Lexington-klas vliegdekskip

Vliegdekskip-klas

Die Lexington-klas vliegdekskepe was twee vliegdekskepe wat gebou is vir die Amerikaanse Vloot gedurende die 1920's: die USS Lexington (CV-2) en die USS Saratoga (CV-3). Die skepe is gebou op Lexington-klas kruisers se rompe; die twee skepe was oorspronklik beplan as kruisers na die Eerste Wêreldoorlog maar as gevolg van die beperkings van die Vlootverdrag van Washington van 1922 was alle Amerikaanse slagskip en kruiser konstruksie gekanselleer. Die Verdrag het egter toegelaat dat twee onvoltooide skepe na vliegdekskepe omgeskakel kan word. Tegnies was hulle die eerste vliegdekskepe van die Vloot, die USS Langley (CV-1) was tegnies 'n eksperimentele skip[1]en gebruik om vliegdekskip vliegtuig taktiek en prosedures te ontwikkel voor die Tweede Wêreldoorlog in 'n reeks van jaarlikse oefeninge.

Die USS Lexington voor die Tweede Wêreldoorlog

Die twee skepe was suksesvol as vliegdekskepe en die ondervinding opgedoen met die Lexington-klas het die Vloot oortuig van die waarde van groot vliegdekskepe. Hulle was die grootste vliegdekskepe in die vloot totdat die Midway-klas vliegdekskepe voltooi is vanaf 1945. Die twee skepe het diens in die Tweede Wêreldoorlog gedoen en aan verskeie seeslagte en offensiewe deelgeneem. Die Lexington was gekelder in die eerste vliegdekskip aksie van die oorlog tydens die Slag van die Koraalsee in 1942 en die Saratoga het die oorlog oorleef, ten spyte van die feit dat dit twee keer deur torpedo's getref is. Tydens die Slag van Guadalcanal met die Slag van die Oostelike Solomon-eilande in Augustus 1942 het die Saratoga die Japannese ligte vliegdekskip die Ryujo gekelder. Dit het ook die Geallieerde Magte in die Indiese Oseaan en suidwestelike Stille Oseaan gebied bedien totdat dit 'n opleidingskip aan die einde van 1944 geword het. Dit het daarna teruggekeer om die Amerikaanse magte te beskerm tydens die Slag van Iwo Jima, vroeg in 1945 maar is ernstig deur kamikaze-vlieëniers beskadig. Die aanhoudende groei in die grootte en massa van vliegdekskip vliegtuie het tot gevolg gehad dat die skip verouderd teen die einde van die oorlog was. In die middel van 1946 is die skip gesink tydens 'n kernkrag toets as deel van Operasie Crossroads.

Verwysings wysig

  1. Friedman, p. 37