Mowbray

Mowbray is 'n suidelike voorstad van Kaapstad tussen Observatory en Rosebank.

Mowbray
Voorstad
Mostert se meul
Kaart van Mowbray
Mowbray Kaart van Mowbray
Koördinate: 33°56′46″S 18°28′34″O
Land	Suid-Afrika
Provinsie	Wes-Kaap
Metropolitaanse Munisipaliteit	Kaapstad
Oppervlak
• Totaal	2,76 km2 (1,07 vk. myl)
Hoogte	21 m (69 ft)
Bevolking
• Totaal	4 276
• Digtheid	1 560/km2 (4 000/vk. myl)
Tydsone	UTC+2 (SAST)
Poskode	Busse: 7700 Strate: 7705
Skakelkodes	021

Geskiedenis

Die gebied is in 1657 in plase opgedeel, waarvan die grootste later "Welgelegen" genoem is.

'n Herberg genaamd "Varietas Delectat" is in die 1720s geopen. Dit het later as "Drie Koppen" bekend geword nadat die koppe van drie slawe wat vir moord terreggestel is naby die herberg op pale tentoongestel is. In die 19de eeu, is hierdie naam verkeerdelik in Engels as "Three Cups" vertaal. Die gebied is in 1850 amptelik "Mowbray" genoem.

Mowbray was van 1886 tot 1890 deel van die Rondebosch-munisipaliteit. Van 1890 tot 1913 wat dit 'n munisipaliteit op sy eie. Sedert 1913 is dit deel van Kaapstad.

Wapen

Munisipaliteit (1) — Mowbray het twee munisipale wapens gehad. Die eerste het op die name "Drie Koppen" en "Three Cups" gesinspeel. Die skild is deurgesny, drie afgesnede manskoppe op pale verskyn in die skildhoof en drie bekers in die skildvoet. Die wapenspreuk was "Welgelegen".

Munisipaliteit (2) — Die raad het die wapen in 1901 met 'n skynheraldiese ontwerp vervang. Die skild is gevierendeel en toon (1) Duiwelspiek, (2) 'n leeu op 'n blou agtergrond, (3) 'n goue adelaar op 'n blou agtergrond, en (4) die wapen van die Kaapkolonie. Die helmteken was 'n afgerukte adelaarskop, en die wapenspreuk was weereens "Welgelegen".

Sien ook

• Mowbray (kiesafdeling)