mare Phoenicium genoem.[3]

VerwysingsWysig

Eksterne skakelsWysig