Maak hoofkeuseskerm oop
Hierdie artikel handel oor die taal. Vir die etniese groep, sien Luo (volk).

Luo (Dholuo, [d̪ólúô]) is 'n Nilo-Sahariese taal wat deur sowat 4,2 miljoen mense rondom die Victoriameer gepraat word. Nes Kanuri behoort Luo tot die mees gebruikte Nilo-Sahariese tale, 'n aparte taalfamilie in Afrika. Luo word veral in die lande Kenia en Tanzanië deur die Luo-volk gebesig.

Luo
Dholuo 
Uitspraak: [d̪ólúô]
Gepraat in: Vlag van Kenia Kenia
Vlag van Tanzanië Tanzanië 
Gebied: Victoriameer
Totale sprekers: 4 229 000[1]
Taalfamilie: Nilo-Saharies
 Saharies
  Oos-Saharies
   Luo 
Skrifstelsel: Latynse alfabet
Taalkodes
ISO 639-1: geen
ISO 639-2: luo
ISO 639-3: luo 
Verspreiding van Luo
Kaart van die Victoriameer, waar die Sewendedagadventiste van die Brits-Oos-Afrika-sending gewerk het. Rusinga-eiland en die stad Kisii is gemerk

Luo is nes baie Afrikatale tonaal met 'n onderwerp-werkwoord-voorwerp-volgorde. Dit word in die Latynse alfabet geskryf.

In Kenia is Luo die derde mees gebruikte taal net na Swahili en Kikuyu, terwyl dit in Tanzanië net een van baie minderheidstale is.

Luo is onderling verstaanbaar met Alur, Lango, Acholi en Adhola in Uganda. Luo en die voorgenoemde Uganda-tale is almal verwant aan Dinka en Nuer in Suid-Soedan en Anuak in Ethiopië as gevolg van 'n gemeensame etniese oorsprong van die Luo-volke wat Luo-tale besig.

Volgens skattings besit Dholuo 'n leksikale 90%-ooreenkoms met Lep Alur (Alur-taal), 83% met Lep Achol (Acholi-taal), 81% met Lango, 93% met Dhopadhola (Padhola-taal), 74% met Anuak en 69% met Jurchol (Luwo) en Dhi-Pari (Pari). Ten spyte van 'n gemeensame etniese oorsprong word hulle egter as tale op hul eie reg beskou wat deur taalverskuiwing weens beweging in die geografiese ruimte ontwikkel het.

VerwysingsWysig

  1. (en) "Ethnologue: Languages of the World, Seventeenth edition, Dholuo". Ethnologue. Besoek op 12 Augustus 2019.

Eksterne skakelsWysig

  • (en) "Dholuo". Omniglot. Besoek op 12 Augustus 2019.