Meganiese ingenieurswese

Meganiese ingenieurswese is 'n ingenieurstak wat ingenieursfisika en wiskundige beginsels met materiaalwetenskap kombineer om meganiese stelsels te ontwerp, ontleed, vervaardig en in stand te hou.^[1] Dit is een van die oudste en mees uiteenlopende vertakkings van die ingenieurswese.

Meganiese ingenieurswese vereis 'n begrip van kernareas, insluitend meganika, dinamika, termodinamika, materiaalwetenskap, struktuuranalise en elektrisiteit. Bykomend tot hierdie kernbeginsels, gebruik meganiese ingenieurs gereedskap soos rekenaargesteunde ontwerp (CAD), rekenaargesteunde vervaardiging (CAM) en bestuur van produklewensiklusse om vervaardigingsaanlegte, industriële toerusting en masjinerie, verwarmings- en verkoelingstelsels, vervoerstelsels, vliegtuie, watervaartuie, robotika, mediese toestelle, wapens en ander te ontwerp en te ontleed. Dit is die tak van ingenieurswese wat die ontwerp, vervaardiging en bedryf van masjinerie behels.^[2]^[3]

Meganiese ingenieurs ontwerp enjins, kragbronne, ander masjinerie...

...strukture, en voertuie van alle groottes.

Geskiedenis

Gedurende die 17de eeu het belangrike deurbrake in die fondamente van meganiese ingenieurswese in Engeland plaasgevind. Sir Isaac Newton het Newton se bewegingswette geformuleer en Calculus ontwikkel as die wiskundige basis van fisika.

Meganiese ingenieurswese het tydens die Industriële Revolusie in Europa in die 18de eeu as 'n veld ontstaan; die ontwikkeling daarvan kan egter duisende jare regoor die wêreld teruggevoer word. In die 19de eeu het ontwikkelinge in fisika gelei tot die ontwikkeling van die meganiese ingenieurswetenskap.

Ontwikkeling

Die veld het voortdurend ontwikkel om vooruitgang in te sluit; vandag is meganiese ingenieurs besig om ontwikkelings na te streef op gebiede soos samestellings, megatronika en nanotegnologie. Dit oorvleuel ook lugvaartingenieurswese, metallurgiese ingenieurswese, siviele ingenieurswese, elektroniese ingenieurswese, vervaardigingsingenieurswese, chemiese ingenieurswese, bedryfsingenieurswese en ander ingenieursdissiplines in verskillende mate. Meganiese ingenieurs kan ook werk op die gebied van biomediese ingenieurswese, spesifiek met biomeganika, vervoerverskynsels, biomegatronika, bionanotegnologie en modellering van biologiese stelsels.

Meganiese toestelle

Voorbeelde van meganiese toestelle en rangskikkings is:

Aandrywingstegnologie: soos die petrolenjin, dieselenjin, elektriese motor, stoomenjin, gasturbine en stoomturbine
Konstruksies: brug, hyskraan, truss
Masjienkonstruksie: byvoorbeeld die palletizer, robot
Beheerde stelsels: soos die hidroulika (bv. hidrouliese pers), pneumatika (bv. pneumatiese boor), pompe (vloeistof- en lugpompe), robotika en skakelaars (elektries en handmatig)
Verbindingsbeginsels: boute, klikverbindings, klinknaels, sweis, lym en perspas
Termodinamika: byvoorbeeld hitteruilers van sentrale verwarmingsinstallasies, koelinstallasies, stoomketel

Basiese verantwoordelikhede

Ontwerp
Ontwikkel produksietekeninge en skep materiaallyste
Tegniese steun aan aankoopdepartment en kliënte
Tegniese steun aan vervaardigingsproses.
Kwaliteitsbeheer

Verwysings

↑ "What is Mechanical Engineering?".
↑ engineering "mechanical engineering". The American Heritage Dictionary of the English Language, Fourth Edition. URL besoek 15 September 2020.
↑ "mechanical engineering". Webster's Dictionary. URL besoek 15 September 2020.

[1] "What is Mechanical Engineering?".

[2] ring "mechanical engineering". The American Heritage Dictionary of the English Language, Fourth Edition. URL besoek 15 September 2020.

[3] "mechanical engineering". Webster's Dictionary. URL besoek 15 September 2020.

[1]

[2]

[3]