Margit Meyer-Rödenbeck

	Margit Meyer-Rödenbeck
Geboorte	29 Januarie 1970
Nasionaliteit	Suid-Afrika
Beroep(e)	Aktrise
Internet-rolprentdatabasis-profiel

Margit Meyer-Rödenbeck, ook bekend as Dowwe Dolla, gebore in die Paarl, Wes-Kaap, is ŉ Suid-Afrikaanse aktrise, komediant, sosiale kommentator en teatervervaardiger, veral bekend vir haar verhoogkarakter, Dowwe Dolla. Nadat Margit aan Hoërskool Durbanville matrikuleer het, het sy in 1988 begin om Drama te studeer aan die Universiteit van Stellenbosch. In 1991 het sy haar honneursgraad behaal en in 1997 haar meestersgraad in teaterbestuur. Margit het die karakter, Dowwe Dolla, geskep wat in verskeie produksies te sien is. In 2011 was Margit en Chris van Niekerk albei regisseurs van die teaterproduksie, Bye Ma, Jaypee, en dit was ŉ onthulling aan die gehoor om vrede te maak met hul huidige omstandighede en om voort te gaan ten spyte van dit wat om ŉ mens gebeur.

In 2013 het sy die teaterproduksie, Boksballade, se regie behartig, asook Kytie – ŉ Koos Kombuis-storie en sy het ook gespeel in Jong Dames Dinamiet en Lag jou G*t Af. Behalwe vir haar verhoogwerk in onder ander kinderteater en kabaret, het sy ook as radio-omroeper gewerk by Radio Punt en is ŉ mede-eienaar van die teaterrestaurant, Die Boer, in Durbanville, Wes-Kaap, saam met haar man Jurg Human.

In 2016 het Margit se pantomime, Liewe Heksie: Flower Power, vir twee weke lank vertoon by die Brooklyn-teater in Pretoria en in totaal 55 vertonings landswyd gelewer het, en was ook vir vier kykNET-Fiëstas benoem.

In Februarie 2019, speel Margit en die aktrise Marion Holm, in die produksie, Die Voordele van Eierwit, is ŉ komiese drama en ‘n meer ernstige toneelstuk wat dieper gevoelens konfronteer en dat dit nodig is om in ŉ gejaagde leefstyl tot stilstand te kom en introspeksie te moet doen. Later in 2019 het Margit ook kragte saamgesmee met aktrises Lizz Meiring en Nicole Holm vir die teaterproduksie, 3 Susters, die teks is ŉ blik op verhoudingbou en om met deernis na mekaar te om te sien.