Leyton is 'n buurt in die Londense administratiewe distrik Waltham Forest. Dit is 10 km (6,2 myl) noordoos van Charing Cross geleë en grens aan Walthamstow en Leytonstone; Stratford in Newham; en Homerton en Lower Clapton in Hackney.

Leyton
Wyk
Stadsaal en Biblioteek
Stadsaal en Biblioteek
Leyton is in Groter Londen
Leyton
Leyton
Koördinate: 51°33′38″N 0°00′56″W / 51.56056°N 0.01556°W / 51.56056; -0.01556
LandVlag van Verenigde Koninkryk Verenigde Koninkryk
LandFlag of England.svg Engeland
GraafskapGroter Londen
TydsoneUTC±00:00 (MGT)
 • SomertydUTC+01:00 (BST)
Poskode
E10, E15
Skakelkodes020
Kleurryke huisfasades in High Road, Leyton
Victoriaanse terrashuise in Dunedin Road, Leyton

'n Deel van die Queen Elizabeth Olympic Park, waar wedstryde van die Olimpiese Somerspele 2012 gehou is, is in Leyton geleë, net soos die Velopark-stadion wat vir Olimpiese fietsry-items aangewend is en waar die UCI BMX Supercross World Cup ook al vantevore aangebied is, en Leyton Orient Football Club, alhoewel die gebied oorwegend residensieel is. Dit bestaan hoofsaaklik uit Victoriaanse en Edwardiaanse terrashuise wat tussen 1870 en 1910 ontstaan het, met enkele moderne behuisingsprojekte daartussen.

Die tradisionele vrugte- en groentemark Spitalfields Market, wat deur die City of London bestuur word, is in 1991 na Leyton verskuif waar dit bekendstaan as New Spitalfields Market. Vroeg in 2019 het die Court of Common Council, die City of London Corporation se hoof besluitnemende liggaam, planne bekendgemaak waarvolgens die mark saam met die Billingsgate-vismark en Smithfield-mark na 'n nuwe terrein in Barking Reach in die ooste van Londen verskuif sal word.