Queen Elizabeth Olympic Park

Die Queen Elizabeth Olympic Park-kompleks was die hoofligging van die Olimpiese Somerspele in 2012 en die daaropvolgende Paralimpiese Somerspele in 2012. Die kompleks lê in Stratford, Londen, in die Verenigde Koninkryk. Binne die kompleks kan die Olimpiese Stadion, ses ander fasiliteite, die Orbit-uitkyktoring en die Olimpiese dorp gevind word.

Queen Elizabeth Olympic Park
Distrik
Lugfoto van Olympic Park, 16 April 2012.
Kaart van Olympic Park.
Queen Elizabeth Olympic Park Kaart van Olympic Park.
Koördinate: 51°32′46″N 0°00′47″W
Land	Verenigde Koninkryk
Land	Engeland
Graafskap	Groter Londen
Tydsone	UTC±00:00 (MGT)
• Somertyd	UTC+01:00 (BST)
Skakelkodes	020
Webwerf	london2012.com

Die Olimpiese Park is na afloop van die Spele, in 2013, na koningin Elizabeth vernoem.

Fasiliteite

Die volgende fasiliteite is in die park beskikbaar:

• Olimpiese Stadion
• London Aquatics Centre
• Waterpolo-arena
• Olympic Hockey Centre
• Basketball Arena
• Handball Arena
• London Velopark

Vervoer

Die Olimpiese Park lê langs die Stratford Internasionale treinstasie. Die openbare vervoernetwerk rondom Stratford is uitgebrei om die groot aantal reisigers effektief na en van die Spele te kon vervoer. Tydens die Spele het besoekers van tien verskillende spoorlyne gebruik gemaak. Dit verskaf 'n totale kapasiteit van 240 000 passasiers per uur.

Na die Spele

Na die Spele word die Olimpiese Park as volg gebruik:

• Die Olimpiese Park word omvorm tot een van die grootste stadsparke wat in die afgelope 150 jaar in Europa aangelê is. Die park is ontwerp om die plaaslike ekologie te verryk deur vleilande te herstel en inheemse flora te plant.
• 'n Nuwe universiteit word opgerig wat van die moderne sportfasiliteite en kommunikasie-infrastruktuur gebruik kan maak. Die universiteit gaan in sportwetenskap, digitale media en groen tegnologieë spesialiseer.
• Die sportfasiliteite word aan plaaslike sportverenigings beskikbaar gestel.
• Die Olimpiese dorp word tot 3 600 woonstelle ombou en op die plaaslike mark verkoop.
• Die ArcelorMittal Orbit, 'n staal-uitkyktoring en die grootste kunswerk in die Verenigde Koninkryk sal vir besoekers oop bly.

Panorama