Maryam Mirzakhani

Maryam Mirzakhani (Persies: مریم میرزاخانی‎‎ [mæɾjæm miːɾzɑːxɑːniː]; * 3 Mei 1977 in Teheran, Iran; † 15 Julie 2017) was 'n Iranse wiskundige aan wie in 2014 die Fields-medalje toegeken is, 'n prys vir hoë wetenskaplike prestasies in wiskunde wat in dié vakgebied as die ekwivalent van die Nobelprys beskou word. Mirzakhani het die prys vir bydraes tot ingewikkelde geometrie en dinamiese stelsels ontvang. Sy was die eerste vrou en die eerste Iranse wetenskaplike aan wie die medalje toegeken is.

Maryam Mirzakhani
Maryam Mirzakhani in Seoel in 2014
Geboortenaam	مریم میرزاخانی‎‎
Gebore	(1977-05-03)3 Mei 1977 Teheran, Iran
Oorlede	15 Julie 2017 (op 40) Stanford, Kalifornië, Verenigde State
Nasionaliteit	Iran
Vakgebied	Wiskunde
Instelling(s)	Universiteit van Princeton Universiteit van Stanford
Alma mater	Sharif Universiteit van Tegnologie (BS) Universiteit van Harvard (PhD)
Doktorale promotor(s)	Curtis T. McMullen
Toekennings	Blumenthal-toekenning (2009) Satter-prys (2013) Clay Research-toekenning (2014) Fields-medalje (2014)

Maryam Mirzakhani, wat haar akademiese opleiding in Teheran en aan die Harvard-universiteit ontvang het, was sedert 2008 professor aan die Amerikaanse Stanford-universiteit in Palo Alto, Kalifornië. Haar navorsing op die gebied van teoretiese wiskunde het navorsing op gebiede soos moduli-ruimtes, die Teichmüller-teorie, hiperboliese geometrie, Ergodiese teorie en simplektiese geometrie ingesluit – met belangrike wetenskaplike gevolgtrekkings vir 'n verskeidenheid vakgebiede wat van kriptografie tot teoretiese fisika en navorsing oor die ontstaan van die heelal gestrek het.

Maryam Mirzakhani is in 2013 met borskanker gediagnoseer en het in 2017, op die ouderdom van veertig jaar, aan dié siekte beswyk. Sy word oorleef deur haar eggenoot, die Tsjeggiese wiskundige Jan Vondrák, en hul dogter Anahita.

Eksterne skakels

Onderhoude

• Mathematician Maryam Mirzakhani: 'The more I spent time on maths, the more excited I got'. In: The Guardian, 13 Augustus 2014^{[dooie skakel]}