USS Saratoga (CV-3)

Amerikaanse vliegdekskip

Die USS Saratoga (CV-3) was 'n Lexington-klas vliegdekskip en gebou vir die Amerikaanse Vloot gedurende die 1920's. Die Saratoga was aanvanklik ontwerp as 'n kruiser maar is omgeskakel na 'n vliegdekskip as hul derde na die USS Lexington (CV-2). Die omskakeling was as gevolg van die beperkings van die Vlootverdrag van Washington wat die konstruksie van nuwe kruisers en slagskepe verbied het. Die skip is diens gestel in 1928 en het diens gedoen as deel van die Stille Oseaan-vloot vir sy hele loopbaan. Die Saratoga en sy susterskip die USS Lexington (CV-2) was gebruik om vliegdekskip taktiek te ontwikkel en verfyn. Dit is gedoen in 'n reeks jaarlike oefeninge voor die Tweede Wêreldoorlog. Daar was meer as eenkeer tydens oefeninge suksesvolle aanvalle op Pearl Harbor, Hawaii gedoen. Die Saratoga is een van drie vooroorlogse vliegdekskepe, tesame met die USS Enterprise (CV-6) en die USS Ranger (CV-4), wat die Tweede Wêreldoorlog oorleef het.

Saratoga in 1942

Kort na die aanval op Pearl Harbor was die Saratoga die middelpunt van 'n mag wat misluk het in 'n poging om die beleërde mag op Wake-eiland te help en is 'n paar weke later deur 'n Japannese duikboot getref met 'n torpedo. Na herstelwerk, wat lank geduur het, het dit die magte tydens die Slag van Guadalcanal ondersteun en sy vliegtuie het die ligte Japannese vliegdekskip Ryujo gekelder tydens die Slag van die Oostelike Solomon-eilande in Augustus 1942. Gedurende September is die Saratoga weer deur 'n torpedo getref en nadat herstelwerk afgehandel is, het die skip na die Solomon-eilande teruggekeer.

In 1943 het die Saratoga die Geallieerde Magte tydens die New Georgia Offensief, wat deel was van Operasie Cartwheel, en die Inval van Bougainville in die noordelike Solomon-eilande bygestaan. Sy vliegtuie het die Japannese basis te Rabaul twee keer aangeval in November. Vroeg in 1944 het die Saratoga se vliegtuie ondersteuning verskaf gedurende die Gilbert- en Marshalleilande offensief. Daarna is die skip na die Indiese Oseaan gestuur waar sy vir 'n paar maande die Britse Oostelike vloot bygestaan het tydens aanvalle in Java en Sumatra. Na 'n kort opknapping sessie in die middel van 1944 het die Saratoga 'n opleiding skip geword vir die res van die jaar.

Vroeg in 1945 het die Saratoga deelgeneem aan die Slag van Iwo Jima as 'n toegewysde nagvegter vliegdekskip. Na 'n paar dae in die slag, is die skip ernstig beskadig deur kamikaze-vlieëniers en is geforseer om na Amerika terug te keer vir herstelwerk. Terwyl dit herstel was, was die skip permanent verander as 'n opleiding skip omrede dit as verouder beskou was; die loodsdek is verander na klaskamers. Die Saratoga was in die rol gebruik vir die res van die oorlog en het nadat Japan oorgegee het, troepe teruggeneem na Amerika as deel van Operasie Magic Carpet.

In die middel van 1956 was die skip gebruik as 'n teiken gedurende kernkrag toetse gedurende Operasie Crossroads. Die skip het die eerste toets oorleef met geringe skade maar die het gesink tydens die tweede toets.

VerwysingsWysig