Meiolania

Meiolania; Tydperk: Oligoseen–Holoseen, 33.9–0.002 m. jaar gelede PreЄ Є O S D C P T J K Pg N
	’n Model van ’n Meiolania platyceps-skelet (Amerikaanse Natuurhistoriese Museum).
Wetenskaplike klassifikasie
Koninkryk:	Animalia;
Filum:	Chordata;
Klas:	Sauropsida;
Orde:	Testudines;
Suborde:	Cryptodira;
Familie:	†Meiolaniidae;
Genus:	†Meiolania; Owen, 1886
Spesies
	†M. brevicollis; †M. platyceps; †M. mackeyi; †M. oweni;

Meiolania ("klein swerwer") is ’n genus van die skilpad uit die Oligoseen tot die Holoseen wat sowat 2 000 jaar gelede uitgesterf het.

Beskrywing

M. platyceps van voor.

Die vorm van Meiolania se skedel was ongewoon, met baie knop- en horingagtige uitsteeksels. Twee groot horings het na die kante gewys en daarom is die totale breedte van die skedel 60 cm. Dit sou die dier verhinder het om sy kop heeltemal in sy dop te trek. Die stert is deur gepantserde ringe beskerm en het doringagtige uitsteeksels op die punt gehad.^[1]

Die skilpad was taamlik groot: sowat 2,5 m lank. Dit was die tweede grootste bekende skilpad – net Megalochelys atlas van Asië, wat in die Pleistoseen voorgekom het, was groter. Meiolania het in Australië, Lord Howe-eiland, Nieu-Kaledonië en Vanuatu voorgekom.

Die dier was ’n plantvreter. Omdat oorblyfsels wat in 1925 bekend was, naby strande ontdek is, is geglo dit was ’n seeskilpad. Dit is egter nou bekend dat Meiolania op land voorgekom het.

Verwysings

↑ Palmer, D., red. (1999). The Marshall Illustrated Encyclopedia of Dinosaurs and Prehistoric Animals. Londen: Marshall Editions. p. 67. ISBN 1-84028-152-9.

Eksterne skakels

Wikimedia Commons het meer media in die kategorie Meiolania.
Hierdie artikel is vertaal uit die Engelse Wikipedia

[EoDP-1] Palmer, D., red. (1999). The Marshall Illustrated Encyclopedia of Dinosaurs and Prehistoric Animals. Londen: Marshall Editions. p. 67. ISBN 1-84028-152-9.

[1]