Liesbeek

(Aangestuur vanaf Liesbeekrivier)

Die Liesbeek is 'n riviertjie in die Kaapse Skiereiland wat aan die oostelike helling van Tafelberg in Skeletonkloof en Vaalkatkloof ontspring. Via Kirstenbosch, Bishopscourt, Wynberg, Nuweland, Rondebosch, Rosebank en Mowbray bereik dit Observatory. Daar vloei dit saam met die Swartrivier en saam mond hulle by Paardeneiland in Tafelbaai uit.

Liesbeek
Die Liesbeek in Rosebank.
Die Liesbeek in Rosebank.
Die Liesbeek in Rosebank.
Oorsprong Tafelberg, Kaapstad, Wes-Kaap (Suid-Afrika)
Stroomgebied Wes-Kaap (Suid-Afrika)
Witpelikaane op die Liesbeek

Groot dele van die rivier is gekanaliseer. Erosie en besoedeling is 'n groot probleem.

In 1657 het die eerste Vryburgers plasies op die oewer van die Liesbeek ontvang. 'n Grensheining is aangeplant ewewydig aan, maar effens oos van die rivier, van die see tot Bosheuwel (die huidige Wynberg) en van daar wes na Tafelberg. So het dit die oostelike grens van die Kaapse nedersetting gevorm. Die grens is met drie forte versterk, naamlik Fort Kijck-uyt (by die mond van die rivier), Fort Keert de Koe (by die samevloeiing met die Swartrivier) en Fort Houd den Bul (by die huidige Claremont).

Aanvanklik is die rivier die Amstel en soms ook die Versserivier genoem. Waarskynlik weens die baie waterplante in die stroom, is al vroeg die naam Liesbeek gebruik. Lies is die Nederlandse woord vir plante wat in en langs water groei.

Bibliografie wysig

  • Böeseken, A.J.: Geskiedenis-atlas vir Suid-Afrika. Kaapstad: Nasou, 1963.
  • Burman, Jose: Safe to the sea. Kaapstad: Human & Rousseau, 1962.
  • Stockenstrom, Eric: Historiese atlas van Suid-Afrika. Stellenbosch: Pro Ecclesia-Drukkery, 1928.

Eksterne skakels wysig

Koördinate: 33°56′11″S 18°28′35″O / 33.93639°S 18.47639°O / -33.93639; 18.47639